Chapter 12: December 01

-
Isa na ka semana ang nilabay sukad atong time nga nagkaaminan ming Areon. Pagka-ugma pud ato na-okay nami. Pero bisag unsaon di gyud ko mutuo sa iyang giingon nga gusto pud ko niya. Pakipot sa ta para naay thrill. Alangan dawaton dayon niya scam diay to aguy hastang sakita kung mao man. Maynalang ning careful ta.

Pero ang ferson walay adlaw na walay absent sa pag-remind nga seryoso daw siya. Kada-adlaw gipa feel na willing siya kung musugot ko magpanguyab niya. Uh, di diay ko!

Pareha ani ron oh tawag tawag mi. Sweet kaayog tingog ang buang. Diko ka-dili ug di ko ikalimod nga lami kaayo sa pandungog mura kog giduyan duyan pero di makalipong. Unta hangtod sa hangtod na ni.

"Ah so meaning ato namalditahan gyud diay ka nako?" Sarcastic nakong pangutana.

"Di man sa ing ana. Imong nawng man gud gakusmod ato nga time. Tapos ingon pa nila Junrel gilabay nimog kusog ang tsinelas namalikas pa gyud daw ka haha. Nasaksihan pud sa mismong mata nako...katimaan ka atong nagpa ila ila ko gitalikdan ko nimo?"

"Ahh, namalditahan na ka atong pagtalikod nako ganun?"

Wa ni kabalo buanga ni na ginerbyos ko ato nga time. Maygani wa niya nahalata na gikulbaan diay ko ato. Lakas ng charisma man gud.

"Ohh tapos first impression sa mga bata," patukoy niya iyang manghod ug barkada ato.

"Mm di pa to mao naapay mas worst ato. You wanna try?"

Nitawa siyas pikas linya,".. no thanks!"

"Pag-ingon lang if want nimo itry. Sulayan nato ug way pagduha-duha haha.."

Natingala ko ngano nahilom siyag kalit.

"Ngano ka?" Curious nakong pangutana.

"Wala..naa lang koy naisip. "

" Unsa? "

"Why do you wanna know?" Nanungog pa siya.

"Edi don't! Assuming kayka duh! "

Gikataw-an rako niya,"..naisip nako ang future."

"Naols! Naana siya'y pa future future."

"Syempre, kabalo ka unsay about?"

Napuno ko sa iyang kapabitin. Maong gitubag nalang sad nakog unsa.

"Naisip nako ang itsura sa future nako kauban ka. Kauban sa atong daghan nga mga anak hangtod sa pagkatigulang nato ba."

"Hmm..how can you be so sure na maging kita gyud?" Gipanormal gyapon nako akong tingog para di mahalata na gikilig ko. Nagsugod napud kog imagine sa future kauban niya. Feel nako niinit akong lawas sa kakilig.

"Easy! Giingon ni Cupido sa akoa haha.."

Napakusmod ko. Binuang napud duh!

"Pero seryoso nafeel nako. Pareha anang sigurado na ko na maging kita gyud ang gitadhana. Kung musugot lage ka ron na maging kita na, mas nindot para sayo masugdan atong love story.."

"Shut up Areon!"

"Yiee, gikilig ka noh?"

"Wala, aysig pinataka dira!"

"I love you..hehe"

Naningot ko sa nadunggan. Unsa daw? Wtf? Nag iloveyou siya kabalo kong joke joke ra na niya pero lami man diay sa pandungog noh?

"Ayy hala pasmado akong baba hehe sorry suko na sad na siya ron."

Wa gyapon ko nitubag.

"Basta manguyab ko nimo ug padayon. Bahala kag di paka mutuo ron. Mupadayon rako. Seryoso ko bahala pag ingnon nila na weak ni kay sa chat nanguyab. Kung pwede lang gani sa personal gihimo na nako. Rhea? Sagdii rako ha? Aykog bawali?"

"Areon.." wa na nako kapugngi na matawag siyas iyang ngalan. Sobra na kalambing iyang tingog. Murag baye daghan kaayog yawyaw. Kabalong gikilig nata diri.

Nitugpa akong panan aw sa calendar na nakasab-it sa likod sa akong sira. December 01. Okay rapud guro ni na adlaw sugton nako siya oyy. Gikilig ko sa akong nahuna-hunaan.

"Areon? Unta lang seryoso ka."

"Seryoso man ko.."

"Kung mao man edi sige musugot nako itry nato-"

"What do you mean? "

"Ay kog english englishi dira. Sugot nako! "

"Na? Sugot sa?"

"Bwiset ka! Oo na ayna padayon ug panguyab. Kita na!"

"Weh? " Napapiyong ko sa iyang weh sa kalagot. Ulaw biya balik balikon ha.

"Unsay weh? Abi kog bag seryoso ka tapos mag weh weh raka dira. Gitubag na tika oo gisugot na tika yawa ka!"

"H-Ha?"

"Wala! Ingon ko gwapo unta ka pero bungol lang."

"I-on gud kadali imong cam." Sugo niya.

Sige gyud pamugos. Tutal naka on na iya cam gi on nalang pud nako. Nagpadaiyos kos akong higdaanan pahigda. Gikuha nako akong habol ug gitabunan ang baba-an dapit, mata ray gipakita.

Nara siya naka atubang sa cam. OA kaayog reaksyon nisiga ang mata. Nagkatawa nalang ko.

"Tarong ba? Seryoso ka Rhea?"

"Dili? Dili?" Sarcastic nakong tubag.

"Balika gani. Wa kaayo ko kadungog ganina.."

Hapit nako mapuno pasalamat siya gwapo siya,"..Areon Francisco diba nanguyab ka nako? Kabalo kong lain kay gisugot dayon tika bag o palang gani pero unsay mali if itry nato. Sugton na tika karon okay na? Happy? Gisugot na tika! Aysig nganga dira sudlan nag langaw imong baba."

"Wala nanay bawiay ha?"

Nitando rako. Kadaghag hasol.

"YES! I LOVE YOU RHEA THANK YOU!"

Napalibat rakos call. Hehe, I love you napud daw.

"Hehe okay ra na di sa na nimo tubagon ron-"

"I love you t-too.." ingon nako dala tabon sa habol sa akong nawng. Yikes!

"Hoy, unsa to Rhea? Haha!"

Nilingo-lingo kos kaulaw.

"Balika gani?"

Nilingo lingo ko utro sa kaulaw. Tik om kaayo ang baba. Bahala na siya dira di na pwede na balikon.

"Ikaw ah you surprised me a lot today. I didn't expect you to say that in this early. Haha 3 points nakas akoa ha. Una ang pagsugot na maging kita na officially. Pangkaduha, giingnan ko nimog 'gwapo pero bungol' ayy haha pangkatulo ang 'unexpected iloveyou' nimo. Hayst! Cutie Rhea Jane nako."

***

Areon P.O.V

Naay nanuktok sa akong kwarto maong nibiya sa kos akong table kung asa ko gadrawing sa amoang project.

Pag-abri nakos sira. Nakita an nakos Mama.

"Yes Mom?"

"Kuyogi sa ko kadali Ar bi.." kita nako ang karatol sa iyang lihok. Kulang nalang muhilak siya sa akong atubangan kay kahilakon naman gyud kaayo siya.

"Asa man Mom? What happen?" Gidali nako siyag gunit sa braso para alalayan ug pakalmahon naa pa raba ni high blood basin niyag atakihon ug kalit mapatay gyud kong Papa.

Gikulbaan pud ko nuon based sa iyang gipakita ron.

"Imong D-Dad Ar..naaksidente k-kuyogi kos hospital huhu." Didto na siya nihilak ug taman.

Sunod na panghitabo nakita nalang nako akong kaugalingon na nag-drive sa amoang SUV. Naa si Mama sa passenger seat. Sige siyag hilak. Ni-ring iyang cellphone pero murag wa niya nadungog maong akong gikuha sa iyang kamot.

Si Kuya..

"Ya?"

"Asa ka?"

"Padung nami dira. Kauban nakos Mom."

Sa private hospital gidala si Papa maong didto na dayon nako gidiretso.

"Mom, ma okay ra ang tanan. Salig lang ta niya.." Nitando ra siya. Pag abot namo nisulod dayon mi. Nakita dayon mi ni Kuya maong nisugat siya namo.

Tuara nihilak ug samot si Mom gakos niya. Nagkatan away rami. Gipilingkod namo si Mom usa mi nidaplin.

"Naunsa si Dad, Ya?"

"Nadisgrasya. Nabanggaan iyang kotse sa de-karga. Wa pay balita. Wa pay nigawas na doctor."

"Nakita na nimo siya?"

"Not yet. Pero ingon sila grabe daw ang dugo. Gikan pakos trabaho ug gitawagan kos pulis mao nang nakauna ko diri."

Mangutana pa unta ko niya pero nadungog nakos Mom.

"Areon? Jake?" Gitawag mi niyang duha.

"Mom?"

Nitan aw siya nako.

"Your brother. Call him. Nangita na to nato. Please si Dennis, Areon.."

Nitindog ko,"..ya ikaw say bahala ni Mom?" Nitando siya.

Nigawas kos hospital para makasagap ug hangin dayon signal. Gidial nakong number sa akong manghod. Pila lang ka ring gitubag na niya.

"Ya? Asa mo? Wa lage mo diris balay? Way tawo pag uli nako?"

"Paminaw Dennis. Naamis hospital ro-"

"Unsa? Nag unsa man mo dira?"

Wa mani siya kabalo kay gikan manig eskwelahan.

"Si Dad nadisgrasya. Maong dira sa ka ha. Balitaan ra tika, pauban sa diha ni Junry."

Natingala ko wa siya nitubag sa pikas linya.

"Dennis?"

"Y-Ya, kwaa ko. M-Muanha kong D-Dad."

Napapiyong ko ug nihinga ug ikapila.

"Sige, hulata ko."

-

Nahibaw an namo na way brake tong nakabanggaan ni Dad. Isa pa wa daw suga tong highway. Pero lahi ra gyud tong disgrasyaha mas grabe ang samad na nakuha ni Dad kesa sa driver na naparok ra gamay. Base sa imbestigasyon ang sad an kay ang driver sa de-karga. Tuanas prisohan ron ug padayon pa gyapon ang imbestigasyon. Si Kuya na ang nagvolunteer na muasikaso didto. Nagpabilin mi diris hospital.

Naa na mis kwarto ni Dad ron. Maygani wa ra siya gideclare na na-comatose. Pero naa siya'y crack sa skull na delikado if di maagapan daw. May gani giuna rami's mga doctor kay kung wala pa ganina rako ga-wild diri. Human sa pakig estorya namo sa doctor nibalik kos kwarto ni Papa ug si Kuya kay nigawas kauban si Dennis mamalit silag panihapon kay nabalaka ming Mama na wa pay kaon.

Giabrihan nako ang sira sa kwarto ug naabtan nako didto si Mama sa tapad ni Papa. Nakahikap siyas kamot ug gahilak. Nipwesto kos iyang likod ug gihapyod-hapyod.

"Mom, aynag kabalaka kaayo dira ma okay ra lage nas Papa. Awa ugma mumata na na siya," ingon nako.

"Unta lage Ar di gyud ni nako kaya kung madugayan siyag ing ani. Nabalaka kaayo ko, luoy kaayong sitwasyon sa imong Papa." Mas nisamot siya ug hagulhol.

Sige ra gyapon kog hapyod sa iyang likod para maundang siya sa paghilak pero wala ra gyapon. Kadyot pa nako siyang gihunghongan ug comforting words sakto naabot ang duha nako ka igsuon. Gipakaon namóg pugos si Mama apil nas Dennis.

"Ar, panguli namong Dennis ug una kay naapa moy klase ugma kami na sa imong Kuya sa diri," ingong Mama.

"Muabsent sa ko ugma, Mom. Si Dennis nalang akong ihatod sa," dayon gitan aw nako ako igsuon.

"Di ko! Diri rako muabsent sa pud ko ugma bahala na sila dira." Sagbat ni Dennis.

"Pero Dennis?" Mailhan sa tingog ni Mama na di niya gusto iyang nadungog.

"Mom, sagdii nalang sa gud na muabsent siya. Ug maynalang pud naata tanan diri ba kung mumata nas Dad malipay na siya." Ingon sa akong Kuya.

Human ato nigawas sa ko para mangape. Didto na nako nahuna-hunaan na nakalimutan diay nako ug online ug pila ka oras. Makalimtan nako na naaman diay kóy uyab na siguradong nabalaka na nako kay wa ko maka online ug tawag. Hastang limota nako tungod sa nahitabo ron.

Dali-dali nakong gikuot ang cellphone sa àkong bulsa ug gitawagan siya sa mismong number niya. Hapit na mag ala una pero bahala na basta maka update lang ko niya.

Mga lima guro kay ring usa natinag ang tawag.

"Hello.." ilhan pas iyang tingog na nakamata siya.

"Love, sorry wa ko kay online sukad ganina ug wa ko katawag sorry kaayo love. Bag o pa gani ta wa na ko nakatinarong nimo sorry love hehe..nalimot lang gyud ko pero love gyapon tika."

"Tsk, okay ra love oyy bitaw I miss you. Abi lang gyud nako di naka mutawag ba.." Napasmile kos iyang ingon.

"I miss you too!"

"Bitaw, ngano na imong tingog mura lageg gikapoy ka? Ug hapit na ala una oh wa paka natug?"

"Kapoy gyud love grabeng nahitabo rong adlawa wa ko giganahi. Si Papa nako nadisgrasya nabanggaan ug de-karga. Maong rason ngano wa ko ka online ug pila ka oras kay naa mis hospital. Na okupa kaayo ato akong utok maong nalimot kog update nimo."

"Hala, naunsa ka ba okay ra to! Sorry ana nga balita..p-pero kumusta na imong Papa ron love?"

"Ana lage sa doctor nga nagka fracture pero nagpasalamat kaayo ko na mild ra na dili na kailangan ug opera kay kung ug makamata nas Papa kay basta okay ra iyang ulo di magsakit. Maayo rapud tog anam..unta lage tinuod gyud to. Unta lage di lang kaayo siya maapektuhan kay mabalaka pud kong Mama namo nga highblood biya bantayanan kaayo atakihon tsk.."

"Love, ganahan man ko muanha pe-"

"Di na love ni update rako ug sorry kaayo na wa ko kahuna-huna dayon nimo."

"Nakasabot rako Areon..okay di na mabalaka. Unaha na imong Papa dira kailangan ka nila okay ra ko sunod pa naara man ko perminte diba kabalo man ka ana. Maghulat biya ko nimo ana tika ka love."

Hinay-hinay na nainat akong baba kay wa ko kabalo kung gikilig ba ni pero murag. Lahi gyud nig epekto ning bayhana nis ako. Siya ray maka pakilig sa akoa sukad sukad.

"Basta pag ma okay ning tanan mubawi ko nimo Rhea..good night! Sleep well! I love you, love!"