Chapter 16: Family Francisco

-
"Unya saman Ar? Muanhi imong uyab?" Nangutana ang Mama ni Areon atong isa sa mga kabuntagon.

Bag o pa siyang mata ug nangape siya sa ilang lamesa nga kan anan.

Giundang sa niya ang pagkulitiktik sa selpon. Ka chat niya si Rhea pero nangutana iyang but an nga Mama maong iya sa gyud tong tubagon.

"Ma? Murag oo murag dili.." mao ra iyang tubag.

Nagsugat ang kilay sa iyang Mama. "Murag di man sure? Gusto unta makit an sa imong Papa. Paanhia ba ganahan man pud ko atong bataa gud but anon ug arangan sad."

Napangisi siya sa giingon sa iyang Mama. Ug ni agree siyas huna huna 'sakto gyud ka Ma but an to ug gwapa waka namali ug tan aw. Maayo man gud ko mamili.'

Nagpadayon na siyag pangape human siya sagdaan sa iyang Mama. Nanguha siya balik ug sandwich ug gipalamanan ug Ube Jam nga iyang paborito. Pag ingkit niya grabe pagkatam is ba. Malamian gyud ang condensed nga gatas nga halata kaayo sa lami. Mura gyud siyag gilutaw sa panganod mao puy hinungdan di siya kaundang ug kaon bahalag busog na siya.

Kagabie ra siya nauli. Ug basta bag o siyang uli pinangga gyud na siyas mga tawo sa ilang balay.

Pagkaudtong tutok. Naay mga nangabot mga tawo sa ilang balay kaliwat sa iyang Mama na gikan sa Pagadyan. Ang kaliwat sa iyang Papa kay naa man sa Ozamis mao pud tong mga tawo nga gidayonan sa niya sa pageskwela sa Ozamis.

Nangaabot ni sila kay mutabang tabang gamay sa mga decoration ug luto sa balay. Ugma naman diay. Dakong kaonan ang mahitabo sa buntag. Halos tanan kaliwat ni Mama kay manganhi tutal distansya raman ang syudad makaanhi gyud sila kumpara sa kaliwat sa iyang Papa. Maong pagkagabie na niya gusto paanhion si Rhea kay gamay nalang ang tawo. Magsilbi nga family dinner nalang nila.

Ika 30 na nila katuig ang icelebrate sa iyang Mama ug Papa ugma. Sakto ra gud ang handa pero sure nga bibo gyud.

Bisan pag ing ato ang sitwasyon nga naay mga bisita sila sa balay. Gipili ni Areon nga magpundo sa kwarto na mao gyuy kasagaran niyang ginahimo. Dili kaayo siya close sa iyang mga kaliwat sa mother's side ug wala pud siyay dapat iestorya.

Iya nalang sayangon iyang oras sa iyang uyab.

Karon gani saktong nag video call sila.
Gitarong sa ni Areon iyang selpon ug gisab it sa stand para makapabor siyag tan aw sa iyang Rhea.

"Nangutana gani si Mama kung muanhi gyud ka?"

Wala si Rhea sa camera kay nihawa kadali pero padayon sila gatabi.

"Hmmf? Di pa ko sure love," tubag sa pikas.

Bisan ug sure na biya si Rhea gusto lang gyud siya magbinuang para malungkot ang kaatubang. Gipalitan na gani siyag regalo sa tabang sa iyang Mama kay di ba daw siya maulaw muadto nga anniversary mana.

"Mangaligo man daw mis buntag sa Balasan ugma love. Kuyog ka?"

"Maulaw ko.." Gi expect na ni Areon na mao gyud nay itubag ni Rhea.

Nakasabot ra siya maong nahimoot siya kay murag nag sorry gyud kaayo iyang nawng.

"Okay! Okay! Sa gabie nalang ka anhi.. di nalang tika pugson nga kuyogon ugma maligo. Aside sa di ka sugtan, daghan pud mig kaliwat nga kuyog nga kabalo kong di pa ka ready ma meet sila."

"Mm.. sorry Areon!"

Nahimuot siyag samot sa tingog sa iyang uyab. Naluya na murag guilty. Gitawag pa gyud siyas iyang ngalan na usahay ra matawag sa iyaha kay puro love ra ilang tawagan.

"Okay ra kaayo Rhea!" Pagsuon ni Areon pagtawag sa iyang ngalan. "Di mabalaka basta permi nimo timan an I love you ug I miss you na. Kiss ko ugma ha?" Puno niya hinungdan para mamula si Rhea.

"Hoy!"

Gikataw an ra niya ang reaction ani. "I can't wait to see you.."

"Hmm.. wait? Nag ingon diay kong makaanha gyud ko ugma?" Kay murag sure naman gyud kaayo si Areon na muadto siya.

"Sure na. Ambot ngano."

"Ikaw ha.. gamay nalang isipon na nakong manghuhula ka," kulismaot ni Rhea kay giunsa pag tagna ni Areon.

"Meaning muanhi gyud ka?" Nandako ang mata ni Areon sa realization sa giingon ni Rhea. "Hahahahaha.." Nikatawa siyag kusog ug dugay nahuman.

"Ganahan gyud ka makabalo kung muanha gyud ba ko o dili...?"

-
Martes. Kanya kanyang buhat si Rhea ug Ar-Ar.

Si Areon naligo kauban iyang pamilya sa Balasan.

Si Rhea sa pikas kay nag ready ug way oras na di nakulbaan para sa mahitabo unyang gabie.

What if di ganahan iyang Papa sa iyaha? What if maldito?

Mao na ang mga gipang overthink ni Rhea.

Katong buntaga pud gisulayan niyag bisita balik si itom nga Jeann basin magbag o nang huna huna. Giadtoan niya gabie sa balay pero giingnan siyang naa siyay lakaw emergency. Kuyugon si Jeann sa iyang ate sa eskwelahan kay naay event sa nursing ba.

"Jeann.." Halos mag beg na siya.

Gusto niya ubanon si Jeann kay maynalang ba naa siyay kakampi didto kila Areon. Di man siya ing ani ka kulba atong unang attempt na gipa ila ila siyas Mama ni Areon. Wala man gud ang Papa ni Areon ato ug unya naana maong kulbaan na siya.

Nadunggan niya nga medyo strikto gyud to pag about sa uyab uyab na. According sa Kuya ni Areon.

"Promise Rhea di gyud ko kakuyog. Mga kadlawn pa mi manguli ugma ni Ate. Kung wala lang lage event.. ug nganong kuyog kuyogon pud ko niya himuon ra kong assistant didto."

Kuyugon si Jeann sa iyang Ate kay iyang Ate kay isa sa mga candidate sa pageant sa ilang Department ba. Himuon siyang alalay ug katabang. Bisan ang iyang mga Mama mukuyog.

Way mahimo si Rhea kundi di nalang mamugos. Unsaon nalang niya ron na di man mukuyog si Jeann sa iyaha. Sugtan pa kaha siya mudayon kila Areon?

"Pananghid nalang sa imong Mama nga mubalik dayon ka. I meet lang gud iyang Papa.." Napahunong si Jeann kay lungkoy na kaayog nawng iyang kaatubang. "I mean panihapon lang didto dayon uli na."

"Ulol ka!"

Nagkataw anay silang duha. "Kung di lang ko kuyogon ni Ate kuyugan tika oyy. Ngano gud dili? Naay kaon na hehe.."

"Gani.. ngano man gud naatlan ka na naapay lakaw!" Gibira bira ni Rhea ang abaga ni Jeann nga niwang ug ang last pud ang sigeg reklamo nga sakit. "Diri nalang ka please. Kuyogi ko!"

She was too desperate to beg someone to accompany her. She really wanted to meet her boyfriends' father but she's too scared to face him tonight and she needed someone, an ally.

Wa siya kabalo na enough na si Areon na kauban para di siya makulbaan.

-
"Areon.." halos pahunghong na tawag niya sa uyab. Bag o ra silang naog sa motor kay mao pay pag abot nila. Naapa sila gawas sa gate ug medyo nauna nas Areon pero gilingi siya ani human madungog iyang nabalakang tawag.

"Saman love..?" Giduol siya ani human pangutan on siya sa sweet kaayo nga tingog.

Gigunitan siyang Areon dapit sa siko ug nag inatubangay sila. "Di ka dapat makulbaan. Okay ra lage, di man ka kaonon nila.." Ug gidugtungan niyag halakhak.

"Pero.." Gipugngan siyag estorya ni Areon gamit ang tudlo ani.

"Wala nay pero pero.. kabalo kong nakulbaan ka na basin maldito si Papa. Di lage na, unsa may pulos nako nga uyab nimo kung kasab an man kas sulod.. pasagdan ra ba diay nako? Bisag Papa pa ko na or si kinsa na nga importante nga tawo di nako tugutan na kasuk an akong Rhea Jane."

Sa giingon ni Areon medyo nigaan gaan iyang paminaw. Medyo nikalma na iyang sistema pero naa gyapoy nagpabilin. Basta di ni mahuman wa gyud siya kabalo sa mahitabo pa.

Sunod na nahitabo nakit an nalang ni Rhea iyang kaugalingon na naana sa sulod sa balay. Sa may lamesa sa kusina kaatubang ang Papa ni Areon.

Nakatindog pa siya tapad ni Areon. "Pa, uyab nako si Rhea." Paila ila ni Areon sa iyang tapad.

Medyo naratol siya unsaon pag greet. "M-Maayong gabie Sir," pero naingon gyapon niya ang dapat iingon.

"Maayong gabie pud Ma'am.." sunod niyang tahod sa Mama ni Areon. Gi smile-lan rapud niya ang igsuon ni Areon na naas lamesa.

"Oh! Silly girl, unsay Ma'am gud Mama is fine.." katawa sa Mama ni Areon. Naulaw pud siyas nadungog.

"Maayong gabie pud," didto niya nadunggan ang tubag sa Papa ni Areon. "Lingkod lingkod day.. wa rabay tambal sa barikos." Ingon iyang Papa.

"Ta?" Giagak siyang Areon paduol sa lamesa ug gibirahan siyag lingkuranan. Ulaw man pero gipugos niyag katawa sa mga parents ni Areon na naa sa iyang atubangan.

Nitan aw sa siyang Areon na mao pay paglingkod sa tapad niya. Gi smile lan siya ani na maoy tambal aron mupakalma sa iya. Wa gyapon nawala iyang kulba sa tinuod ra.

Bag o magsugod ang nakatakdang mahitabo. Giabot sa niya ang regalo nga iyang dala. "Happy Anniversary po sa inyoha Mr. and Mrs. Francisco." Gitabangan siyang Areon aron ma successful niyang mahatag ang regalo ug di siya makulbaan pa.

Ngano man gud makulbaan pa? Di gyud niya malikayan.

Didto niya natutukan ug tarong ang padre de pamilya sa Francisco. Medyo opawon na siya pero di pa kaayo tiguwang. Ang kilay murag naay kurba nga alimpo murag pang maldito ug ang mata kay isogon mutan aw mahadlok gyud ka kung di lang kini mu smile.

"Ngaon na ta? Basin gutom na ning bisita sa imong ikaduha Pa," sabat sa iyang Mama na todo smile kay Rhea. Nagsugod silag pangaon. Daghan kaayog nakahanda nga pagkaon. Puro lami ug puro pang dato. Mas lamang ang korean foods, siguro paborito nila.

"Ako day.." sugod ani,".. pasensya na ha kung ma estorya ko ni bisan nag dapat magpasalamat pa ko kay naa kay regalo dala. Dili buot pasabot nga gidal an mi nimog regalo kay ni agree nakos inyong relasyon.."

"Okay ra, Sir." Niduko duko siya para ipakita na okay ra kay Rhea.

"Ako di pud ko muingon na Papa nalang ang itawag sa akoa imbes na Sir.. di ko pareha ani akong asawa diri. Pwede ra Uncle," gisabayan pud ug tando ni Rhea.

Didto giagap ni Areon ang iyang kamot na nakapatong sa iyang paa.
"Okay rako," walay tingog na ingon niya sa uyab.

"Dugay na ba mo aning Ar-Ar?"

"Yes Uncle."

"Niya saman magminyo namo o dili?"

"Kol!?"

"Pa!?"

Dungan silang Areon na nireklamo ug naundang sa paghungit.

"Ingna lang mi mintras sayo sayo pa kesa mahibalo nalang mi na buros na. Maabot man gyud mo kadugayan anang mga butanga na di dapat himuon sa mga mag uyab."

"Ayy dili kol eskwela sa mi hehe.." nahilaw si Rhea ug katawa. Sa iyang huna huna laina pud ug mindset diretso dayon ana pero mas okay nalang guro ni. Mura siyag kasaba pero para raman pud nis ilaha para ma aware sila.

"Ana gyud eskwela sa.. bata pa kaymo. Kaning si Ar-Ar graduate na nig college sunod tuig. Third year na ron ug basin ba ma postpone kay nangadisgrasya na ug sayo. Di ko ganahan ana."

"Si Papa bitaw di man namo na himoon gud," dungog niyang ingon ni Areon.

"Bitaw. Di nato mahibal an, Ar!"

Nitando tando si Rhea. Si Areon kay hilom rang nipadayon ug kaon.

"Mao gyud day Rhea bata pa mo oyy.. dili sa ana, unahon sang diploma usa bata." Puno sa Mama ni Areon.

Nagkaon pa silag padayon. Nahilom kadyot na murag naay mga gipanghuna huna ang mga tagsa tagsa ka tawo atong kan anana.

"Ma, mauna nakos kwarto." Nasaba lang balik katong nitindog iyang Kuya kay manag kaon. Gisugtan pud kini dayon.

"Ar? Rhea?" Babye ani ug nihawa na. Nabilin silang lima sa kan anan. Kauban ang manghod na wa pa nahuman.

"Rhea diba?" Napatan aw siya balik sa Papa ni Areon. "Wa man pud koy maambag dira masuya rako kay di ko ka relate." Ana iyang Kuya.

"Oo Angkol."

"Unsa puy trabaho sa imong Papa?"

"Ah, sundalo kol.."

"Diay?" Niganado ang nawng ani.

"Asa pud na assign?"

"Karon sa Jolo na pero atong una dira ra sa Lagobo, kol."

Nitando tando kini. "Unsa puy ngalan sa imong Papa basin kaila ko?" Lahi na gyud ang nawng ani kay murag di na pareha ganina na estrikto murag nihayag ug niganado.

Unsa kahay nahitabo? Unsa kahay rason? Ngano kaha ni?

"Randy.. Randy Banale, Angkol."