CHAPTER 2: Ang Tsinelas

-
KANYA-KANYA dayog panganaog ang akong mga kauban. Human mihunong ang among gisakyan. Nag-inambakay. Abog-abog noong balas. Naapay hapit madusmo sa ka excited. Pareho man pud ming tanan makanaog.

Gikuha sa namo ang ubang salbabida na nagtapok sa kilid diris sulod sa sakyanan. Dayon niambak nako. Yati hapit pud mabali akong tiil. Nagdinaganay na ang uban bisag aha. Sila mama nanganaog napud.

Nauna na akong ubang Ante diri para mag-reserve ug cottage. Maong diretso nalang mi. Ug dahil good girl ko nitabang kog hakot sa among mga dala. Mayngani duol-duol ra. Dili ra kapoy ug dili rakayko mahaggard.

"HOY! MGA BATIG NAWONG DI DIAY MO MANABANG HA?" Pangutana nako klaro ang pagkasarkastiko.

Pero wala koy nadawat na mga tubag. Nagpadayon silag dinaganay sa dagat. Nagsi-iyahay ug mga business.

Naa si Lobot nang-chix dayon. Naay batig nawong tua nagtaod nag duyan sa kilid sa among cottage. Naanay nagkapa-kapas dagat. And uban pud iyahayg panan-awg gwapo tapos magpa-cute. Mapalingo-lingo na lang ta ani na wala sa oras.

"Rhea, paliti daw kog sigarilyo didto kadyot nak bi." Gidawat nako ang gitunol ni Papa na kwarta.

"Aha man ko dapit mupalit oi?" Reklamo nako. Nagtan-aw tan-aw ming papa sa palibot hangtod sa naay siyay gitudlo,"..didto oh! Naay tindahan."

"Layo kaayo," nagsugat na akong kilay. Alangan bi sa kadaghan namo ako gyuy nasuguan. Naa man koy manghod bi na pwede suguon. Ngano ako man?

"Hala pagbalon. Layo man kaha. Basin mapasmo ka," napalibat kos iyang giingon.

Favorite line na nilang duha ni Mama. Basta muingon mig layo kaayo basta suguon muingon dayon silag 'hala pagbalon'. Yahay!

"Unsa? Katong hopi?"

"Unsay hopi?!" Gikataw-an nako siya, wa ka-gets.

"Hope ba hope."

"Ayaw. Mighty green lang." Ingon siya.

"Ihurot?" Pangutana pa nako utro.

"Ohh..lakaw na!"

"Lage oi excited." Yawyaw pa nako. Gikumot nako ang 100 pesos na kwarta sa'kong kamot.
Naglakaw nako ug bug-at sa akong kasing-kasing. Nagsugat gyapon akong kilay sa ka-badtrip.

Basig di palang ko mabinlag spaghetti. Bantay lang gyud sila. Naapa ra bay toy pasas. Murag pasas sa imong bibingka ba. Lami ug nindot tan-awon. Char!

Abog-abog gud ang balas sa akong tiil. Daghan kog mga cottage na nalabyan. Tan-aw pud kos mga tawo oi. Daghan pug napatan-aw sa akong beauty maong niduko nalang kos kaulaw.
Ikaw daw bi tutukag pinapilit sa mga igop!

Karon ra nako utro narealise ang akong gisuot. Bra na gray tapos gisapawan nakog murag musketiro na sinina na color brown. Kita gyapon akong lawas. Tapos giparisag beach short. Giingnan biya ko nila ganina na mag-swin suit daw ko para parehas mi nilang Jeann mga swimsuit may mga gipang-suot sa mga buang. Atot ra yahay kaayo. Dili sa dili ko confident sa akong lawas. Hadlok lang gyud ko gukdon ba ug libo-libong mga igop.

Naa may swimsuit na gipalit sila Mama sa'ko. Pero wa gyud nako gidala. Bahala mo dira. Never ko musuot ana. Fine, medyo lagom-lagom gamay kog bilahan pero mas lagom gyud kay Jeann. Kita kos bilahan ato, wala mo. Sa kaitom mura nag ulingan di pa gyud mura nag landahan.

Sa kaduko duko nako ug lakaw napahunog ko kay naay tsinelas na naigo sa'kong tangkogo sabay ouch ng konti.

"Y*wa...kinsa 'to?!" Nilingi kos likod kung asa gikan ang flying tsinelas.

Nahunong gud ang mga ubang tawo na naa sa akong duol ug nakadungog sa akong giingon.

"Awa, ingon ko hinaya lang ug labay!"

"Wala gani natuyo. Abi nakog di kaabot sa iya."

"Bantay ka karon. Yawa daw."

"H-Hoy..."

"Kasala na-"

Naundang sa paghinunghongay ang mga lalaking nagdula katong nitan-aw nako nila ug nandako ang mata. Andam nako mukaon ug tawo.

Nibalik kog lakaw ug aha sila gatindog. Di sila makatan-awg tarong nako.

"Kamo toy gaigo nako?!" Gipaastig nako akong tingog. Mas nakumot pa nako ang kwarta sa kalagot.

"A-haha k-kami 'to. W-Wa man namo natuyo m-miss," ingon sa bata na naay bitbit na tsinelas na kapares atong akong nakaigong tsinelas. Naglagot pa ko kay color yellow na spartan pero bag-o. Maong sakit kaayo.

"HOY BATA!" Sugod nako. Wala koy pake kung naa mis tugkaran sa ilang cottage o kung naa ba ilang kaliwat. Wala koy pake. Kaninang bataa galagot kayko. Actually tulo sila kabuok pero nangatawa lang ang uban maong nakakatawa nalang pud ni akong kaistorya. "Ay kog katawa-katawai." Cool nakong ingon.

"KINSA NING TSINELAS?" Gitaas nako akong gipunit na tsinelas na nakaigo sa akoa.

"Iyaha na miss," tudlo sa kauban niya.

"Ah, so imoha gyud ni. NINDOT!" Ingon ko,"..PERO MAS NINDOT NI" Dali nakog gikuha iyang tsinelas na gunit pud ug gidungan ug labay sa dagat ang tsinelas.

Kabalo kong cool kaayo ko tan-awon atong paglabay nako. Ako pa!

"H-HOY TE..."

"HALA PATAY OI!"

Nitalikod nako para muhawa didto. Bahala nag kahilakon ang katong bata. Oo bata to mga 14 years old pa man guro to. Pero ako gyuy naulawan ay. Daghan nakakita sa pagkaigo sa'ko. Kinsay di maulaw. Para quits mi ilabay pud iyang tsinelas. Bahala nag naay naigo. Bitaw naa man gyuy naigo pero wala nakoy pake si kung kinsa to.

Mas nisamot pa akong kalagot katong napaagi kos usa ka cottage na naay nag-videoke. Bati kaayog tingog. Murag gipatol dzuhh!

"AYOOOOOO!AYOOO! PALIT!"

"Oh unsa man imo?" Nigawas ang tindera.

"Mighty Green isa kaha," diretso nako ingon. Nitan-aw kos dagat, daghan kaayo nangaligo. Gitan-aw pud nako balik ang mga bata ganina. Naana diay sa dagat gikuha akong gilabay. Ang ilang tsinelas na yellow, luod kaayong kolora ba. Mahilak-hilak pa.

"Ara oh!" Gihatag nas tindera akong tuyo. Gitunol pud nako ang 100 dayon nihawa na. Kabalo ko wala nay sukli di ko bobo. Tag-100 ang kaha sa sigarilyo. Mahal na kaayo. Duha kilong bigas naman ta ni.

Nituyok ko ug agi. Sa kalsada ko niagi, wala ko didto nipaso sa atubangan sa mga cottage kay basig sumbagon tas bata didto. Hadlok ta uroy!

Gihatag na dayon nako nila Papa ang sigarilyo ug nagpabira nalang ko ni Chariz. Manghod ni Jeann na 10 years old. Gisugo daw siyas iyang buang na ate na paadtuon ko didtos dagat.

"WHAT?!" Pangutana nakos buang na nagharay-haray nas balas.

"Magpatabon kog balas," nibungisngis pa siya kita iyang itom na lagos.

"Giatay gyud ka. Mangaon pa gani kog cake," mulakaw na unta ko pero gigunitan niya akong tiil maong namûmû kos balasan.

"Agay ha!"