Chapter 22: Naa koy plano!

-

diay mubalik nako ugma
sa Ozamiz kay klase
napud namo..

Mao ra iyang gireply ug ni out na siya. Waman lang gadagdag ug kasunod. Bisag bye lang, ni out ra dayon. Cold na kaayo siya ba.

Maong wa nako kapugngan na makahilak atong gabhiona. Sakit sa buot nga wa ko kabalo naunsa siya. Murag naa koy sala sa iya pero wa ko kabalo unsa kay waman pud niya giingon. Kung mangutana pud ko di man pud tubagon.

-
PAGKAUGMA. Naa koy nahibal an sa akong mga ig agaw. Nilaag man kos ilang balay ni Marjon 'bangkay'.

Naatol pud na naa didto sila paay, I mean sila Louie, Darren, Jun ug ang uban pang mga laki. Pero naa puy uban sa mag igagaw nga absent. Absenot man to sila basta chismisan na.

"Naay event sa La Salle basin ganahan mo muadto?" Ana si bangkay nga ga hubo hubo ug sinina.

Mura rabag naay abs, bukog ra raba.
Halos tanan laki, naghubo ug mga sinina kay igang kuno. Naa man mis terrace nila Marjon gatapok. Udtong dako maong igang gyud tuod.

Diay usa malimtan wa diay nako naingon sa inyo nga kaning uban sa mga laki nakong ig agaw kay wa gaeskwela diri sa Rebei. Ga eskwela sila didto sa La Salle University sa Ozamiz. Mga 4th year crim na. Di sila sa 12,000 nga tuition sa Pagadyan namo didto gyud silas 30,000 kada semester sa Ozamiz. Sabagay mga anak ug dato. Basin gani mag college didto ko mueskwela, ingnon nakos Papa. Char!

"Unsay event?" Si Queeni nay nangutana.

Hilom ra ko kay gahabhab man kos biscuit na gatapok sa plato. Daghag biscuit sila Marjon. Manguha rakas ilang cabinet ug refrigerator busog naka basta mulaag ka diris ila.

"PANAGLAMBIGIT 2024." Dungan nilag tubag, mga laki.

"UNSA NA!?" Dungan pud namog pangutana sa mga di estudyante sa Ozamiz.

"Okay, listen to me carefully pupils!" Gara gara si Jun² the lobot ug nawng.

"Hilom! Pupils sa imong mata.. unsa mi elementary?"

"Pupils kay pang elementary na. Student kay higher na nas elem. bogo!"

Singka nila sa iyaha. Nagkinataw anay raming way nakiapil.

"Mas bogo ka Jeann! Kay gituyo man ko tog pupils ang tawag kay utok elementary paman mo!" Balos pud ni Jun².

"Ayy si Jeann siguradong di rana utok pang elementary. Utok bulinaw na gyud na siya," anas bangkay.

Ang ending napud nagkarambola napud ming tanan. Hapakanay ug sinumbagay. Naapay nagsininggitay kay nangasuko na.

"UNSA MANA DIRA? NGANO SAMOK UG SABA MANA KAAYONG TERRACE!?" Singgit sa Mama ni Marjon na naas sulod.

"WALA TE, SI BANGKAY MAN AYY!" Dungan namong gipasanginlan si bangkay.

"MARJON!? Gakiat napud ka dira dong? Gibolbol naman ta ka?" Singgit pa gyud sa iyang Mama hinungdan nga mang agik ik mig kinatawa.

"Gaba!" Away ni Jeann sa iya.

"Itom! Itom! Itom! Itom ug panit batig pagyud ug nawng!"

"Ayy ayaw bangkay.. duha may maigo ana imong giingon. Di lang si itom kundi si Jelia pud." Sungog ni Jun² kay Jelia, the batig nawng.

"Mga yawa kaayo mo!"

Usa magsumbagay tanan nihirit sa ko sa ilang estorya. Daghan kaayog sungog niya wa pa natiwas among giesstoryahan ganina.

"Hoy! Ipadayon to ninyo. Unsay event sa La Salle? Panag—?" Di nako madayon dayon kay nakalimot kos giingon nila ganina.

"Panaglambigit 2024," answer ni Jun².

"Unsa mana?"

"Uyy, intresado yarns?" Siko ni Jeann dungan hunghong sa akoa. Gisigaan ra nako siyag mata kay basin madunggan mis wa pa kabalo.

Diay si Jeann kabalo pud ni nga sa Ozamiz, La Salle ga eskwela akong Areon. Tanan na gamayng details gi share nakos iya. Siya raman akong kakampi kaayo diri.

Best cousin in the world, itom lang.

"Panaglambigit gud. Panaglambigit sa Cebuano tapos socialization sa English. Mga bogo!"

"MAS BOGO KA!" Balos namo.

So gikwento nila unsay mga mahitabo anang eventa. Nindot. Ug na excite nakog sugod.

"For youth siya ug welcome mi mu invite ug mga outsider. Naa puy socialization night pagkagabie."

"Socialization night na gani matik panggabie gyud na." Kontrabida gyud kaayo nis Jeann.

Pero nitando tando pud kos iyang pamilosopo kay Jun².

"Tanan year ba muapil anang event? Bisag third year?" Ngutana nako.

"Yes oging.. pwede pud gani Grade six." Gipakyuhan ra nako sila.

Way pagduha duhang nakahuna huna kog plano. Naa koy plano!

"Adto ta!"

Dili siya pangutana, kundi estorya siya nga desidido na mukuyog ug muadto sa Ozamiz. Ingon nako sa akong ubang ig agaw.

-
"TARONGA gyud na imong kaugalingom dai. Basin magkiat kiat ka didto mapatay gyud kas imong Papa, di biya unta to musugot na mukuyog ka anang Ozamiz."

As of now, gabieng dako, nag empake kog gamayng sinina kay mukuyog sa Ozamiz. I mean mangapas mi nilang Jun² na nauna nag balik sa ilang eskwelahan ganina.

Ganina ra pud ko namugos nila Mama na mukuyog. Maygani gitawagan pud niyas Papa. Di unta sila manugot kay basin maunsa daw ko didto pero kuyog naman ming mag-igagaw tanan maong nasugtan nalang ko ug ahat.

"Mama bitaw.. di man ko kiat ug mouli raman dayon mi sunod adlaw. Kuyog man pud sila Jeann!"

"Bitaw kuyog! Kanang gakuyog mong tanan nga mga kiat kaayo basin maglaag laag mo didto ha? Mga burara ra ba kaymog baba!"

Tubagon na unta nako kung unsay connect pero naalala nako nga naapa man diay kos balay. Pag magsukol sukol ko basin ma cancel akong flight. Char, byahe ra diay tos bus!

"Gaabot gyud mong mga mag ig agaw. Kabalo nakos dangatan ninyo. Bantay lang gyud mangaunsa mo didto. Dili maglaag laag ug mag apil anang meet up ninyo ha!? Bantay lang nang mga tawhana na di mo bantayan." Gi mean niya sila Jun² ug uban pang mga laki.

"Lage Ma. Mag amping ko didto. Uli ra lage dayon mi."

Ug natug kong gangisi atong gabhiona. Ugma paman mi manglarga. Pila raman ka oras pud ang byahe dayon diretso namis ilang eskwelahan. Naamay kalingawan sa buntag daw.

Maunsa kaha ugma noh? Kitaon gyud nako siya. Ma surprise kaha siya kung makit an ko niya didto? Kay ako di nako kahulat makita akong love hehe..

Excited pud ko makaadto sa ilang eskwelahan. First time pa ko ni muadtog Ozamiz. Kay kung mangadto sila Mama ug Papa permi raman mi ibilin ni Dodong. Karon lang na akong ig agaw ang akong kauban. Enjoy kaayo ni. Naapa gyud siya mwehehe..

"Seyah toms Areon!" Hunghong nakos akong kaugalingon usa natug.