Chapter 25: Wa ko gaselos, nangutana rako kung kinsa to?

***

AREON'S POV

-
NAAY nitawag sa akong ngalan maong gilingi nako akong likuran para tan awn kung kinsa ang nanawag.

Wa gyud nako tuyoa na mapasugat ang kilay. Nahibulong lang gyud ko kung kinsay magtawag tawag nako. Samoka nga gatabi man ming Gil.

Pero wa ko kabalo sa ireact pagkakita nakos pamilyar nga nawng. Gwapa nga nawng na dugay dugay napud nako nakita.

"N-Nag unsa ka diri?"

Mao nay nigawas sa akong baba ug wa nako kahuna huna ngano mao to akong napangutana dayon. Wala ko ga expect na makita siya diri. Kalayo ani among eskwelahan? Ngano mani naa diri? Nag unsa siya diri?

Pero basin kanawong rapud. Nakita nakong isog kay siyag tinan awan murag kapatyonon ug tawo. Napasampong sa kos ilong kay akong sip on buddy katuluon.

"Kaila ka kinsa na?" Nangutana akong tapad pero wa gyud nako paminawa.

Tutok rako aning baye nga wa nako damha nga makita ron. Gikuhit pakos bukton ni Gil pero ako ra siyang giwakli.

Nagsugod ug sugat akong kilay ug naglain akong buot pagkakita sa iyang suot. Nag shorts. Niya puti kaayong paa. Pag tan aw nakos palibot halos tanan laki nangagi nagsigeg tan aw sa iyang paa.

Nagkagit akong ngipon sa emosyon na karon ra nako nafeel. Unsa ni? Galagot lage ko, dili kay Rhea, kundi sa mga laki na nanglantaw sa iyahang paa.

"Hoy! Kaila ba ka ana? Kinsa na? Chixx lage? Hehe.." Naglagot pud kos akong nadungog na giingon ni Gil.

Maong giatubang nako siya ug gipatalikod. "Pag una na didto sa CR.. naa sa koy asikasuhin."

"Kinsa? Yawa ka naa diay kay chixx ha? Kana? Sumbong tikas imong uyab."

Gidayon na nako siyag tuklod palakaw. Sabaan kaayo. Isumbong, mao man pud na akong uyab.

Wa na nako panumbalinga kung nihawa na ba gyud si Gil ug nagsugod lakaw paingon sa iya. Pero ang Rhea nitalikod pud ug murag byaan nako.

Nasuko ni?

Hingos-hingos sa kos akong sip on ug giabot iyang bukton nga namula mula. Lamig kutis ning bayhana oyy, murag amerkana.

"R-Rhea.." Di ko katuo na ma confirm nga si Rhea gyud ni akong kaatubang. Gakusmod siya ug lain kaayog tinan awan. "Nag unsa ka diri? Kanus a raka naabot? Wa lage ka nag ingon na muanhi ka? Kinsa imong kuyog?" Di mapildi akong baba sa sunod sunod na pangutana.

"Buhii daw ko," giwakli niya akong gunit. Nagminaldita. Muhawa napud unta siya pero gigunitan napud nako balik maong hastang sukua na gyud.

Wa koy mahimo kundi dalhon siyas dapit sa CR. Kanang wala kaayo tawo ba kay mag estorya mig kami rang duha. Daghan tawo didtos canophy mga chismosa pa gyud.

"I hate you!" Nashock pa kos iyang pagsinggit sa akong nawngan. Mura pud siyag kahilakon.

"Okay sorry na.. na shock lang ko ba nga naa ka dir—"

"Mao ba? Maong ang unang nigawas sa imong baba 'nag unsa ka diri?'" Pagsuon niyas akong ingon ganina. "Murag tono nga wa ko giila oyy. Murag wa ganahi makita ko.. gi surprise na gani ka pero murag wa man ka nalipay. Batia maypag wanalang ko nianhi."

Nitalikod siya ug nagtrapo trapo sa palad sa iyang nawng. Naghilak?

"Sorry na.. wa man ko gaingon na wa ko ganahi makita ka. Wa lang ko ga expect kay kalayo aning Ozamiz nianhi ka? Kinsa imong kauban. Nag ingon unta ka para nasundo tika, love!" Wanakoy choice kundi tawgon siyas among tawagan.

Gisulayan pa nakog duol ug gigunitan pero murag leon pagpangwakli. Nasuko gyud. Suyuon napud ta ni.

"Pero nalipay gyud kong makita ka ron.." Ni smile ko sa akong giingon.
"I've missed you."

"Sabaok!"

"Tsk! Rhea!" Tawag nakos iyang likuran. Ug nagpasalamat kaayo ko kay niatubang siya bahalag nasuko gyapon ang dagway.

"Aynata.. wa biya ka nalipay. Mura pa ganig nakuyawan ka ug wa ka giganahi ganiha. Isa pa, mura ko nimog gikaulaw sa imong kauban ganina gipahawa dayon nimo ug wa ko nimo giapaila ila nga uyab."

Giduol nako siya ug gikuptan ang kamot. "Alangan ipa ila ila tika nga ilogon palang ka niya. Hilig man to maibog akong amigo ug gwapa."

"Hmph!"

Nitakilid siya nga gakusmod. Cute kay sya ayy!

"Rhea? Di ko nimo namiss?"

"Kung wa pa tika namiss Areon wala ko diri sa inyong eskwelahan unta. Nianhi ko para tan awn ka kay gimingaw ko nimo pero—"

"Oh edi aynag kasuko.. nag sorry nako ug I love you, love."

"Heh!" Di gyud masukod iyang kamaldita ug ka mapride.

Ani diay siya masuko sa personal mga buddy. Mao pa ni ang unang beses nga nasuko siya nga naa kos iyang atubangan. Puro selpon raman mi.

"Ayna kasuko," gibira nako siya ug gigakos human hagkan sa ulo.

Humot kaayog buhok. Nag iniktin pa kay di magpagakos maong gihugtan nako ang paglipot sa akong braso.

Wa pud ko nabalaka nga naay makakita namo kay wa may tawo diri dapit sa akong gidalhan niya.

"Buhii daw ko Areon."

"Di love?" Kusmod nakong pangutana, galangi.

"Hilom!"

"Bad Rhea!"

Magpadayon pa unta kog gakos niya pero nahuna hunaan nako nga gihilantan man diay ko. Basin matakdan ni siya.

Nilayo ko ug nihangad para pabalikon ang sip on na mutulo. Samoka oyy maong di ko ganahan ug sip onon.

Gisiplatan pud nako ug nag unsa ba siya pero layo kaayog panan aw ug panghuna huna man.

"Naunsa ka?"

"Baho ko?" Ambot ngano kana iyang pangutana.

"Ngano gud ka?"

"KAY NGANO NIHAWA KA SA PAGGAKOS SA AKOA!"

Nakuyawan kos iyang ingon ug wa katoo nga nikatawa. She's so cute!

"Kinsa guy baho? Humot gani kaayo ka."

"EH NGANO NIBUHI MAN KA!?"

"Kay kuan love.." wa sa nako dayona. "Nalimot ko nga gihilantan ko, di ko ganahan matakdan ka."

Nikunot iyang agtangan. "Gihilantan ka? Walage ka gaingon?"

"Di ko ganahan mag worry ka."

"Basin di nagyud ka ganahan nako!?"

Women.

Lahi man akong gi mean ngano naabot man siyas atong panghuna hunaa.

"Rhea bitaw noh.."

"Bahala pag gihilantan ka wakoy labot.. wa koy labot mahilantan pud basta aylag layo sa akoa. Nag hug na siya, gibuhian pa gyud ta. Duol balik!"

Nag atras atras kos iyang ingon. Siya nay nag insist ron. Dalia mabag os huna huna oyy. Nalibog nako. But since uyab ko ni, ako nalang gyud mao maohog sabot.

"Gaksa ko balik, buanga ka!"

"Dili lage ayaw ug duol nako. Di ko ganahan magkasakit ka."

"Kung gikan man sa imo ang sakit.. willing ko magpakasakit."

"Paghilom!" Badlong nakos seryoso nga tingog.

Pero wa gyud natinag ang baye, buddy!

"Ayaw lage!" Hapit nako mahutdan ug pasensya. Nisabay pa ning sip on ug labad sa ulo. "Sakit akong ulo, love!" Sumbong nako na abikog magpatinag na siya.

"Pero mas sakit ang way ulo!"

Buang gyud. Tubagon ba naman kog ing ato?

"Joke.. hehe! Ali gud! Pagaksa ko!" Gidumog ko niya ug gidiretso ug gakos. Wanako kalihok labaw nag nihangad siyas akong nawng.

Duol kaayo iyang nawng ug kung gusto nako dali ra kaayo nako siya mahalokan.

Gwapa gyud kaayo siya. Tambokon ug nawng. Puti. Hamis ug naay mga talumtom gamay ang nawng. Pulag lips nga sinaw.

Nagpanlad ok kog wa sa oras. Naunsa man ni? Nisugod ug kaigang ang akong gibati.

"Luoya sa akong Areon oyy.. gihilantan ikaw?" Nagbinatang aniya. Nitando rapud ko ug giiwas ang nawng kay basin di nako kapugngan akong kaugalingon mahalokan ni siya.

"Tan awa ko ba!" Naay otoridad na sugo niya. "Ayg tan aw sa lain ba! Sa akoa ra." Nagpangpaak pa siyas iyang ngabil dayon takla. "Ayg lihok!"

Wa ko kabalo kung mag unsa siya pero wagyud ko kalihok di lang sa iyang hugot nga palibot na kamot sa akoa kundi pud sa iyang sunod na gihimo.

Gihalokan ko niya.

Una wa pa ko ka react pero taod taod gisabayan na nako ang lihok niya. Humokag ngabil oyy lami man kan on.

Nabalaka kos akong sip on na mutulo pero wa man nako na feel ang pagtulo. Nihunong sa siguro kay di ganahan makaistorbo. Maayo.

Ako na ang naglayo sa iya kay di nako kaginhawa. Maygani wa rapud siya nasuko ug niduko ra nga murag nauwaw. Awa siyay nagtuga tuga ug una niya siyay maulaw.

Gigunitan nako iyang suwang para patan awn sa akoa.  "Ngano ka? Tan aw nako. Naulaw ka?"

Di gyud siya mutubag.

"Don't be. Hinimoan to nimo dapat proud ka."

"Buang!" Nagkatawa kos iyang tubag ug gihapak kog kusog sa dughan.

Wa ragyapon mi naglayo ug gisandig nako siyas akong dughan.

"Gwapo kaykas imong suot love.."

"Tsk! Niya ako.. di ko ganahan sa imong shorts daghan kaayog mutan aw nimong laki."

"Selos ka?" Hangad niya nako bahalag gadikit pa among lawas sa gakos.

"Kinsay di magselos? Dapat ako ray makakita ana imong paa nga puti," gilibatan nako siya ug nihingos sa sip on.

"Possessive ka. Cutiee!"

"Unsay cutie, paminawa ko ha!?"

"Lageeee.."

Nibuhi siyas among gakos ug gipatalikod ko. "Naols Engineering gyud diay."

Gitan aw diay niya ang nakasulat sa akong polo shirt sa likod. "Giingnan na biya tika na Engineer?"

"Oo pero nindot kaayo imong shirt. Bagay nimo."

"Ganahan ka? Hatag nako nimo, lahi naman pud among shirt sunod tuig."

"Sure oyy?"

Kung ang uban laki manghatag ug jersey sa ilang uyab, ako pud pero di jersey, polo shirt sa among department haha.

"Ganahan ka?"

"Mas ganahan ko nimo."

Gitan aw nako siyag seryoso pero sa tinuod lang giganahan kos iyang ingon.

"Pero mas ganahan gyud ko ani.." Gidikit niya iyang dughan sa akong dughan pud ug giatubang ang akong pangalan na nakasulat sa left breast.

Francisco, A.

Gitudlo niya mismo ang aplyedo ug nakuha nako iyang buot pasabot.

"Yours," way duha duha nakong yawit.

Pero wa ko kaestorya kay naay kuryente nikalit ug dagan sa akong kalawasan.

Gihapyod hapyod niya tong naay aplyedo ug ngalan nako na part. Kay waman koy sando sa ilawn, gilok gyud kaayo kay akong totoy iyang gipalibotan sa iyang tudlo.

Mura ko niyag giakit ug wako kabalo unsay iestorya. Gilok kaayo ug naay lahing feeling na akong na feel.

Nanglad ok ko. Isa. Duha. Tulo. Gilok na gyud kaayo ug gisigahan nako siyas akong mata. Gikataw an rako ug gapadayon sa gihimo.

"Isa Rhea ha.. GILOK KAAYO!"

RHEA'S POV

-
HUMAN ni Areon mag CR kadali, nagdungan mig lakaw pabalik niya kung asa sila Jeann. Ihatod daw ko niya pero di kaayo siya magpaduol.

Paggawas gyud mis canophy atong naay nitawag sa iya.

Curious kong nilingi sa nagdagan dagan na baye. Nihunong ni samong atubangan ug napabalhin balhin pa iyang panan aw sa amoa.

Siya tong baye ganina ah? Katong gipangutan an namo kung asa ang canteen ug cr ah?

"Hi, langga, kamo diba tong nangutana ganina? Nakit an ra ninyong canteen ug cr?" Nitando rako kay di to mao akong gusto madungog. Gusto nako pangutan on ug ngano naa ka sa among atubangan te?

Ngano gitawag niyas Areon? Magkaila sila sa akong uyab?

"Goods! Goods! Magka unsa unsa mo?" Ngutana pa niya. Wala sa kaugalingong gigunitan nakos braso si Areon. Napatan aw pud ang baye didto ug nilingo lingo lang.

"Anyways, just what I've promised, Ar-Ar! Arang paracetamol, ganina rako nangita nimo para ihatag ni."

Nakita nako ang parehang paracetamol nga iyang gidulaan ganina ug giabot niya kay Areon.

"Greace.. okay ra. Ayaw nalan—"

"Sus! Dawata na no worries.. salamat. Imna ha, di na tika makuyugan to make sure na mainom na nimo mura naa man kay laing kuyugan."

Ako siguro iyang gi mean. Ug naka smile siyang nihawa sa among atubangan.

Gwapa gyapon ug but an kaayo tan awn.

"Kinsa to?"

"H-Ha? Ah si Greace, schoolmate."

"Wa diay kay tambal? Ngano gitagaan man ka niya ug unsa to promise? Ga promise mo? Kinsa man diay to siya nimo, someone important!?"

"Naa ma— wait ayg ingna nga gaselos ka ato niya?"

"Unsay gaselos gud!? Wa ko gaselos, nangutana rako kung kinsa to. Pataka rag estorya."