(Wa ta ka update gahapon kay gitapol. Chapter 27 Nakama!!)

Chapter 27: Panaglambigit (Night)
                        [Part 1]

***

RHEA'S POV

-
"Taronga pud na imong necktie, Lobot! Mura man kag daot!"

Bantay nakos iyang necktie nga gahiwi. Gitabangan namo silag ayo sa ilang gisuot para kuno sa ilang panaglambigit (socialization night). Wa gyud ni sila nangamao ba.

"Wa man ka angayi mura kag adik nga druglord didtos kanto, paay!" Dungog pud nakong komento nila Brena sa pikas bahin.

Puro ra saway ang ilang nangadawat sa amoa. Ngano bitaw magpaatiman pa?

Mag alas sais na. Medyo ngitngit na ang gawas paglili nakos bildo nga bintana diri sa ilang boarding house.

Gisagdaan rami musulod sa landlady kay ig agaw ra bitaw daw mi ug daghang baye. Sila sila raman pud nga mga laking ig agaw namo ang nag okupa aning kwartoha so way blema.

Wa sa ko ga selpon kay badtrip kaayo si Areon. Murag naay something man gud nila itong baye nga nursing. Naglagot gyud kos smile ato murag gitabaghak. Naapay pahatag hatag ug tambal sa akong uyab. Close sila close? Pero basin pud karon ra pud raba ko kabisita diri sa LSU.

"Unsa mana? Laloma ug gihunahuna nimo Rhea gud? Naunsa mo?" Duol ni Jeann sa akoa.

*(Jeann pronunciation as Je-Ann not Jean hehe)*

"Wala oyy! Marites!" Giwahing nako iyang nawng kay dul it kaayo ug nitindog na gikan sa paglingkod sa foam sa mga amaw.

"Huy! Unsa diay mo oras magsugod ug program? Gigutom na biya ko," gihuwap huwap nako akong tiyan ug mao puy pagpanglingi nila.

Libre man gud daw kaon unya sa event. Pero ang mga estudyante sa LSU kay naana silay gibayran nga pagkaon naka catering pa gani. Tapos ang mga outsider naa sad kuha lang ka.. pero bayad ig human. Haha gaga!

Waman puy problema naa man sad mi mga kwarta. Mangaon gyud kog ayo unya. Daghan man daw ug mga booths ug stall unya sa mga pagkaon. Di nako kahulat, gigutom nako! 😩

"Alas siete." Naay nitubag pero gilibatan ra nako.

20 minutes pa akong hulaton.

Human nako gitan aw ang oras. Tan aw pud ko balik nila kung ready na ba ning manambong ug socialization night.

Gi make upan pa silang Jelia gamay. Siya may expert sa make up.

"Pahulma daw mi anang eyebrow dae bi!" Kuha ni Jessel ug gi sulay to kay Marjon.

Maong niduol ko ug nangilog. "Ako daw bi! Di man ka kabalo oyy!"

"Atik atik pud nis Oging!" Di katuong reklamo ni Marjon.

"Aynag saba saba dira. Hangad!" Gipakalit nako siyag hangad ug gi eyebrow-han.

Mao to iloganay mig mga gipanghimo sa mga amaw hangtod sa naabot na ang oras.

"Dugaya gyud ninyo oyy! Gigutom na biya mi."

"Mao gyud. Lami na kaayo ikaon." Dungtong ni Jamela sa akong ingon.

Nawng gyud ug kaon.

"Huy! Wamoy balak manggawas? Ganahan ni sila magpa tumong ug spotlight unya ba."

"Unsay spotlight gud! Amaw way ing ana!" Gawas una si Louie sa ilang kwarto ug gisundan sa duha.

Samok kaayo sila. Nangalingasaw pag pahumot. Mao diay dugay kaayo kay naligo pag pahumot.

"Murag giligo man ninyong pahumot Marjon ba?"

"Ayy alam na, para humot siya makasayaw iyang Monding unya."

Monding? Ah kato iya crush daw.

"Pataka!" Ara nagbinokbukay napud sila maong niuna nalang mig naog para sa gawas na maghulat.

Gahamag paman ang mga amaw sa babaw.

Nagsuot ramig freestyle mga baye. Alangan mag gown pud mi nga wa man mi apil. Outsider rami. Wa mi labot sa ilang event. Igo rami manan aw, so why bother?

Sa paglakaw namo sa dalan. Nibalik ang akong huna huna kaganinang udto sa chat ni Areon.

Abi man to niyag muadto ko ganinang udto pero wala gyud. Nanglaag noon mi sa Mall kauban sila Jeann. Niapas pud sila Lobot dayon human attendance. Ug wa nako nichat dayon kay Areon. Giignore ra nako siya. Busy man pud siya sigurado na, kay Greace.

Sa kalsada daghan mig nangasabay na mga estudyante pud. Naka tuxedo ug mga gwapo kaayo tan awn tanan. Naa pud mga baye na nag gown, like mura silag mga disney princess.

Naay mga bongga kaayog gown halatang dato. Naa gani gi drop mismo sa Gate sa LSU nga naka service pa, ug gwapaha lage murag model.

Ang theme man nila ron kay 'Disney Prince and Princesses'. Lami gani unta pagown non ning mga amaw kay malingaw pa guro mi.

Gitutokan nako ang among mga lalaking ig agaw. Mga gwapo sad biya sila. Napatando tando ko ug tatawa tawa sa utok. Naapud guroy maibog ani oyy? Maynalang gud.

"Huy, panghatag biya mog pagkaon unya ha. Patilawa mi basin lami," estorya nako sa ila while gatabok mis pedestrian.

"Ngeee hakog gyud kaayo oh!" Tudlo ni Jun² sa akoa.

"Patay gutom!" Ana pud si Louie.

"Unsa nalang kaha mo!?" Nadunggan nako na si Jamela ang nidefend sa akoa.

"Ayy waa ka.. naigo ang tambok!" Karon si Jamela napud ilang gibully.

Ug wa nalang nako pansina kay pasulod nami sa ilang Gate. Wa pud ko galingi lingi sa mga estudyante sa palibot kay basin makita nako to siya.

Unsa kaha iyang itsura?

-
Niduol mi sa isa sa mga stall sa pagkaon. Chicken joy ilang sud an diri ug dagko kaayo. Diri mi nagkasabot na mangaon ug gibyaan na sila Lobot sa ilang lamesa. Daghan kaayog tawo didto oyy ug samok. Wapa pud sila nangaon unya pa dapit daw.

"Pilang serve sa kan on te?"

"Pilang chicken joy te?"

"Ang juice te? Pila sad?"

Mao na among mga pangutana.

"Tag 20 ang kan on ug tag 45 ang chicken joy, langga." Tubag ni ante.

Gitutokan pa nako siya kay naka hairnet iyang buhok ug naka mask. Naka gloves pud sila ug naka apron. Pero guwang guwang na gyud siya base sa iyang kunot. Sa kilid niya kay naa iyang bana siguro na nga maoy tig prito ug manok. Naa pud nag assist na anak nga laki nga murag kaedad namo.

Nagtagbo pa among mata ato ilang anak nga laki ug ako nay nag unang likay. Buang siya?

"Aynamog pamalit ug juice oyy, namalit man sila Jeann sa pikas ug milktea." Ingon nako nilang Jessel.

Gihinay ra unta nako pero murag nadungog ni Ante. Abi kog masuko pero ni smile man hinoon.

"Unsa ni dine in or take out?" Ana niya.

"Dine in ra te. Naa moy bakante?" Sabay ming naglingi lingi sa ilang mga lamesa sa atubangan.

Medyo puno ug naa koy nakita nga bakante pero di ko sure kung ilahang area pa ba gyapon to. Kay dikit man ang stall nila.

"Didto langga naapa," naa siyay gitudlo na part.

Medyo gilid siya ug dapit na sa mga pine tree sa eskwelahan. Sa likod sa pine tree naa didto ang event nga socialization night maong naay hayag na disco disco among nakita. Pero di gyud siya totally makita kay natabonan.

"Sige te, unhi ninyo didto kaw!" Sugo nako nilang Jessel, Queeni ug Jamela. "Tawgon ra tamo kung naana." Medyo daghan daghan gyud raba among giorder.

Nisunod pud sila ug nagbilin pa si Jamela ug estorya. "Pilii kog manok ug tarong Rhea kanang dako kaayo. Bantay ka!"

Napalingo lingo nalang ko niya.

"Pila ka rice inyoha tanan langga?" Si ante. "Jong, ali gud tabangi ko ikaw butang sa iyang napili nga manok." Abi kog kinsa iyang giestoryahan pero katong anak diay niyang laki.

"Kuan ka rice te.." naghuna huna pa ko. So seven man mi kabuok ron way apil sila Jun² so tagduha duhaon nalang nako. "16 ka serve te."

3 ka serve akoa ug kay Jamela kay dako man pud tog kaon. The rest us tagduha na. Bahala na sila mubalik ug order.

So nagtakos na si ante para sa among order ug ang akong kaatubang kay kato iyang anak nga gitawag niyag Jong kuno. Naa siyay mga plato sa tray nga giandam aron butngan sa akong napili. So nagsugod nakog pili ug ihatag pud nako niya ang napili nako. Walo ka manok sa akong gipang pili. Akoa duha ilaha isa isa.

Pagkabutang nako sa last na manok wa natuyo nga napatan aw kos nawng atong Jong. Gwapo biya siya moreno ug taas kaayo ug ilong. Murag iyang beauty pang Indiano ba na attractive.

"Humana?" Nabalik kos akong kaugalingon pagpangutana niya ato.

"H-Ha?"

"Cute kayka." Nikatawa siya. Yatis! Napaubo nalang kog peke.

"Ah naa moy coke?" Ngutana nalang ko para mahawa iyang tutok sa akoa. Ulaw oyy!

"Naa. Pila imoha? Mismo o katong 12 onze? Naa pud litro?"

Bisag di gyud biya unta ko mag coke. "Litro nalang." Para budget.

Joke daghan kog kwarta gihatag ni Mama no.

Pagbalik ni ante. Naa siyay mga kan on sa dakong tray na naka plato plato na. Nidaplin pud ko kay daghan ug nangabot nga customer.

"Tabangi nalang nig dala sa ilang lamesa Jong." Gihatag niyang Jong ang kan on. Mureklamo pa unta ko pero natabunan sa mga customer sila Jamela.

Gihulat sa nako si Jong aron dungan nami.

"Ilis nata murag bug at na imohang dala." Gihatag niya sa akoa ang tray nga naay manok nga walo ra kabuok. Iyaha tong kan on na sandamakmak.

Pagdawat sa tray wa tuyoa nga magdikit among palad. Hapit pa nako mabuhian sa kakulba maygani iya kog naalalayan.

Nikatawa nalang ko niyag ahat. "Okay raka?" Naa gyud iyang concern sa iyang tingog.

Mutubag na unta ko pero naay nag ubo ubo sa akong tapad.

Paglingi nako si Areon..

gwapo kaayo sa iyang suot nga tuxedo nga plantasado kaayo. Naay puti nga long sleeve sa ilawn nga naay itom nga butones. Nakit an pud nako ang nakasuksok nga panyong puti sa iyang left breast. ug ang iyang necktie nga black nga ribbon.

Muea siyag waiter nga prinsipe te!

Mura siyag prinsipe tan awn oyy. Walay sama. Grabe gyud kagwapo maong napanganga nalang ko. Wa koy panama niya.

"Imong baba masudlan ug lamok."

"Tara na, Ms. Cute!"

Magkadungan ug ingon ni Areon ug Jong.

-
(Check multimedia for the visual purposes. I do not own the photo. Credits to the rightful owner. Si Areon na te!)