Chapter 31: Vigil

***

RHEA'S POV

-
"TARA NA!" Agrisibo na kaykog inagdan. "Pagdali namo ba kay boring na kaayo diri di nako ganahan."

"Wait!!"

Nag una una nakog lakaw ug gilabay ang mga sudlanan sa sweets ug tapioca na iyang gihatag.

Bwiset!

"Huy, naunsa ka!?"

"Wa!" Singka nako ni Jeann.

Nagsisunuran man pud ang uban. Naara sila sa likod. Samok na kaayong mga estudyante. Gipa mandatory dance human magsayaw sayaw ug love song. Ulol na love song na. Unta mangamatay!

"Haha ang puso koy nagdurugo at parang sumisikip ang dibdib ko sa tuwing na ki kita ko na magkatabi kayooooooooo~"

Yawa gyud nis Jeann sigeg kanta sa akong tapad. Nisabay siyas tugtog gikan sa dakong speaker nga nag remix. Giatubang rabang baba sa akong dunggan. Nanugsog gyud ba.

"kahit di naman tayong dal'wa ay lage nalang pinagseselosan siy—"

Gisampongan nako iyang baba aron mahilom. Lagot na kayko.

Nagdali dali nakog lakaw. Iyag sunod pud sila. Hapiton sa namo ang mga amaw sa ilang table kay manggawas namis eskwelahan. Mananghid rami nila kay basin pangitaon mi.

"Rhea saman tawn ni siya oyy wa pa gani nahuman ang ilang program makig uli na."

"KJ!"

"Magpabilin diay mo? Waman tamo gipugos mukuyog?" Gitaasa nakog kilay.

Nag katawa ra sila. "Joke ra gani. Oo na manggawas nata aning lugara kay alingogngog na kaayo sa dunggan."

"Alangan sa mata!?"

"Huy, pilosopo na kayka ha Rhea!" Singgit ni bahog ilok, Queeni.

Sa dihang naabot namis table kung asa sila Jun². Nabalo pa mig pangita kay daghan kaayong mga tawo. Hastang luhaga pa gyud murag wati nga giasinan ba sigeg sayaw sayaw.

"Oh tuara sila oh," naay gitudlo si Jessel sa tunga tunga.

"Si Louie mana oh? Ataya murag gipatol musayaw oh."

"Adtoa ninyo!" Sugo ni Jeann.

Gasugat na gyud kaayo akong kilay. Ganina ra kaayo ko galagot wako kasabot sa gibati ron.

Ang akong gusto ra ron opawan tong bayhana nga gakapyot kapyot niya ug mo uli nas balay.

Lagot!

"Jeann!" Tawag nakong Jeann nga nakighapakanay sa akong ubang ig agaw.

Naglalis sila kung kinsay muadto kila Jun² aron mananghid.

"M-Manguli nata.. s-sa La Victoria!" Di na nako matarong ug estorya.

Gahuot akong dughan. Kasuko ang sulod sa akong utok.

"Ayy wag naman. Gabie na oh tan awang oras wa nay byahe ron ugma pa biya atong sabot? Kabalo ko nga gaselos ka pero pugngi imong luha. Makit an ka nila sige ka!" Gisigahan ko niyas iyang mata.

Napugngan man pud nako pero wa ko kapugong na magtibi.

"L-Lain kaayo o-oyy.."

"Shh! Bwiset pud na imong uyab di kabalo ma aware na gatan aw ka!"

"U-Uli nata ba." Balik balik gyud nakong ingon sa iya.

Uli raman akong maisip na solusyon. Wa na gyud ko nalingaw. Ganahan nalang ko magmukmok ug muhilak sa kwarto tibuok gabie.

"Karon ra na. Mawala rana," ana pa niya.

"HOY! ADTOA NA NINYO SILA LOBOT BA!" Sugo niya nila Brena.

"Sila ayy! Mabanggaan palang ko dira."

"Daghan tawo basin makidnap akong beauty!"

"Tara gud. Kita na mangadto," gibira nila Queeni ug Jelia sila Brena.

Nabilin pud sa amoang tapad si Jessel ug Jamela nalang.

Wa na gyud ko giganahis nahitabo sa palibot ron.

Kabalo man guro siyang gatan aw ko no?

Abi nakog di siya musayaw?

Promises meant to be broken gyud diay.

Ngano nagpabira siya ug nagpakapyot sa liog?

Ngano halos maghalokay naman to sila?

Hinunghongay pa!

Enjoy kaayong Areon oyy.

Uyab pa ba ko to?

Bagaag nawng oyy.

Lami kaayo tamparoson.

Kung makatamparos lang lage ko di na gyud to mabalik ilang nawng.

Ang baye pud, abi nakog anghel bigaon man diay.

Wa ba siya kabalo na AKOY tag iya ato iyang gikapyotan?

Bwiseeeet!

Yawaaaa sila!

Bantay lang ning Areona ni ugma.

Kung tarong pa siya di siya magpabira ug mubalik dayon siya sa bangko.

Pero gadugay e!? Meaning giganahan ang amaw.

"Basin grabeng krimen na na ang naas imong huna huna ha?" Estoryang Jeann nako.

"Mulang."

"Hehe karon ra ko kita nga gaselos ka ba."

"Diay?" Sarkastik nakong tan aw sa iya.

"Oo kay karon paman pud ka kauyab."

Nahilom mi kadyot ug nakiapil ug tan aw sa palibot.

Awa, wa gyud nitungha nga Areon.

Wa gyud ko gisundan no?

Wa ko pangitaa.

Wa pa guro sila nahuman ug sayaw.

Sige, enjoy lang. Goodbye na ta ugma.

"LAMI KAAYO SILA PATYON." Bug at kaayo ang kada word pag estorya nako.

Gigil kaayo ba.

"Huy!!" Napasampong siyas iyang baba ug natudlo nako,".. ana ka magselos!? Ang cruel!" Arte niyang sumpay.

Nanakla rako ug nag krus sa kamot.

"Bitaw seryoso ko.. kung legal lang lage ang pagpatay gipatay na nako tong bayhana to. Igat!"

Nikatawa ra siya ug napataghoy ug hinay.

"Apilon pa ko tos Areon!"

"Nya wa nakay bebe?"

"Wala na."

"Aguyy! Mahimo kaha na nimo? Sa babae mutuo pa ko na mapatay nimo pero sa imong bebe a big big no. Love man kaayo to nimo. Tan awa pa gani imong nawng di na nako maila. Imong mata isog kaayo Rhea pugngi bawal wala tas atong teritoryo."

"Buang!"

Naabot rapud sila Jun² taod taod.

"Unsa mo uli ka Rhea? Naunsa man ka? Kahilakon lage ka?" Louie.

"Gimingaw guro nang ante Mella." Jeann.

"Basin di katulog basta wala ilang balay." Brena.

"Mao lage na kuyog kuyog niya mo uli dayon." Marjon.

"Binuang! Hapit na mag alas dose oh! Wa nay byahe bus ron. Ugma na ta manguli." Jun²

"Lage! Ugma na," nitan aw kos layu ug wa sila tutoki. "Manggawas nami. Sunod ramo kung mahuman mo."

"Ha? Di na pwede basin mangaunsa mo dira sa gawas."

"Manga unsa gud? Hubog naman mo klaro."

"Abi namog bawal imnonon diri? Ngano namula naman na inyong nawng!?" Tudlo ni Jelia sa ila.

-
PATABOK NAMI sa pedestrian sa atubangan sa LSU. Naanay mga estudyante pud na nag ulian na. Medyo daghan pang tawo pero mas daghan pa gyud sa sulod.

Kompleto mi tanang mag ig agaw nanggawas. Di pa unta mi nila sugtan na mulakaw. Unya pa lagi daw kay wapa nahuman pero namugos naman gyud ko maong no choice ug mo uli nalang pud sila.

Basin mangaunsa daw mi ug kami ra. Di raba mi suweto diri. Bantay pud sila nila Mama kung di mi nila atimanon.

"Asa man ta ron? Lobot, patulgon ba ni sila sa atong kwarto?"

"Okay raman daw ingon si Nanay." Ilang tag iya sa boarding house.

"Niya kita asa man ta?" Marjon.

"Sa daplin sa kalsada maghikyad ug karton."

Naminaw rakos ilang tabi sa likod ug wa na naki apil apil. Wa kos mood.

Wa ko ga enjoy sa akong pag anhi diri.

Didto sa hapit nami maabot sa bh nila Louie. Naa mi naagian na daghang tawo sa kalsada dapit. Naka one lane nalang ug gi occupy nila ang isa ka lane. Naagian namo ni ganina pero gamay paman tong tawo maong di pa halata kaayo na naay namatay.

Ang ngalan nga naas tarpaulin kay Criselda Igot. Tiguwang ug mga nasa 90+ na na edad. Tambok ug putig buhok.

Wa biya mi kaila pero murag pareho mig gihuna huna sa mga amaw. Ig agaw gyud mi ug dugtong ramig mga utok. Mugana rapud na sa kabuang.

"Naiisip niyo ba ang naiisip ko?" Si Louie.

Gikumot nako iyang nawng kay katugon na siya ug namula pa ang nawng tungod kay nakainom guro.

Sunod nakong tan aw. Tua nag una una na silag lakaw.

Niduol ang tulo sa naay ga first three ug, piyat piyat, ga tong it ug uban pa. Naay sa side na para sa mga bayeng bisita pud. Naa sa gawas ug naa sa sulod. Daghan ug lamesa ug wa koy mahimo nga nisunod sa akong kauban na mga bagag nawng.

"Tambay ta diri pampawala sa katulgon. Dira ramo ha? Manaya sa mi."

Human mi byaan nila. Naaraman pud sila sa kilid. Nag tan aw tan aw mis mga tawo ug sa minatay.

Kung makaasta mi didto murag kaliwat mi.

"Te, mangayo mig kape!" Way ulaw nga tawag ni Jun² atong serbidora ug kape.

"Unsay ganahan ninyo dong? Naay 3-in-1. Kamoy pamili, ali? Kamo dae?"
Gitawag gyud mi tanan tawn.

Wa pud mi ulaw na nanindog. Busy man pud ang tagtungod ug daghan kaayong tawo kay last vigil daw ron.b

"Oh naa man diay gatas. Maggatas ra ta!?" Dako kaayog ngisi sila sa amoa.

"Ambot ninyo. Mag stick rako para di ko katugon," nagkuha nas Queeni ug nescafe stick.

Pagplastar namo balik sa lamesa. Naa may niagi nga bata nagdala ug isa ka plato nga pan. Amoa napud gi ambush. Naapuy mga cupcake. Mga kendi. Sige gyud atangan nila Jun². Dagko kaayog kaon.

Di nako mabilang pila ka basong kape akong natimpla ug nainom para lang di makatugon. (katugon nako, bug at na akong mata)

"Te, naapa moy biskwit dira?"

"Ngayo mi atong cupcake te?"

"Naay candy?"

"Mangape pa ta!"

"Way tulogay!"

Gasige ra gyud tawn among mga mata atong vigila kay daghan kaayo mig nainom na kape. Wa mi katulga. Sige mig kaon, busog na kaayo mi.

"Basin gipangsuksok ninyong biskwit ha? Bawal raba na dal on," gasamoal sa tinapay si Louie. Chismoso kaayo macho-paay.

Nagselpon ko atong mga alas dos. Nangape pa gyud ko ato ug wa gyud abta ug duka. Gi chattan nako si Areon.

PAGKAUGMA. Sayo kaayo mi nibalik didto sa namatyan. Nag ilis rami ug diretso nas namatyan para didto na mi mamahaw.

"Naa may kaon. Tulo ka baboy giihaw. Gilapa puro ug daghan putahe ang pagpilian. Asa pa ta ana? Manguli lage dayon ta ig mahuman." Jun².

Grabe gyud ni siya musagap ug balita.

"Maulaw na ta dira oyy. Sa restaurant nalang ta, Lobot!"

"Gani. Basin kasab an nata dira."

"Kasab an gud!? Ipakaon lage na di na nila mahurot. Ilabay rana unya."

Nakakaon gyud mi didto sa minatyan atong higayona. Warapud mi naulaw kay nakaila man diay ang tagtungod rapud sa ilang Jun².

Friendly man ni nga bata ug way ulaw.

"HAY! SALAMAT SA GRASYA! ULI NATA!"

***
A/N: Lutang nga pagkasulat kay katugon na kayko. Ikaw hilig ba ka mangaon sa minatyan? Wala lang ask ko lang haha..