Nun me dicere niente
'e vvote è ciento mille vote meglio
restà dint''o silenzio
pe' sentì tutt''e palpite d''o core
'o scorrere d''o sango dint''e vvene
l'amaro e 'o ddoce tremmulìo d''o bbene.
Lassale sti pparole
scritte 'ncopp'a na paggina 'e quaderno
cummigliata d''a povere d''o tiempo
ca c'è nemico, e tu sai quanto e comme,
nun me chiammà pe' nomme.
Mo ca tra nuje,
ce ne stammo accurgenno
juorno pe' ghiuorno,
è addeventata cennere
l'estate
e fa paura
'a maschera 'e ll'autunno!

Luciano Somma

raccolta di poesie: Cristo napulitano

Dolce e amaro

Non dirmi niente
alle volte è cento mille volte meglio
restare nel silenzio
per sentire tutti i palpiti del cuore
lo scorrere del sangue nelle vene
l'amaro e il dolce tremolio del bene.
Lascia queste parole
scritte su una pagina di quaderno
coperta dalla polvere del tempo
che ci è nemico, e tu sai quanto e come,
non chiamarmi per nome
Ora che tra noi,
ci stiamo accorgendo giorno per giorno,
è diventata cenere
l'estate
E fa paura
la maschera dell'autunno!