Ah... si putesse dicere
chello c' 'o core dice;
quanto sarria felice
si t' 'o sapesse dì!
E si putisse sèntere
chello c' 'o core sente,
dicisse: «Eternamente
voglio restà cu te!»
Ma 'o core sape scrivere?
'O core è analfabeta,
è comm'a nu pùeta
ca nun sape cantà.
Se mbroglia... sposta 'e vvirgule...
nu punto ammirativo...
mette nu congiuntivo
addò nun nce 'adda stà...
E tu c' 'o staje a ssèntere
te mbruoglie appriess' a isso,
comme succede spisso...
E addio Felicità!

Eduardo De Filippo

Se te lo sapessi dire

Ah... se potessi dire quello che il cuore dice;
quanto sarei felice se te lo sapessi dire!
E se potessi sentire quello che il cuore sente,
direbbe:《eternamente voglio restare con te!》
Ma il cuore sa scrivere?
Il cuore è analfabeta,
è come un poeta
che non sa cantare.
S'imbroglia... sposta le virgole...
un punto esclamativo...
mette un congiuntivo
dove non ci deve stare...
E tu che lo stai a sentire
t' imbrogli appresso a lui,
come succede spesso...
E addio felicità!

Eduardo De Filippo