Kabanata 15

Really Bad

Tumigil ako sa paglalaro. Ibinigay ko kay Kid ang taco at maligaya naman niyang tinanggap iyon. Kahit na umangal si Rage sa ginawa ko ay mas nangibabaw ang determinasyon ni KId na manalo kay Rage.

Umupo ako sa tabi ni Mia. Naka ngiting aso siyang pinapanood ako sa gilid ng aking mga mata. Hindi naman ako makatingin sa kanya dahil naka pirmi ang titig ko sa kay Rage na tuwing nakaka score ay sumusulyap at ngumingisi sa akin.

Yabang!

"Kid!" Sigaw ni Mia sa seryosong tumitirang si Kid.

Nilingon siya ni Kid pagkatapos tumira at naka score. "Bilisan mo na diyan, mas mabilis kang matapos, mas makakapag usap kayo ni Sunny."

Ngumuso agad si Rage sa narinig kay Mia.

Sumang ayon si Kid kay Mia, dahilan kung bakit mas lalong lumaki ang ngisi ni Mia pabalik sa akin. Umiling ako sa kanya ngunit wala na yata talagang makakapigil sa bibig niya.

Nakita kong hinaplos ni Jackie ang braso ni Rage. May binulong siya sa tainga ni Rage pagkatapos ay ngumisi. Hindi man lang natinag ang ekspresyon nI Rage. Imbes ay nanatili ang titig niya sa billiard table, nag coconcentrate sa susunod na tira.

"Damn, I suck!" Iling ni Kid pagkatapos ng huling laro.

Lumapit siya sa akin at tingin ko ay nawala na ang pagkakaoffend niya kanina kay Rage.

"Yeah, dude, you suck a lot." Hagikhik ni Logan sabay tayo.

Sumama si Katerina sa kanya. Ang dalawang ito ay parang may kanilang mundo. Mabilis silang lumapit sa billiard table para agawin iyon kay Rage. Hindi naman umangal si Rage. Nag madali pa nga siyang lumapit sa table. Nakasunod naman sa kanya si Jackie.

Hindi na ako naging komportable. Lalo na nang nagkausap na kami doon sa table.

"Rage, ihatid mo na siguro si Jackie sa kanila. Mukhang inaantok na." Puna ni Kid kay Jackie sa tabi ni Rage.

Naluluha ang mga mata niya sa antok. Kanina pa niya kinakausap si Rage ngunit walang ginagawa si Rage kundi tumango at panoorin ang galaw ko. Ito ang dahilan kung bakit mas lalo lang akong kinakabahan. Sana naman ay huwag nang sumingit si Mia. Mabuti na lang at nalibang din siya sa pag titext, siguro ay nag titext sila ni Eric.

"Ihahatid siya ni Logan." Sagot ni Rage.

Nag angat ako ng tingin sa kanya at nakita kong hindi niya ako tinatantanan sa titig. Obvious siya masyadong makatitig at tingin ko ay malalaman na ni Kid na may kung ano sa aming dalawa pag di siya tumigil.

"Ihatid mo na lang kaya ako, Rage? Matagal pa 'yang si Logan at Kat." Ani Jackie.

"You can wait for them, Jack. Si Logan ang nagdala sa'yo dito, siya ang maghahatid sayo pauwi." Mariing sinabi ni Rage at nag iwas ng tingin sa akin.

Pinanood niya si Logan at Katerina sa billiard table. Nagulat ako nang humagalpak sa tawa si Kid.

"Sorry, Jackie." Sa gitna ng tawa ni Kid ay nagawa niya pang kausapin si Jackie.

Nag pout si Jackie at mas lalo kong naaninag ang pula niyang labi. Maganda siya. Well, sa lahat naman ng nakikita kong kumakapit kay Rage may common denominator silang lahat. At iyon ay ang pagiging maganda.

"I know... When will you ever change, Rage?" Matabang na sinabi ni Jackie kay Rage.

Napatingin si Rage sa kanya, nakakunot ang kanyang noo. Tumawa ng hilaw si Jackie at tumingin naman kay Kid.

"He was never the gentleman type. Siguro 'yan ang dahilan kung bakit maraming nagkakandarapa sa kanya. Bad boy attracts good girls." Iling ni Kid.

"What are you talking about, Kid?" Nagtaas ng kilay si Rage kay Kid.

"Wala." Ani Kid.

Nagkatinginan kami ni Kid. Hindi ko mapigilang sumang ayon sa kanya. Lumiwanag ang mata niya nang nakita niya siguro sa mga mata ko na nagkakasundo kami sa sinabi niyang iyon.

Humikab si Mia sa gilid ko. "Hinahanap na ako ni Eric. Uwi na tayo, Sunny?"

Nagulat ako at nagyaya siyang umuwi. Tumango agad ako ngunit nang nakita kong ngumisi siya ay alam ko agad na parte ito ng plano niya.

"Sinong maghahatid sa inyo?" Tanong ni Rage.

"Tanong pa ba 'yan. Syempre ako, Rage." Ani Kid sabay tayo.

Tumayo na rin ako nang tumayo si Mia. Nakita ko sa mga mata ni Rage ang pagkakairita sa sagot ni Kid. Wala namang masama sa sagot ni Kid. Talagang iritado lang si Rage sa kung anu anong bagay.

"Kasi gentleman si Kid." Ngisi ni Mia.

Nakita kong nag igting ang panga ni Rage. Hindi malaman kung kanino ibabaling ang atensyon kay Mia ba o kay Kid.

"Of course. At your service!" Kumindat si Kid sa akin.

Hindi ko mapigilan ang ngiting naglaro sa labi ko. Hindi ko alam kung natutuwa ba ako sa galit na ipinapakita ni Rage o sa pagkakagentleman ni Kid.

"Bumili na rin siguro tayo ng sim along the way para naman makapag text na si Sunny sa atin." Ani Mia.

"May cellphone ka na, Sunny?" Bumaling si Rage sa akin.

"Dude, I gave her my spare phone. Nice?" Halakhak ni Kid sabay tapik sa likod ni Rage.

Halos marinig ko ang tawa ni Mia sa gilid ko. "Magpaalam na tayo." Hindi niya mapigilan ang ngiti sa kanyang labi. "Logan, Katerina, alis na kami!"

"Logan, ihahatid ko na sila. Rage, thanks for tonight!" Ani Kid.

Ngumiti at kumaway na lang ako kay Logan at Katerina. Si Jackie ay abala sa pagsasabi ng kung anu ano kay Rage at si Rage naman ay abala sa paninitig ng matalim sa akin. Hindi ko na sila kinawayan. Sumunod na lang ako kay Kid at kay Mia.

Inantok ako sa byahe. Late na nga pala at kailangan ko nang matulog ng maaga para makabawi para sa pag du-duty ko ng gabi bukas. Bumili kami ng sim, pagkatapos ay hinatid si Mia. Nahuhulog na ang mga mata ko nang nagpark si Kid sa tapat ng building. Napatalon na lang ako nang dumapo ang kamay niya sa hita ko. Mabilis lang iyon pero natauhan agad ako.

"Thanks for today." Aniya sabay haplos sa mukha ko.

"Uh, salamat din." Sabi ko. "Uhm, itong cellphone ibabalik ko rin."

"Hindi mo na kailangang ibalik 'yan." Ngiti niya.

Mabait si Kid, hindi ko iyon ipagkakaila. Ngunit may mga panahon na hindi ako nagiging kumportable sa kanya. Hindi ko alam kung bakit.

Binuksan ko ang pintuan at lumabas na agad ako. Binaba niya ang salamin at kumaway siya sa akin.

"Next date?" Nagtaas siya ng kilay.

Tumango ako, pumapayag sa pag anyaya niya. Hindi ko siya matanggihan.

Nang dumating ang Biyernes ay naging abala ulit ako sa pag poproseso ng mga papeles. Ginawan ako ng schedule sa Sabado ng exam at sa Lunes ay Pwede na akong mag enrol. Dalawang linggo na lang at sisimulan na ang pasukan sa September kaya kinailangan ko na ring gumawa ng resignation letter. Ipapasa ko na ito kay Mrs Ching at ilalagay ko lahat ng kailangan nilang malaman tungkol sa pag alis ko.

Bago pa lang ako dito at hindi ko maipagkakailang maganda makitungo ang management. Talagang matayog lang ang pangarap ko para tumigil na lang dito.

Iyon ang naging laman ng utak ko buong gabi ng pag du-duty kasama si Mia. Tuwing nakikita ko rin nga si Mia ay naaalala ko ang nakitang si Eric noong isang araw. Lagi kong binabantayan ang ekspresyon niya tuwing nagkikita kami sa umaga, kung maayos ba siya o mukhang may problema. So far, wala naman siyang problema kaya inisip ko baka hindi nga si Eric ang nakita ko noong isang araw.

"Okay, 1 hour dito." Sabi ni Ma'am nang nakarating kami sa parehong square kung saan namin madalas makita sina Rage.

Nasanay na ako sa trabahong ito kaya hindi ako nahihirapan sa pag bibenta. Papasok pa lang sa bar ay may nabentahan na agad akong lalaki. Si Mia naman ang dumiretso sa loob.

Kumalabog ang puso ko. Iniisip ko kasing nandito na naman sa loob si Rage. Kailangan kong kalmahin ang sarili ko. Hindi maaaring ganito ang pakiramdam ko palagi pag naiisip ko siya. Naiinis ako sa kayabangan niya at gusto kong mapahiya siya.

"Cigar, sir?" Tanong ko sa isang pamilyar na lalaking bumibili sa akin.

"Ah, thank God you're here!" Aniya.

Binigyan ko siya ng madalas niyang binibiling sigarilyo at nagtungo ang mga mata ko sa sofa na madalas inuupuan nina Rage, Logan, at Kid. Bumagsak ang dibdib ko nang nakitang walang naka upo doon.

"Thanks!" Sabi nong lalaki at nanigarilyo na palayo sa akin.

Tumunganga pa ako don, hindi matanggap na walang tao doon sa sofa. Ngunit nang nakita ko na ito ng maayos ay nagulat ako nang may nakatalikod na nakaupo doon. Nakita ko ang naka pulang t-shirt na si Rage, nakaupo sa sofa, mag isa.

Lutang ang pakiramdam ko habang unti unting humahakbang doon. Nanuyo ang lalamunan ko. Hindi ko alam kung uurong ba ako o dadaanan siya.

Nakita ko ang table niyang may dalawang bote ng beer. Ang isa ay puno pa, ang isa naman ay ubos na. Mag isa siya ngayong gabi. Nakapag tataka. Asan kaya ang mga kaibigan niya? Asan ang mga girls?

"Uh, Uhmm.." Nanuyo ang lalamunan ko kaya di ako diretsong nakapag salita.

Bumaling siya sa akin at umupo ng maayos. Normal lang ang ekspresyon niya. Hindi siya nagulat o kahit ano. "Tens, black." Aniya.

Tumango ako at agad kong kinuha sa bag ko ang kailangan niya.

Sa kaba ko ay halos hindi ko makapa ng maayos ang sigarilyong kailangan niya. Nilagay ko sa tainga ko ang takas na buhok ko. Namuo ang pawis sa aking noo bago ko nakapa ang sigarilyo.

Nag angat ako ng tingin at nakita kong nakangisi siya. Para bang natutuwa siya kasi natataranta ako. Pinilit kong magalit at mag suplada.

"Relax." Ani Rage.

Hindi ko pinansin ang sinabi niya. "Asan si Kid at Logan?" Tanong ko.

Nagtaas siya ng kilay at nagsalin ng beer sa kanyang baso bago uminom. "You have a cellphone. Why don't you ask Kid? My cousin's busy with school."

Tumango ako. Naaalala kong hindi ko pa nagagamit ang cellphone dahil naging abala ako sa school kaninang umaga.

Binigay ko sa kanya ang sigarilyo. Tinanggap niya at nilapag sa table. Hindi pa siya kumukuha ng pera. Imbes ay pumangalumbaba siya at nanood sa akin.

"Asan ang girls mo?" Nag iwas ako ng tingin.

Ngumuso siya at kinilabutan ako. I find him real cute. Shit! "What girls?" Tanong niya.

"Kara, Kimberly, Jackie..." And so on?

"Bakit? May kailangan ka sa kanila?" Nag taas siya ng kilay sa pagtataka.

"Wala. Nevermind. Naisip ko lang ba't ka mag isa."

"Coz I don't want anyone to disturb me. Maayos na ba 'yan na rason?"

Hindi ako umimik.

Nakita kong kinuha niya ang kanyang wallet. Agad ko siyang sinabihan na sana ay exact amount na lang ang ibigay niya ngunit tulad ng mga nakaraan ay ganon parin ang bayad niya. Sinuklian ko siya ng tama ngunit iniwan niya sa ere ang kamay ko, hindi niya tinanggap. Ugh!

"Please, Rage." Sabi ko sabay pakita sa kanya ng pera.

"That's my tip." Aniya sabay iling nang nakita ang kamay ko. "Can you sit, please?"

Nagulat ako sa sinabi niya. Hindi ko alam kung susundin ko ba siya o hindi pero nagulat ako sa sarili ko nang sinunod ko nga ang inutos niya. Umupo ako sa kabilang sofa. Umiling agad siya.

"Beside me." Aniya.

Kumunot ang noo ko. Madaya talaga siya. Nang sinabi niya sa akin na mahuhulog ako sa kanya at dapat akong mag ingat, nag iingat naman ako pero siya mismo ang dahilan kung bakit ako naghuhuramentado.

"Anong gusto mo?" Tanong ko nang hindi lumalapit sa kanya.

Siya na mismo ang lumapit sa sofa ko. Kumalabog ang puso ko. Shit! Ano na itong nararamdaman ko tuwing nandiyan siya? Hindi ko na maintindihan ang sarili ko.

"I just wanna talk to you. Bakit ang suplada mo nitong nakaraang mga araw sa akin?" Kumunot ang noo niya.

Halos gumuhit ang ngisi sa labi ko kahit na pinilit kong mainis. "Di talaga kita maintindihan."

Tumingala siya at pabulong na nagmura bago bumaling ulit sa akin. What's his problem? Hindi ko alam. At tingin ko ay talagang hindi ko maintindihan kahit kailan.

"Umalis ka kaninang lunch break. May lunch date kayo ni Kid?" Tanong niya.

Bakit siya nangengealam? Hindi totoo ang iniisip niya pero bakit kailangan kong mag explain. Last time I checked, boss ko lang siya, hindi boyfriend.

Nakita niyang wala akong planong magsalita. "Ngayong may cellphone ka na, you're a text away. Are you texting each other?"

Nalaglag ang panga ko sa panibagong tanong niya. Nakita ko ang halu halong ekspresyong hindi ko maintindihan sa mukha niya. Hindi ko malaman kung takot, galit, at pagkainis ba iyong ipinapakita niya.

"Come on, Sunny. Answer me." Frustrated niyang sinabi. "This is my time with you. I don't wanna be on the graveyard shift of your sched but I will settle for that right now. I want you to talk to me. And I'll get what I want."

"Sir..." Nilakasan ko ang boses ko sa katagang iyon dahil gusto kong maalala niya na boss ko siya. "Hindi ko alam na kailangan ko palang sabihin sa'yo ang mga ginagawa ko araw-araw." Iritado kong sinabi.

Kinagat niya ang labi niya at napabuntong hininga siya. "Ngayon alam mo na."

Nagulat ako kaya napatayo ako doon. Nakita kong nagulat din siya sa pag tayo ko.

"Hindi kita maintindihan! Ewan ko sayo!" Sigaw ko sa kanya, walang pakealam sa mga nagsasayaw na nakakarinig sa galit na boses ko.

Nanatili ang titig niya sa akin. "I like you. I want you. Bad... Really bad. But I can't have you. I shouldn't. That's why." Aniya sabay tayo at hila sa akin palabas ng bar na iyon.

"Rage! Bitiwan mo ako!" Sigaw ko sa kanya nang nakalabas na kami sa dagat ng mga tao ng bar na iyon.

Kinailangan ko pang hilahin ang kamay ko para matanggal iyon sa mga kamay niyang nakahawak sa akin. Kitang kita ko ang mga taong napapatingin sa amin. Inaagaw niya ang atensyon ng mga tao! Pakiramdam ko ay namumula na ang mukha ko dahil sa init na naramdaman doon! Nakakahiya.

Tumigil siya sa gilid ng kanyang sasakyan at hinarap niya ako. Nakita ko ang galit sa kanyang mga mata.

"Damn it! I want to just put you in my car and drive you home right now! But I can't and I shouldn't!"

Nanlaki ang mga mata ko. Sa sobrang lakas ng pintig ng puso ko ay napahawak na ako sa dibdib ko. Nanginginig ang kamay ko.