Kabanata 21

Power Trip

Hindi ko alam kung bakit hindi ko matanggal sa aking isipan ang mga sinabi ni Rage. Umuwi kami ni Mia sa building para makapag bihis at makapagtrabaho na. Wala kaming imikan ni Rage nang nagising na si Mia at ngising aso lang si Mia sa mga panahong iyon.

Siniko niya ako nang nakarating na kami sa Lounge.

"Anyare sa inyo?" Halakhak niya.

"Ano?" Nagbubulag bulagan kong tanong.

"Ni Sir Rage! Alam kong may something. Nararamdaman ko ang tensyon." Tumawa ulit siya.

Inilingan ko na lang siya at mabilis na akong naligo at nag bihis sa common CR. Nagmadali ako dahil sa pagtawag sa akin ni Mrs. Ching. Mabilis akong nakarating sa opisina niya at ang paksa ng pag uusap namin ang nag paalala sa akin sa dapat kong gawin mamayang lunch break.

"Sunny, approved na ang resignation mo." Malungkot na sambit ni Mrs Ching habang tinatanggal ang kanyang salamin.

Tumango ako.

"Ayaw ko man pero mabuti yung desisyon mong mag aral. Sa 15 ang effectivity." Aniya.

Tumango ulit ako. "Pasensya na po talaga. Ayaw ko sanang umalis pero importante sa kin ito." Sambit ko.

Tumango rin siya at tinanggal ang kanyang salamin bago kinusot ang kanyang mga mata. "Alam ko. Maghahanap na rin kami ng replacement. Magtatanong pa ulit ako kay Mr. Del Fierro kung gusto niya ba ng janitress sa floor niya."

Pagkatapos naming mag usap ay pinlano ko na agad kung ano ang gagawin ko mamayang lunch break. Kukunin ko na ang result ng exam ko sa school at magpapaenrol na. Bago iyon, uunahin ko muna ang paglilinis sa opisina ni Rage. Sa elevator pa lang ay hindi na ako mapakali. Parang may kung ano sa tiyan ko tuwing naaalala ko si Rage.

Tumunog ang elevator, hudyat na nasa tamang floor na ako. Tinulak ko ang cart at pumasok sa loob. Nakita ko kaagad ang malapad na likod ni Rage. Nakatalikod siya sa akin, nakaharap sa malaking salamin kung saan over looking ang buong syudad. Sabay kami kanina at naka coat siya patungong building pero ngayon ay hinubad niya iyon kaya puting t shirt lang at blue jeans ang suot.

Tinulak ko ang double doors at agad akong napatingin sa sumigaw sa aking pangalan.

"Sunny!" Sigaw ni Kid at mabilis akong nilapitan.

"Kid!" Gulat kong sinabi.

Pinadausdos niya ang kanyang kamay sa aking baywang at narinig ko kaagad ang halakhak ng halos hindi ko makilalang lalaki sa sofa. Naka number 4 na upo si Brandon, malinis at maiksi na ang kanyang buhok. Hindi ko siya nakilala dahil sanay akong mahaba iyon, hanggang balikat.

"Kayo na ba, Kid?" Tanong ni Brandon. "Hi Sunny! Long time no see!"

Ngumiti ako kay Brandon at medyo hindi naging komportable sa paghawak ni Kid sa aking baywang.

Lumingon si Rage sa akin at nakita kong may hawak siyang baso na may lamang kulay brown na liquior at ice. Umiling agad ako kay Brandon.

"Well, kung sasagutin ako ni Sunny." Lumingon si Kid sa akin at kinindatan niya ako.

Tumawa si Brandon. "Finally? After 5 crying years, you'll have a new girl!"

"I'm choosy, Brandon. That's why. I'm not like you." Ani Kid.

Padarag na nilapag ni Rage ang kanyang baso sa kanyang mesa. Napalingon ako sa kanya at nakita ko ang pag igting ng kanyang panga. Kumalabog ang dibdib ko.

"She's not yours, Kid." Mariing sinabi ni Rage.

Sabay na lumingon si Kid at Brandon sa kay Rage.

"What? She's yours because she's your employee?" Nagtaas ng kilay si Kid kay Rage. "Come on. Aalis din siya dito." Mayabang na sinabi ni Kid sabay tingin kay Brandon.

Nagtaas ng kilay si Brandon. "Oh?"

"Yup. Babalik si Sunny sa school. Actually kung papayag siya, pwede siyang mag stay sa condo ko." Ngumiti ulit si Kid.

"Are you fucking kidding me, Kid?" Matalim na sinabi ni Rage. "She's not going to stay with you. She's not yours for fucks sake."

Nakita kong nalaglag ang panga ni Brandon. Sa gulat ni Kid ay hindi rin siya makapagsalita. "And she's not yours too, Rage. She owns herself. What's wrong with you dude?" Tanong ni Brandon sa pinsan niya.

Kabadong kabado na ako at hindi ko alam kung paano ko nagawang sumingit sa kanila.

"Uh, okay lang ako, Kid. Nakahanap na ako ng bed space." Sabi ko sa medyo nakasimangot na si Kid.

"Why are you in Rage house last night, by the way, Sunny?" Tanong ni Kid.

Kumalabog lalo ang puso ko. Kahit wala namang nangyari pero nang nakita ko ang mukha ni Brandon nang tanungin iyon ni Kid sa akin ay pinagpawisan ako ng malamig.

Narinig ko ang mga yapak ni Rage palapit sa amin. Tumitig ako kay Kid para masiguradong masagot ko siya ng maayos sa tanong niya.

"Uh, lasing si Mia tapos di ko siya pwedeng ihatid sa bahay nila kaya nag offer si Rage na sa kanila kami matulog." Paliwanag ko.

"Bakit ka nagpapaliwanag? He's not your boyfriend, Sunny. So what, Kid?"

Napatingin ang galit na si Kid kay Rage. "Oh no, no, no! Don't tell me..."

Binitiwan ako ni Kid at agad siyang umatras. Tumayo si Brandon at nilapitan niya agad si Rage. May binubong siya rito at mukhang seryoso ang usapan nila.

Umiling agad ako kay Kid. Alam ko ang naiisip niya at nagkakamali siya don. Iniisip niyang may nangyayari sa amin ni Rage na hindi niya alam.

"Rage, you are not going to ruin the friendship!" Ibang accent ang lumabas sa bibig ni Brandon nang tinulak niya si Rage palayo sa akin.

Nakatunganga parin si Kid sa gilid ko. Hindi ko maalis ang titig ko sa kanya sa pag aalala kong may maisip siyang masama sa amin ni Rage.

"If there's anything I'm going to ruin here, Brandon, it's Kid's chances. Gusto ko lang malaman niyo na I'm pursuing Sunny."

Nanlaki ang mga mata ko at napatingin ako sa seryosong si Rage. Tinutulak parin siya ni Brandon dahil nagpupumilit siyang lumapit kay Kid.

Napaatras ako at hindi ko alam kung ano ang gagawin ko sa gitna nila. Tumawa si Rage sa galit ni Kid sa kanya.

"Walang personalan, Kid, pero may the best man win." Ngumisi si Rage at tumingin sa akin.

"You're sick, Rage!" Galit na utas ni Kid sa kanya. "Gago ka! Alam mong gusto ko siya at ngayon sumasawsaw ka? You're the biggest jerk I know. You can't do this to me. You can't do this to Sunny!"

Nakikita ko sa harap ko kung paano unti unting nababasag ang kanilang pagkakaibigan. Hindi ko alam kung ano ang pumasok sa utak ni Rage at sinabi niya iyon sa harap ni Kid. Hindi ko rin alam kung ano ang mararamdaman ko para kay Kid. Maaawa? Bakit ako maaawa? Siguro ay simpatya. Unti unting nagkakalamat ang pagkakaibigan nila ni Rage dahil lang sa akin. Ni wala akong ginawa!

Lumipad ang kamao ni Kid sa pisngi ni Rage at narinig ko ang malutong na mura ni Rage nang napaatras siya.

"Oh fuck no, Kid! Nag Mi-mix martial arts yan!" Sigaw ni Brandon at tinulak niya si Kid palayo kay Rage.

Hinawakan ni Rage ang kanyang dumudugong bibig. Ni hindi pa nga naghihilom ang pasa ay may panibagong pasa na naman siyang natamo. Ngunit habang dumudugo iyon ay humahalakhak lang siya. Tumindig ang balahibo ko.

"You're a fucking beast! Mind your hoes, Rage! Stay away from Sunny!" Sigaw ni Kid habang inusubukang kumawala sa mga kamay ni Brandon.

"Shut up, Kid!"

"I just can't shut up here! Kung gusto niyang mag laro, maglaro siya sa teritoryo niya! Huwag niya akong isali! Stupid!" Sigaw ni Kid.

Hindi na agresibo si Rage ngayon. Hinawakan niya lang ang kanyang labing dumudugo at kumukuha ng tissue. Relaxed siyang naglalakad sa opisina niya habang ako ay tulala sa mga nangyayari. Shit!

"Sunny, can you please mend my lips?" Malambing na sinabi ni Rage habang kinukuha ang tissue.

"Putang ina mo, Rage! Nananadya ka! Fuck!" Kumawala si Kid sa pagkakahawak ni Brandon.

Nanginginig ang kamay ko at natatakot ako na gusto kong sundin si Rage ngunit ayaw kong mawasak ng husto si Kid. Nilingon ko si Rage at sinimangutan ko siya. Gago! He's a beast and I can't take it. Ganito siya makitungo sa kanyang kaibigan? Ni hindi niya pinahalagahan ang pagkakaibigan nila. Ni hindi siya nag isip na maaari niyang masaktan si Kid sa ginawa niya. Inisip kong kompetisyon lang ba ito sa kanya? Na parte ito ng ego trip niya? Na gusto niyang angkinin ang lahat, kahit iyong mga pag aari sana ng kaibigan niya. He's cruel. This is so cruel.

"Sunny!" Sigaw ni Kid sa akin. "Come with me..." At mabilis siyang naglakad patungo sa double doors.

Lumingon si Brandon kay Rage at sinenyasan niya ito. Tumitig lang si Rage sa akin at hinintay niya ang magiging reaksyon ko. I won't give you what you want, Rage. You're too cruel for me.

"Come on!" Sigaw ni Kid sa akin.

Tumango ako at mabilis akong tumakbo patungo sa kanya. Hindi ko alam kung saan kami patungo pero ayaw ko lang doon kay Rage. Nilingon ko si Rage nang nasa elevator na kami ni Kid at nakita kong pumikit siya ng mariin at yumuko. Linapitan siya ni Brandon at sumarado na ang pintuan ng elevator.

Kumalabog ang elevator dahil sa hampas ni Kid doon. Nagmura siya ng malutong bago tumingin sa akin.

"Anong nangyari? May something ba sa inyo ni Rage? Anong ginawa niya sayo? Bakit bigla siyang naging vocal, damn it, I've never seen him this vocal before. But he's a big jerk!"

Umiling ako. "Walang nangyari."

Suminghap si Kid at nagmura pa ulit. "Hindi ko alam kung anong trip niya pero naiirita ako sa kanya. He's a damn jerk. He toys with girls. Do you wanna be with that kind of man, Sunny?"

Halos ganon rin ang tanong ng konsensya ko. Umiling ako at yumuko.

"Good. I know you're better than that. Don't trust him. He'll ruin you. Bad." Aniya.

Hindi na ako makatango. Hindi rin ako makapagsalita. Alam kong kahibangan kung bigyan ko siya ng rason na boss ko si Rage kaya kailangan kong sumunod.

"Can you resign today?" Tanong ni Kid at napatingin siya sa akin.

Umiling ako. "Sa 15 pa effective ang resignation ko."

"Then leave. Huwag ka ng bumalik bukas! God I can't imagine you working for him!" Suminghap siya at natulala nang nakababa na kami.

Hindi ko alam kung ano ang isasagot ko kay Kid. Hindi naman ako natatakot kay Rage. Naiinis lang ako sa ginawa niya kay Kid. He's too harsh on him.

Tumunog ang cellphone ko at kinuha ko iyon sa bulsa ko. Tiningnan ko ang mensaheng galing sa hindi naka register na number.

Unknown Number:

I'm sorry. Can you go back please? I got carried away.

Shit! Sino ito? Kumalabog ang puso ko. Kahit na nagtatanong ako kung sino iyon ay alam ko sa sarili ko kung kanino talaga galing ang mensahe.

"Sinong nag text?" Tanong ni Kid nang pareho kaming nakatayo sa ground floor ng building.

Ngayong nandito na kami ay hindi ko alam kung bakit ako sumama sa kanya. Inalala ko na dapat ay magalit ako kay Rage ngunit sa kasamaang palad ay lumipad iyong galit sa labas ng pintuan.

"Si Mia. Hinahanap ako." Sabi ko at hindi ako makahanap ng rason kung bakit pinagtatakpan ko si Rage sa kanya.

Gusto kong mag tanong kay Rage kung ano ba ang pakulo niya? Obviously, power trip ito. Kahit na alam ko ay binabalewala ko iyon. Shit! What's wrong with me?

Lumayo ako ng bahagya para makapag type ng reply sa Unknown Number na iyon.

Ako:

Huwag kang mag powertrip sa kaibigan mo. Ang sama mo.

Hindi na lumipas ang isang minuto ay nakapag reply na agad siya.

Unknown Number:

Hindi ako nag po-powertrip. I just want to be fair. Kung vocal siya, vocal din ako. No need to keep secrets. This is my first time and I don't want to keep it to myself.

Nag angat ako ng tingin sa nakatitig na si Kid. Suminghap siya at inakbayan niya ako.

"Kumain muna tayo sa labas." Aniya. "I'm sure hindi ka niya tatanggalin sa trabaho."

Napatingin ako sa kamay ni Kid nang nagpatianod ako sa pag lalakad niya. Unti unti itong bumababa sa aking braso at pabalikbalik doon. Nag angat ako ng tingin sa kanya nang nakalabas na kami sa building.

"Kid, sorry, kailangan kong samahan si Mia mamaya." Sabi ko dahil hindi na komportable.

Natigil siya at napatingin sa akin at kumunot ang kanyang noo. Alam kong hindi siya papayag pero bakit ako magpapadala sa kanya? Brandon's right. I own myself. Ako ang magdedesisyon para sa aking sarili. Hindi ang ibang tao.