Warning: SPG

------------

Kabanata 30

Iniwan

Pagkatapos ay naramdaman ko naman 'yong sakit na kanina ko pa pinaghandaan. Hindi siya gumalaw. Pumikit ako ng mariin habang unti unting nawawala 'yong sayang naramdaman ko kanina.

"I'm sorry." Aniya sabay halik sa aking noo.

Hindi siya gumalaw. Patuloy siya sa paghalik sa noo ko. Patuloy naman ako sa pag pikit.

"I'm really sorry." Aniya.

Tumango ako at gumalag ng konti.

"Don't move." aniya.

Umiling ako at inabot siya para mahalikan. I want him to move. Sa halik kong iyon ay nakuha niya ang nais kong maiparating.

"Are you sure?"

Tumango na lang ako at hinayaan siyang dahan dahang gumalaw.

Kailan ba dapat ibinibigay 'yon ng mga babae? Sapat bang dahilan na mahal mo 'yong tao? O dapat din ba mahal ka nila pabalik? Ngunit hanggang saan ba talaga ang pagmamahal? Nag tatagal ba talaga ito? Hindi ko alam. Dahil wala akong karapatang mag tanong ngayon nito.

Napamura si Rage nang inilabas niya ang kanya at hinayaan iyon sa tiyan ko. Kahit na may aircon ay bahagya akong pinagpawisan sa ginawa namin. Mabilis kong sinarado ang binti ko dahil sa kahihiyang naramdaman. Napansin niya ito habang kumukuha ng wet wipes.

"Don't move yet." Aniya.

Tumango ako at hinintay siyang makabalik para punasan iyong nasa tiyan ko. Marahan ang pagpunas niya at bawat haplos niya ay nag sisindi sa kung ano mang nararamdaman ko para sa kanya. Nagpunta siya sa bathroom pagkatapos ay sa ref. May kinuha siya doon bago bumalik sa akin. Binalot ko na ang sarili ko ng comforter pagkabalik niya.

Hinalikan niya ako sa noo ng isang beses at humiga siya sa tabi ko. Nakita ko ang isang box na dala niya.

"Masakit ba?" Habang binubuksan niya ang box.

Tumango ako at tiningnan kung ano 'yong nasa loob. Nakita kong may mga chocolates doon. Kumuha siya ng isang heart shape at sinubo sa akin.

"I'm sorry." Ulit niya.

Kumagat ako ng konti doon at tiningnan siyang kinain iyon ng buo.

"Sorry din. Walang condom dito sa kwarto ko. I told you I don't bring girls here. Don't worry, safe 'yong ginawa ko."

Tumango ulit ako. Tinabi niya 'yong box at tinitigan niya ako.

"Sunny? Say something. Sobrang nasaktan ba kita?"

Nangilid ang luha ko sa aking mga mata. Sinubukan kong ngumiti at nagtagumpay naman ako. "Hindi. Masaya lang ako."

Ngumuso siya at hinawakan ang kamay ko tsaka hinalikan. "Rest. Mag uusap tayo bukas." Aniya.

Tumango ako at pumikit. Nilabanan ko ang pagod ko. Kinailangan ko ang lakas ko para hindi maidlip ng kahit konti. Nakalagay ang kamay ni Rage sa aking ulo kaya kinabahan ako sa aking plano. Nang narinig ko na ang kanyang tuloy tuloy niyang paghinga ay nakuha kong tulog na siya. Pumikit ako ng mariin at nag dasal na sana ay hindi ako maiyak.

Unti unti akong bumangon at pinulot sa sahig ang mga damit kong nag kalat. Mabilis ko itong sinoot habang tinitingnan siyang payapang nakaidlip sa kanyang kama. Nilagay ko ang cellphone sa gilid ng lamp niya. Iniwan ko ang cellphone ni Kid sa aking locker at makikiusap ako kay Mia na siya na lang ang magbigay non kay Kid. Samantalang ang cellphone namang 'to ay iiwan ko kay Rage, dahil kanya naman talaga 'to.

Nangilid ang luha ko nang tiningnan siya sa huling beses.

This man took my virginity. I willingly gave it to him because I'm in love with him. Hindi ako sigurado kung totoo ngang mahal niya ako o pinaglalaruan niya ako. Ang tanging sigurado ako ay hindi ako nababagay sa mundo niya. Mahal ko siya pero may mga bagay na bawal sa buhay ko. Nawawala ako sa mga prinsipyo ko, nakakalimutan ko ang mga pangarap ko, at sa oras na mag desisyon siyang hindi niya ako mahal, natatakot akong maiiwan akong walang magagawa.

Naglakad na ako palabas sa kanilang bahay. Nag paalam din ako sa guard na lalabas ako doon at hindi naman ako pinigilan.

Napatalon si Mia nang pumasok ako sa building.

"Hay Dios Mio naman! Tang shit! Akala ko naman kay Rage ka na matutulog-"

Natigil siya sa kanyang alburoto nang nakitang nagmamadali akong nagliligpit ng gamit.

"Oh? Anong nangyari? Lipat ka na sa bahay nila?" Lumapit siya sa akin habang mabilis kong nilalagay ang mga damit ko sa aking malaking bag.

Marahas niya akong hinarap sa kanya pagkatapos ng ilang sandaling pananahimik ko. Nakita ko ang gulat sa kanyang mga mata nang nakita ang pag luha ko.

"Anong nangyari? Sinaktan ka niya? Anong problema?"

Umiling ako. "Aalis na ako."

"Ha? Bakit?" Tanong niya. "Sinaktan ka ba? Sunny, sinaktan ka ba?" Niyugyog niya ako.

"Gusto kong lumayo sa kanya. Hindi niya ako sinaktan, Mia. Gusto ko lang lumayo. Natatakot akong masaktan."

Hinawi ko ang kamay niya at ipinagpatuloy ko ang pag iimpake.

"Saan ka pupunta ngayon? 'Yong trabaho? Nagpaalam ka ba sa kanya?"

"Next week naman 'yong effectivity ng resignation ko. Don na ako sa sinasabi mong bed space. Please, pag nag tanong siya wa'g mong sabihin?"

Ngumiwi si Mia at tinulungan niya akong mag impake. "Hindi kita maintindihan. Hindi ka nag paalam? Bigla ka lang umalis? Hindi ka niya pinigilan?"

Dumami ang ang tanong niya. Panay ang punas ko sa aking luha. Kailangan kong mag pakatatag.

"Tulog siya nong iniwan ko siya."

Nalaglag ang panga niya at parang mas lalong dumami iyong tanong niya pero hindi niya itinuloy.

"Sabihin mo na lang sakin saan 'yong bedspace nang mapuntahan ko." Sabi ko.

Umiling siya. "Ihahatid kita." Sinikop niya ang buhok niya para matali at agad dumampot ng jacket.

Pababa kami ng building ay pinaulanan niya ako ng tanong sa elevator.

"Bakit di mo siya kinausap? Bakit di ka nagpaalam?"

"Hindi rin naman niya 'yon maiintindihan."

"Iniwan mo siya kasi natatakot kang masaktan?" Iritadong tanong ni Mia.

"Iniwan ko siya dahil hindi ako ang para sa kanya. Hindi ako sigurado kung gusto niya ba talaga ako o ginagamit lang. Ngayong... ngayong nakuha niya na ang gusto niya, siguro naman ay titigil na siya."

"NAKUHA NIYA NA ANG GUSTO NIYA? A-Ano 'yon? Anong gusto niya?"

Nangilid ulit ang luha ko at kinagat ko na lang ang labi ko. Hinintay kong makababa ang elevator.

Hinawakan ni Mia ang magkabilang balikat ko at niyugyog niya iyon.

"Ano 'yong gusto niya?"

Iritado ako dahil alam kong alam niya kung ano 'yon pero kinailangan pa niya ng salita galing sa akin. "'Yong virginity ko, okay? 'Yon! Nakuha niya na! Kanya na 'yon. Tapos na siya sa akin. Iiwan niya rin ako!" Sigaw ko.

"Ano? Pano kung hindi? P-Pano kung gusto ka talaga niya? Sunny naman, wa'g tanga!"

"Kahit na gusto niya ako, Mia, hindi ako bagay sa buhay niya. Hindi ako matatanggap ng mga tao! Hindi ako tanggap ng mga kaibigan niya! At paano kung nandito ang kanyang mga magulang? Mas lalong hindi ako matatanggap ng mga 'yon kaya malabo talaga! Uunahan ko na 'yong mga mangyayari dahil ayokong masaktan ng husto!" Sabi ko.

Tumunog ang elevator at mabilis na akong naglakad palabas.

"So? Siya ang sasaktan mo kung ganon?" Ani Mia.

Humikbi ako at luminga sa labas ng building para makahanap ng jeep o kahit ano para masakyan patungo sa kung saan.

"Bwisit namang buhay 'to oh!" Sabi ni Mia at pinara ang isang jeep. "Ihahatid na kita. Anong magagawa ko para sa'yo?"

Pumasok kami sa loob ng jeep. Panay ang tingin ng mga tao sa akin dahil sa luhaan kong mukha. Ang ingay pa ni Mia sa loob kaya hindi ko na lang pinatulan ang mga tanong niya nang sa ganon ay matahimik siya.

"Huy, Sunny, kanina pa kita tinatanong! Anong gagawin ko?" Tanong niya nang may iilang pasaherong bumaba galing sa jeep.

"Pag takpan mo na lang ako kay Rage. Siguro ay maghahanap 'yon-"

"Shit at talagang maghahanap 'yon! Iniwan mong tulog, e. Di ka nag paalam."

"Mia..." Suminghap ako. "Kung sakaling mag hanap siya sabihin mo umalis na ako."

"Tapos tatanungin niya ako, saan?" Ani Mia.

"Sabihin mo di mo alam." Sabi ko.

"Shit naman. O sige, sige. Bahala ka nga! Tigas ng ulo mo. Baka sakali lang naman na-"

"Ayokong umasa. Ayokong masaktan. Titigil na 'yon. Nakuha niya na, e." pumiyok ang boses ko.

Inasahan ko ang mura ni Mia ngunit ang tanging narinig ko sa kanya ay ang pagtahan sa akin pagkatapos niya akong akbayan at yakapin.

Inihatid niya ako sa isang bahay na hindi kalayuan sa building. Malaking bahay iyon. Malinis at concrete. Ang alam ko ay 2000 ang babayaran ng bawat bed spacer dito at sa isang room may walong kasya. Malayong kamag anak ni Mia ang may ari kaya niya alam ito.

"Auntie, ito po 'yong kinikwento ko sa'yong kaibigan kong si Sunny. Dito na po siya tutuloy ngayong gabi." Pakiusap niya sa kanyang auntie'ng naninigarilyo. "Sunny, Eto si Auntie Letty."

Naalala ko kaagad ang Auntie kong naninigarilyo din sa amin. Maiksi at kulot ang buhok nitong auntie ni Mia at hindi ko maipagkakailang makinis din siya kahit na medyo may katandaan na.

"Lilipat na ngayon? E, ikaw?" Tanong ng kanyang auntie sabay buga usok ng sigarilyo sa gilid.

"Next week siguro. Doon muna ako sa building." Ani Mia.

"Buti naman at iniwan mo na 'yong lintik at payatot mong boyfriend." Anang Auntie ni Mia.

Umiling si Mia at tumingin sa akin. "Saan niyo po siya ipapatuloy? Aling kwarto? Mukhang marami po kayong bedspacers ngayon, a?"

"Oo, madalas e, estudyante. Doon na lang siya sa katlong palapag. Sa gilid na room. Pang walo din 'yon. May apat na double deck pero wala pang bedspacer kasi lumipat 'yong dalawa sa baba dahil kilala nila 'yong kasama nila don. Makakahanap din ako ng room mates niyo. Doon na lang muna kayo." Ani Auntie sabay tango sa akin.

Tumango ako at tumingin kay Mia.

"Tara! Ihahatid ko na si Sunny, Auntie. Bukas na lang 'yong bayad. One month advance at one month deposit, diba?"

"Oo. Sige sige. Hatid mo don, Mia." Ani Auntie sabay turo sa hagdanan.

Maganda at malinis ang buong bahay ng auntie ni Mia. Hindi gaanong malaki iyong room at tama lang iyon para sa walong tao. Nang humiga ako sa baba ng double deck ay napansin ko kaagad na nakakalungkot dito dahil ako lang mag isa.

"Mia, lipat ka na kaagad dito. Nakakalungkot mag isa." Sabi ko habang pinapanood siyang nilalapag ang gamit ko sa mesa.

"Oo. Ipapatapon na ako ni Sir Rage bukas pag sasabihin ko sa kanyang di ko alam kung nasaan ka kaya malamang ay lilipat na talaga ako dito."

Umismid ako at tiningnan ko na lang ang mga daliri ko. Humalukipkip siya at tumikhim sa aking harapan. "Sunny, tutulungan kita, okay? Hindi ko pinagtatanggol si Sir Rage dahil ako mismo, hindi ko siya lubos na kilala pero paano nga kung totoo siya, diba?"

Umiling ako. "Mabilis. Hindi maaaring totoo 'yon."

Umiling din siya. "Basta. Sige. Malalaman din naman natin 'yan. Sana lang ay wa'g mong pagsisisihan 'to." Aniya.

Tumango ako at humiga sa baba ng double deck.

Dinungaw niya na lang ako. Tumingin din ako sa kanya.

"Sorry kasi ginising kita. Salamat din dahil hinatid mo ako dito." Sabi ko.

"Oo. Ta's bukas anong gagawin mo? Itetext na lang kita-"

"Iniwan ko ang phone ko kina Rage."

"Ano?" Suminghap si Mia.

"Bibili din ako ng phone bukas. Sulat mo na lang number mo. Ititext din kita kaagad pag nakakuha na ako ng phone."

"O sige, sige. Ako na lang din ang magsasabi kay Mrs. Ching na umalis ka na. Sige, sige. Magpahinga ka na nga..." Ilang sandali pang nag titigan kami bago siya tumalikod at umalis.

Huminga ako ng malalim at pumikit. Kahit pagod na pagod ako ay hindi ko parin magawang makatulog. Ang tanging naiisip ko ay si Rage, ang kanyang mga mata, at kung paano niya ako hinalikan.