Kabanata 55

Tulong

Dahil sa pagod ko ay diretso ang tulog ko sa aking kama. Nagising na lang ako na mabilis ang kalabog ng puso ko. Mabilis din ang hininga ko at agad napabangon. Tumindig ang balahibo ko nang naalala ko kung ano 'yong napanaginipan ko.

Nilingon ko si Rage at nakita kong wala siya sa tabi ko. Pagkalagay niya sa akin sa kama kagabi ay mabilis na akong naidlip. Ni hindi ko na nalaman kung nagkabati ba si Mia at Kid.

Pinagtabi ko ang hita ko at yinakap ko ang aking tuhod. Napanaginipan ko na hindi pa tinatanggal ni Rage ng lubusan ang underwear ko ay hinaplos niya na ako agad. Ngumuso ako at pumikit. Bakit ganon ang panaginip ko?

Dahan dahan akong lumabas ng kwarto at naabutan ko na naman siya sa kusina na naka topless at nagluluto ng almusal ko. Kinagat ko ang labi ko habang tinitingnan ang ibabang likod niya. Naglakbay ang mga mata ko pataas sa kanyang gumagalaw na muscles sa likod.

Lumingon siya sa akin at nagpunas ng kamay. Naabutan niya ang pagkagat labi ko kaya nagtaas siya ng kilay.

"Good morning! How was your sleep?" Aniya at humilig siya sa sink.

Pinaglaruan ko ang labi ko at umupo sa high chair sa may bar. Bumaba ang tingin niya sa binti kong nagmumukha na namang walang shorts dahil sa iksi ng suot ko at dahil sa laki ng t-shirt ko.

"M-Maayos." Nagdadalawang isip kong sagot.

Maayos. Naistorbo ako sa panaginip kong tungkol sayo. Uminit ang pisngi ko. Hinanap niya ang tingin ko at nagtaas ulit siya ng kilay.

"Something wrong?"

Umiling ako at nag tumingin sa kanyang niluluto. Nilapitan niya ang bacon na niluluto at pinatay bago bumaling ulit sa akin.

"You look pale, Sunny." Lumapit siya sa akin.

Nanginig ang sistema ko. Hindi ko alam kung bakit gustong gusto kong haplusin niya ako. Hinawakan niya sa magkabilang dulo ang high chair ko at sobrang lapit naming dalawa.

"Do you need anything?" Bulong niya.

Umiling ako nang di tumitingin sa kanya. Tumindig ang balahibo ko at nag iinit na naman ang buong sistema ko tulad ng nangyari kagabi.

Nang narinig ko ang halakhak ni Mia at Kid papasok sa kitchen. Umayos agad ako sa pagkakaupo ngunit ang titig ni Rage sa akin ay nanatili na para bang may hinihintay siyang reaksyon sa akin.

Huminga siya ng malalim at tumayo ng maayos. Nagkunwari akong pinanood ang pagpasok ni Mia at Kid na mukhang masaya na ngayon. Nilingon din ni Rage ang dalawa at nakipag high five pa siya kay Kid.

Umiling si Rage at bumalik sa niluluto niyang bacon tsaka ngumisi kay Kid. "Ang ingay niyo kagabi." Sumulyap siya sa akin.

Uminit ang pisngi ko. Niyakap ako ni Mia galing sa likod.

"Hindi kita pinapaalis, Sunny, pero kelan balik mo sa bahay ni Rage?" Halakhak ni Mia.

"Huh?" Nahihiyang nilingon siya. "Hindi pwede."

Nagtaas ng kilay si Rage at pinanood ulit ang pagsasalita ko. Para bang may hinihintay talaga siyang reaksyon sa akin.

"Asus! Pakipot pa 'to. Bumalik ka na doon at nang magkaalaman na kayo." Sabay tawa ni Mia.

Ngumiti na lang ako at umiling.

Sabay kaming kumain sa dining table nila. Habang kumakain at nagtatawanan silang tatlo ay sumagi sa isip ko iyong mga plano ko. Ano na ang gagawin ko mula rito? Tinanggap ko ang alok ni Rage na magpakasal at ano na ang susunod kong lalandasin?

"I'll be busy today." Ani Rage. "Ihahatid kita sa school mo. May event sa kompanya sa bukas at may family dinner kami mamaya." Medyo humina ang boses niya sa huling sinabi.

Tumango ako. "Walang problema, Rage. Baka rin maging abala ako sa school."

Nakatingin siya sa kalsada at medyo seryoso ang kanyang titig doon. May malalim na iniisip ulit.

"Gusto ko sanang isama ka sa family dinner." Malamig niyang sinabi.

Napawi ang ngiti ko sa aking labi. Hindi ko alam kung nagustuhan ko ba 'yong alok niya o hindi. Alam ko na ang magiging reaksyon ng pamilya niya at ayaw kong maranasan ulit iyon.

"Kasama natin ang mga tita at tito ko. My cousins will be there too. I want to announce our engagement." Ani Rage.

"Rage..."

"Sunny, doon 'to patungo. Don't worry about them. They have to accept my decision. Kung ayaw nila, problema na nila 'yon." Ani Rage.

"Pamilya mo sila, Rage. Mas maganda kung mabuti ang samahan niyo ng pamilya mo. Let's face it, hindi nila matatanggap ang-"

"Then what do you suggest? We'll break up for them, Sunny? No frigging way. I won't give them the choice."

Lumunok ako at sa tono ng boses niya ay parang iyon na talaga ang desisyon niya. Itinigil niya ang sasakyan sa harap ng school.

"No boys for you." Aniya sabay tingin sa akin.

Nagtaas ako ng kilay sa pagtatanong sa ibig niyang sabihin ngunit hinalikan niya na ang aking labi. Bumilis agad ang tibok ng puso ko at marahan ang kanyang halik sa akin. Uminit ang pisngi ko. Gusto ko ng mas malalim na halik!

Hinawakan ko ang leeg niya at idiniin ko siya sa akin. Narinig ko ang mumunting halakhak niya.

"My little girl wants deep kisses." Bulong niya.

Mas lalo ko pa siyang hinalikan. Your little girl wants to make love, Rage. At nakakafrustrate ka! Naramdaman ko ang kanyang dila sa aking bibig kaya mas lalong uminit ang aking naramdaman. Tumigil siya sa paghalik at ngumisi.

"I can't fuck you right here, Sunny. We'll have to wait for tomorrow, I guess? And you're fragile, you're pregnant, I'm scared."

Nalaglag ang panga ko sa sinabi niya. Halos sumabog ang buong sistema ko sa mga salita. Napatingin ako sa parking lot na puno ng estudyante. Bumaling ulit ako sa kanya at mas lalong lumaki ang ngiti niya.

Buong araw yata akong nag iinit dahil sa huling salita kong narinig kay Rage. Mababaliw na yata ako. Ni hindi ako nagulat nang nakita ko si Jason sa araw na iyon. Nakalimutan ko kung bakit siya nahihiyang lumapit sa akin. Kung hindi siya nag sorry ay hindi ko maaalala ang buong nangyari doon sa condo.

"Ayos lang 'yon, Jason." Ngiti ko.

Huminga siya ng malalim. "So... nagkabalikan kayo, huh?" Pumungay ang mga mata niya.

Tumango ako at napatingin sa mga libro sa harapan.

"He's the dad of your baby. Mabuti at pinanagutan ka niya. But will you be happy with his family?" Tanong ni Jason sa akin.

Nilingon ko ulit siya at hindi na ako nakasagot. Sa ngayon ay wala akong iniisip kundi kaming dalawa ni Rage. Ayaw ko munang isipin ang mga bagaheng dala niya at ang problemang maidudulot nito para sa aming dalawa at maging para sa anak namin.

Busy si Rage sa araw na iyon. Hindi siya umupo sa swivel chair ko pagkarating ko sa Del Fierro building ngunit may ibang taong nakaupo roon. Sa malayo pa lang ay tanaw ko na ang pagiging elegante ni Mrs. Del Fierro. Nakatayo ang babaeng naka taas ang ponytail at nakahalukipkip na pinanonood akong papasok sa opisina.

Humugot ako ng malalim na hininga at tumigil sa harap nila. "Anong kailangan niyo, Mrs. Del Fierro?" Tanong ko.

Kasabay ng pagtatanong ko ay ang kanyang pagtayo.

"Hindi na ako magpapaliguy-ligoy pa." Aniya at nilingon ang mga empleyadong nakatingin at nanonood sa amin.

Lumayo agad silang lahat para bigyan kami ng privacy. Hindi niya na kailangang magsalita para malaman ng mga empleyado kung ano ang gusto niyang ipahiwatig. Nilingon ko si Ezra na ngayon ay nakaismid sa akin.

"Your share. Layuan mo ang anak ko." Ani Mrs. Del Fierro at nilagay niya sa harap ko ang isang itim na bag.

Naaalala ko ang eksena kung saan nagbibigay ng ransom ang mga magulang sa ga kidnappers na kumidnap sa anak nila. Binuksan iyon ni Mia at tumambad sa akin ang kulay asul at sandamukal na perang nakahilera sa loob.

"You'll earn your dignity back if you get this money coz it's yours. Pero pag si Rage pa ang pinangarap mo, tingin ko hinding hindi na magbabalik sayo ang dignidad mo. You don't own Rage and you have no right to get him." Mariing sinabi ni Mrs. Del Fierro.

Matama ko siyang tinitigan. Ayaw kong may makaligtaan siya sa sasabihin ko.

"Nasabi na po 'to sakin ni Ezra. Sorry po pero mahal ko ang anak niyo." Sabi ko.

"Mahal mo ang pera ng anak ko. You're just like your mother, Aragon. She liked the money so she pretended!"

"Huwag niyong idamay ang mama ko dito. Matagal ko nang iniwan si Rage dahil lang gusto ninyo-"

"Kung talagang iniwan mo siya noon, bakit nandito ka pa? Bakit ka bumalik? You... you have no dignity at all. You can't run away from the money so you're back!" Halos naghihisterya na si Mrs. Del Fierro.

"Sunny, I told you. Hindi ka matatanggap ng mga tao. Hindi ka nababagay sa mundo ni Rage. Mas mabuti pa kung tanggapin mo na lang itong pera at iwan mo na si Rage." Ani Ezra na ngayon ay punong puno ng make up at sumisigaw ng pagiging tanyag sa alta sosyedad.

"Your son can't run away from me." Mariin kong sinabi kay Mrs. Del Fierro.

Pumula ang kanyang pisngi at nakita ko ang paghigop niya ng hangin dahil sa galit. Tinitigan niya ako at ganon lang din ang ginawa ko sa kanya pabalik. Hinding hindi siguro talaga kami magkakasundo ng mama ni Rage. Kahit anong gawin kong pagpapatawad ay masasakit na latigo ang natatamo ko sa bawat salita niya. Hindi ko kayang humarap sa babaeng palaging dinadala sa putikan ang pangalan ng aking ina!

"Sabing hindi ka pwedeng pumasok! Huy!" Narinig kong may kaguluhan sa may pintuan. Ayaw ko sanang lingunin iyon dahil nasa harap ko si Mrs. Del Fierro ngunit narinig kong tinatawag ng isang pamilyar na boses ang aking pangalan.

"Sunny!" Sigaw ng boses lalaking paniguradong kilalang kilala ko.

Medyo napaawang ang bibig ko at nakalimutan kong nasa harap ko si Mrs. Del Fierro. Unti unti kong nilingon ang lalaki at nakita ko si Uncle na halos mapunit ang kulay dilaw na t-shirt dahil sa kakahila ng guard. Nakita ko rin ang pinsan kong si Patricia, maganda parin ngunit madungis.

Nanlaki ang mga mata ko. Parang tumigil ang mundo ko. Bakit sila nandito?

"Sino iyan?" Narinig kong sigaw ni Mrs. Del Fierro.

"Sunshine Aragon!" Sigaw ni Uncle.

Nanginig ang tuhod ko. Hindi ko alam kung bakit.

"Uncle..." Tawag ko habang hinihila siya ng mga lalaking empleyado.

"Ma'am, nakapasok sa building. Noong una pormal pa siya ngunit biglang nag wala. Lasing!" Anang isang security guard na gumagapos sa dalawang kamay ni Uncle.

"B-Bitiwan mo siya. Uncle ko siya." Sabi ko sa guard.

Napatingin ang guard sa akin. Lahat ng mga mata ay nasa amin ngayon. Nilingon ni Uncle ang guard at ang mga ugat sa kanyang noo at leeg ay halos lumabas na sa galit niya doon.

"Sabi ko na, e! Kapamilya kami ni Sunny!" Sigaw ni Patricia sa guard.

Nagulat ako. Buong buhay ko, ngayon ko lang narinig si Patricia na tumawag sa akin bilang kapamilya. Kahit nanginginig ang tuhod ko ay naglakad ako patungo sa kina uncle. Gusto kong bumaba kami ng building para mag usap ngunit diretso siyang nagsalita.

"Naospital ang auntie mo! Sakit sa baga! Kailangan namin ng gamot! Bente singko mil na ang utang namin sa ospital, Sunny." Naging maamo ang mukha ng uncle kong noon ay malupit sa akin.

Maging si Patricia ay nakita kong umiyak kahit na noon ay ako lang naman ang palaging pinaiiyak niya. Kumalabog ang puso ko at hindi ko alam kung ano ang gagawin ko!

Nakita kong tumingin si uncle sa akin mula ulo hanggang paa.

"Balita ko nakapag asawa ka raw ng mayaman! Tulungan mo kami!" Aniya sa nanginginig na boses.

Shit! Narinig ko ang pag halakhak ni Mrs. Del Fierro sa likod ko. Hindi ko na alam kung ano ang gagawin ko.

"Uncle!" Tawag ko, nanginginig na rin ang boses ko.

Nilingon ko si Mrs. Del Fierro sa kahihiyan at agad akong naglakad palayo. Sumunod si Uncle at Patricia sa akin habang panay ang puna sa lahat ng pagbabago sa akin.

"Mukha ka ng mayaman ngayon. Ikaw na ba ang may ari nitong building? Napasunod mo 'yong mga security guard, Sunny, a?" Ani Patricia at sinundan ako sa elevator.

Pumasok silang dalawa sa elevator. Pumikit ako at nakita kong nakatuon ang buong atensyon ni Uncle sa akin.

"Huy! Hindi mo ba ako sasagutin? Hindi ka ba naaawa sa Auntie mo?!" Sigaw ni Uncle sa loob ng elevator. Halos napapikit ako roon.

"Saang ospital ba, uncle?" Tanong ko. "Anong sakit niya?"

"Aba..." Nilapitan ako ni Uncle. Napaatras ako at amoy na amoy ko ang alak sa kanyang hininga. "Nagdududa ka kung nagsasabi ako ng totoo? Kala mo hinuhuthutan kita, ano? Hindi kita hahanapin para lang huthutan! Kailangan namin ng pera! Porke't mayaman ka na, nakalimutan mo na kung saang putik ka nanggaling, Sunny!" Sabi ni Uncle habang tinuturo ako.

Kumalabog ang puso ko sa takot.

"H-Hindi po ako mayaman-"

"Sinungaling! Dinig ko nag asawa ka ng mayaman, Sunny!" Sabi ni Patricia.

Lumingon si Uncle kay Patricia. Hindi ko maipagkakaila na hawig ang mag ama ngunit minana lang ni Patricia ang kutis ni Auntie at ang tangos ng ilong. Malaki ang mga mata ni Uncle at medyo payat dahil sa kakainom ay kakasigarilyo.

"Hindi ako nag asawa ng mayaman." Sabi ko.

"Talaga?" Sigaw ni Uncle at agad kinuha ang kamay ko. Nilakhan niya pa ang kanyang mata habang tinititigan ang malaking bato sa aking engagement ring. "Kung ganon, ano 'to? Mape-prenda natin 'to ah?" Sabi ni Uncle.

"Engaged pa kayo?" Tanong ni Patricia habang binabawi ko ang kamay ko kay Uncle at tinatago iyon sa likod ko. "Edi pakasalan mo na! Nang maging mayaman na tayo! Mabayaran na 'yong ospital ni mama!" Sigaw ni Patricia at tumunog ang elevator, hudyat na nasa lower ground na kami.

Lumabas ako ng elevator para makaalis sa pangungulong ni uncle sa akin ngunit hinila niya ako.

"Aba't ayaw mong tumulong, ha?" Aniya, hawak hawak ang kamay ko.

Halos mapamura ako sa takot na baka anong gawin niya sa akin.

"Tutulong ako, uncle! Tutulong ako!" Nagmamakaawa kong sinabi.

Nakita kong nag kuyom ang kanyang kamao. Hindi ko pa siya kailanman nakitang nanakit ng kahit sino ngunit ngayon ay hindi ko talaga maiwasan na mag isip na kaya niya nga akong saktan!

"Patricia, saang ospital ba si Auntie?" Tanong ko sa pinsan ko bago pa ako masuntok ng tiyuhin ko.

"May pambayad ka ba? O nakikiusyuso ka lang? Siguraduhin mong meron kang ipambabayad, Sunny. Malalagot ka sakin kung anong mangyari kay mama!" Ani Patricia at nagsimulang maglakad palabas ng parking lot.

Nakatitig si Uncle sa akin at itinapon niya ang kamay ko. Nanlaki ang mga mata niya at may pagbabanta sa kanyang mukha bago ako tinalikuran.