Aaj takiya bhi pura bheeg gya hai.
Itna kya asoon bahana.
Vajah to kisi ko na pta,
kisi aur ke liye bhi kya vo jhootha muskurana.

Choti-Choti siskiya lena,
takiye se moo chipana.
Awaaz to pehle hi kahi andar dab gyi thi,
roz sabse sab chipana.

Samjhne ke liye shayad honge loog kayi,
par apna mann kisi aur ke samne kyu hi jatana.
Mazaak aur jhoote dilase se kuch nhi hota,
man ki shanti ke liye kya zaroori hai kisi ko sab batana?!

"Apne liye, khud kaafi hai hum,"
esa bolke tassli dena chodh do.
Kisi aur se thodha to kehdo,
par unke jawaab ka hume zimmedar mat banana.

Aasoo behte rahe,
vo geela takiya gavah ban gya.
Par use kya pta tha,
yeh roz ka hi haal ban gya.

Baar-baar soch sochke,
karvatei badal badal ke,
raat to ese hi bita di.
Subah phir ek choti si hasi leke,
duniya ko khushi bas dikha di!

Batao bhai sabko apni takleefe,
sunne ke liye sab bekaraar hai.
Sunke, das baatei bhi to banani hai,
bina sharamsaar kare,
kisi ko neend thodhi aani hai!

Kabtak iss takiye mei, apne dil ka har malaal
bhigo longe,
Kabtak kanha se apni,
saari batei kehke ro longe.
Kabtak vo jhoothi hasi has longe,
Kabtak tum sab sahi hai kehke jii longe!