Ming diretso dayon ko sa balay nila Eros. Nanuktok kog taman og gamay na lang jud intawn mapukaw na nahu ang silingan nila pero wala jud intawn maski kalag ni Eros nagpatim-aw. 

Basin wala pa siya kauli? Pero asa man pod siya ming-adto oy? Sa Cabin nila?

Imposible pod kay katong minghapit kos tindahan og nanawag sa ilang linya kay wala daw siya ngadtua.

Ahu na pod siyang gitawagan ug balik. Ambot pangkapila na ni nahung missed call pero permi lang jud niya palungon. Wala ba gikalintura ang utok aning tawhana. Asa naman ni siya?

Hapit biya ni siya kaligis ganiha.

Ming-uli na lang sa ko sa balay kay mura man noon kog kalibangon sa kakuba. Ambot nganong perti jud nahung kubaa ron. Nagsagol na ang ahung konsensya og kakuba.

Gi-open nahu ang ahung facebook account og gi-chat nahu siya. Active siya 30 minutes ago. Og naka-my day pa ang buang.

Wait...

Gitutukan nahug maayo ang iyang my day. Sapatos lang niya ang makita og ang karatola nga ''bawal umihi rito." Asa kaha ni siya nagtambay og diha pa jud sa naay karatola.

Nanawag na ko nila Janes, Princess og Angel. Mga sweto biya ni sila biskan pa og sign board lang na mailhan jud nila kung asa dapita ng lugara. Daig pa nila si detective Conan.

"Burikat, kadaghan mang sign nga ingani diris kalibutan oy. Wala nay laing clue?" ana dayon si Janes, samtang nanghingiki. 

Gi-vedio call na nahu silang tanan kay kapoy na og type. Tapulan pod biya ni sila og chat og ganahan jud ni silag pwersahanay og baba

"Wala na jud. Mao ra jud na," reply nahu samtang nanudlay og gi-ready ahung jacket. Plano na jud nahu nga sugaton siya og wala lang ming ulan.

"Gi unsa man d i nimo?" tubag ni Angel samtang gagakugos na pod sa iyang fur baby.

"Kuan man gud. Okay raman me ganiha. Pero kalit lang og panawag si Wyatt ba og si Eros ang nakatubag."

"Wait, si Wyatt? Nganong nanawag man si Wyatt nimo?" alsa dayon ang dunggan ni Janes lagi.

Although wala jud sila kabalo sa tibook nga storya, kahibaw sila na si Wyatt ang hinungdan katong nagpa-abroad ko nga mura rag nangutot sa London. 

"Wala pod ko kahibaw kung ngano. I didn't even know nga naka-save pa iyang number!" I explained.

"Aw mao d i. Feel ko nag-selos na si Eros." Nakahunong ko sa giingon ni Princess. Mura jud kog kakatawaon. 

"Murag malabo jud na ba," I said. 

Klaro man gud kaayo nga kining tanan para niya is part lang sa contract. He's helping me and I helping him. I think he is returning the favor. Og usa pa, dili jud to sakto ahung gibuhat nga kalit lang og suko og gisinggitan pa nahu siya. Maybe I hurt his feelings.

"Manhid jud ka burikat," tubag ni Janes. "Awa lang gud oh. Kinsang matinong laki nga sayangan ang iyang 2 million pesos para lang mahalukan ka? Kashada nimo oy. Mahala ba gud sa imong halok. Made of gold ba na imong laway?" 

"You have a point, pero nakalimot ba mo nga patay na patay gihapon siya sa iyang ex? Remember? Maybe he is doing this for the sake of our contract og iya ra jud gi-career. Di ba?" rason nahu.

Nanghilom silang tulo. Gichika man gud nahu ang katong nahitabo nganong nahilantan si Eros. Obvious kaayo sa iyang lihok nga Loraine gihapon. 

Samtang ako? Aw puyo sa lamang ta samtang nag-agoy agoy na sa kasakit.

"Unsa may plano nimo ron, kanang tinood? Okay pa ba ta dihang dapita?" Princess ask. "Kay sa imong giakto, mura man ka og in love na in love ni Eros?"

I bit my lips. "Naglibog pod ko sa ahung gibati."

Nakapanapo na lang jod sila sa ilang agtang.

 "Ahung ikatambag nimo, Sira no. Undangi na ng inyong bisyo. Karon pa lang gani nasakitan na ka og taman, what more kung tinod-anay na jud? Remember both of you wala pa nahuman og higugma sa mga taw nga mingbiya ninyo. Lisod musulod sa gugma nga kahibaw ka nga panandalian lang. Maong karon pa lang, samtang sayo pa undangi na na ninyo. Kaysa sa uwahi magkasakitay ra mo."

Wala ko katubag sa gi ingon ni Princess. Arang igua nahu sa iyang giingon, og biskan unsaon nahug likay dili jud nahu malikayan ang kamatooran nga kining tanan namong gibuhat ni Eros kay bunga ra ni sa among kasakit nga nangita og panandaliang aliw. Biskan pa og ideny pa nato na, musinga jud lagi ang kamatooran.

Wala jud ko katulog atong gabiona nga sige og hunahuna sa giingon ni Princess. Tinood man nga panandalian lang ning amoa. Although the feeling is surreal but somehow they mislead us to what the situation is actually stating.

What if this feelings manipulate our weaknesses?

Mingtan-aw kos orasan. Alas tres na sa kadlawon og wala gihapon ko kabati sa motor ni Eros. Murag wala jud siya ming-uli kusog pa raba jud og dugdog og kilat sa gawas.

Gikuha nahu ang ahung cellphone og nag-log in na pod sa ahung account. Gi scroll nahu og taman ang ahung news feed hangtud sa kalit lang og pop ang message ni Eros. Dali-dali gud kog bakod sa ahung higdaanan og gibasa ang iyang mensahe.

Gitawagan dayon siya nahu og natinga na lang ko nga naay may ming ring sa gawas sa balay. Hinay-hinay kog adto sa sala og minglili sa pirtahan. 

Mura jud og muluwa ahung mata na makita si Eros nga nanigarilyo. Baho kaayo ang buga sa usok, maong nanabon kos ahung ilong. 

"Hey, mata pa ka?"

Wala ko mingtubag og giablihan nahu ang pertahan. 

Murag gi expect niya nga mahitabo ni maong wala na jud noon kurat sa iyang dagway. Ming tindog siya og iyang gipalong ang upos niyang sigarlyo. Tan-aw kos salog namo sa biranda nga nabulit na og upos sa sigarilyo. Mura naman tawn ni siyag dayungan.

"What are you doing here?" I frowned.

Mingtan-aw lang siya nahu. Iyang mata kay halata kaayong kapoy nga katugon. Mura man noon siyag kalit na-hagard. 

Wala siya mingtubag instead nagkuha lang siya og laing sigarilyo sa usa ka kaha.

Ahu dayon gilunggob ang iyang sigarilyo og gilabog sa gawas. Kalit lang og huros ang hangin og kilat pay imo nga mura na jud noon namingtsur. 

Tan-aw kos iyang nawng, og ang iyang panga kalit ra jud napwersa. Mura siyag nagpugong sa iyang kalagot, kasuko og kahadlok.

"Sulod diri." Ahung giabrihan ang pertahan pero kalit lang siyag gakos nahu og nagbakho nga mura bitaw og bata? 

Didto ra jud ko kita nga laki nga perting bakho sa ahung atubangan, dili ra pod sa ahung atubangan kundi sa ahung abaga jud mismo.

"Naunsa man ka oy?" Nabalaka na jud ko niya kay basin kalit lang ni siya pungahon og mautas. Wala pa raba ron mga salakyan.

"Sorry, Sira."

"Ha?"

Sige lang siya og pangayo og sorry, wala jud intawn koy alamag ngano, nga dapat ako unta ni ang mangayo og pasaylo niya kay bastos kaayo ahung gipakita gahapon.

"I shouldn't have do that to you. I should have ask you first. Please ayaw lang sa i-undang atong kontrata."

Giukang nahu ang tabon sa ahung ilong og nakapiyong jud ko sa kabaho sa tuba og red horse nagsagol sa iyang baba. Karon ra pod ko kabantay.

"You're drunk?"

"Kadungog kos inyong isturya ganiha." Mingtan-aw siya nahu og grabe na jud kakapoy og samot iyang mata tungod sa iyang mga luha.

"Nakadungog ka ato?" Nangunot ahung agtang. Kung kadungog siya ato, that mean dugay na siya nga nagpungko sa salog diri sa biranda?

Kalit lang pod ko kahinomdom sa iyang my day. Shuta! Ayaw ko ingna nga naa ra siya sa tungod sa among balay the whole time? Naa man gud koy gibutang sa gawas na "Bawat umihi rito." 

Atay nganong wala pod ko kahuna-huna ato?

"Ayaw sa i-undang atong kontrata, please."

"Ros, dili pwede. Kining atong gibuhat karon. Dili ni sya sakto."

"Sakto ni, Sira. Sakto ni tanan, pati ahung gibati nimo."

Nakahunong ko sa iyang giingon. "Unsa imong giingon? Unsay imong gibati?"

Mingtan-aw siya sa ahung mga mata. "Sira, mali ba na mahigugma ko nimo?"

Mura jud kog nakuhaan og lifespan sa iyang pangutana. Did he really mean that? or he was just  drunk?

"You are not in love with me, Eros. Hubog ra ka!"

Mingtulo na pod iyang luha. Iyang mata puno kaayo og kasakit. 

"I wish that I am not in love with you. But, I am. I don't know when it was started but all I know is it's too late for me to stop this Sira. I can't fucking take you out of my mind even just one second. Lagbas hangtod langit ahung selos whenever I saw you smiling with other just like how you smile at me." Iyang gigunitan ahung duha ka abaga. "What did you do to me? Tell me!"

Gipahiran nahu iyang luha. Nakahilak pod ko sa iyang giingon. Wala ko katoo nga sa among pag-uban ingana na kalawom iyang na-feel nahu. Dili pod ko mutoo nga bakak ni, kay ingon sila only alcohol can tell what they truly feel. Mao biya ng daghang manghilak kay gimingaw sa ilang ex, naa pay uban magdrunk text pa og mukalit lang og confess. 

Nakapiyong na lang ko samtang gahilak pod. He loves me!

Kalit na lang mingdampi iyang labi sa ahu. It was gentle, it was pure and addicted.

"Please say you love me too, Sira. I'm begging you."

Ahu siyang gisunggaban og halok. I snake my arms around his neck para palawmon pa ang halok namong duha. MIngbalos pod siya maong mingbuwag sa ko karijot. "Eros...I love you too," I replied between our lips.