"Ha? Nabuang na ka?"

Gibitad nahu ang patilya sa buang kay kusoga kaayo ang tingog. Hinay-hinay gani ko og hutik niya para dili mabulabog ang mga katawhan, unya siya?

Kulang na lang jud muogom siyag microphone. Basin lagi gusto niya palapason sa langit ang iyang tingog na kanang makadungog tanang santos.

Nanan-aw among mga ka-blockmates og nahibong ngayong naghutik-hutikay me diri ni Eros sa likod. Wala pa may maestra maong lami kaayog tambay sa panuway diris likod samtang nagtan-aw og bold. Ew!

Ang mga barkada ni Eros dako na og ngisi sa dihang nakita nila nga ahung giayo-ayog panumbag ang ilang amego. Gipatan-aw ba naman kos iyang gitan-aw na dili maayo? Wala juy buot biskan unsaon ning lakiha.

"Hoy, naghinapakay naman mo dihaa?"

"Nah, diha ra ba nagsugod ahung lola og lolo."

"One slap, one kiss!"

"Looda sa atong love birds oy!"

Sugod na silag kanchaw nga mura jod og naay rally sa sulod. Kini pod si Eros, wala ray pake. Pero iyang mga panuway na mga barkada ara nanghilasa sa mga dagway og ila jod kog ayo-ayog sunlog sa ilang amego.

Dili jod sila muundang og mingsamot na jod noon ilang pagshagit-shagit og pasungog-sungog namo. Ang uban pod namong mga klasmet kay ming-apil na pod.

"Kabantay na jod ko ani nila ba. Gunad pa jod ni sila pagka-elementary ba!"

"Nah! The more you hate the more you love raba!"

Gibitan nahu si Eros kay ako naman nooy naulaw nila og mura na kog mabungog. Naa biya tay mga admirer diri sa room. Basin unya muhunong sila. Aw, dili na jod ta ani ka-libri og tubleron.

"Aray! Aray!" Nagkintid-kintid jod siya hanggtod sa nakaabot me sa exit dapit.

"Way boot," ana ko niya sa dihang gibuy an na nahu iyang patilya og nakagawas na sa among room na aslom kaayo. Labaw pay sinigang.

Unsa man ni among mga blockmates oi. Nangdagko naraman mura man og wala kaila deodorant. Dili porque mga architectures, dili na jud noon mangaligo og magbutang pang-ilok. Panindigan na jod nila ang mga way ligo.

"Pisti. Sakita ato oy! Unsay may problema nimo?"

"Ikaw. Ikaw ahung problema. Ang global warming. Ang mga ugawan na nagsige rag chula sa likod sa room og nganong taas pa jod kaayo ang bugas karon?" Mingginhawa ko.

"Giatay kaman kaha." Iritado niyang ingon.

"Ug usa pod na imong kabuang inday Lucifera. Dili ko musugot oi. Bahala jud pod og di na ko makauyab." Gitan-aw pa ko niya from head to toe og ni ingon. "Og ikaw man lang gani akong mauyab, porya palayo lang. Maayo pa og nagpiloto na lang kog lobi, puslan pa." Pakapinan pa niyag taas-taas kuno sa kilay.

"Feelingira jud sa buang. Nagtoo d i pod ka na ganahan ko mo approach nimo? Hilasa sa dagway nimo oy. Dili man gani ka manglugod sa imong buling sa liog. Yuck!"

"Atay maninood man ka, Inday Sira oi. Pasabta daw ko bi nganong kinahanglan ko nimong kontratahon para sa imong kabuang?" Nanghinokbo pa siya samtang gataas ang kilay.

Actually, since elementary klasmet me ani ni Eros. Gwapo ni siya, hawod kaayo og barog, niya datuon ang skin kay ang permi niya i recommend nahu ang iyang kojek na tag-50 pesos lagi. Pero wa ko nagpa-scam oi. Daot na jud. Puti og luspad na gani ning ahung agi pagamiton pa ko niya og kojek nga tag-50? Basin unya mutagos na kos pader ana. Grabe pod ni siya mudala og isturya kay makapaporyagaba naraman jud kag ahat.

"Kay di ba, ning ingon ka sa imong mama na naka-move on na ka ni Lorain? Ayaw ko ilara kay kita ko ninyo gahapon. Gipakang pa man gani ka og kabo." Nakatawa ko's akong giingon kay halata kaayo sa iyang dagway ang dili katoo.

Tupad me aning balay og biskan kanus-a wa jud koy paki og mag-ahum ahum siya taman sa iyang ginhawa. Nakadungog ra ko atong gahapon kay nanghayhay kos akong panty nga dinug-an, timing pod nga nagstorya siya sa iyang mama. Wala pod to nahu tuyua oy.

"Kajat ning bataa, sige ra d i kag paminaw namo no? Sige pod siguro kag tan-aw og mag-lolo ko sa akong kwarto?"

Wa jud lagi nabulis. Puryagaba jud. Kining baba sa buang kalami inudnod sa kanal.

"Hilasa oi. FYI biskan katiting wa jud ka napasok sa akong standard-"

"Asos, standard. Mura pod kag gwapa. Undang na ana imong basa-basa og wattpad oi. Taas-taas og standar putot man gihapon." Nanghinukbo siya og mingsandig sa pader.

"Suya lang ka." Kalami jud ning tawhana panumbagon. Murag mali jud na siya akong gi-approach. Mangita na lang kog lain oy. Wa man ni pulos akong kaestorya.

"Sige na oy, og dili ka ganahan, sig pamugos ko mura pod kag gwapo." Sigipatan nahu siya pinaurok. "Basta ang ako lang ba, concern ra pod ko sa imong mama nga nag-expect nga naa kay madala this weekend."

Gi-flip pa nahu akong hair kay syempre, wala na tay kuto og lusa tungod sa bag-ong rebond natong buhok.

Makasulat pa man gihapon ko biskan walay experience og walay uyab. Natungas gani nahu ang pito ka novel na walay experience. Kaya ra ni nimo, Lucifera! Mekus-mekus lang!

Ming balik ko sa akong table og nag-utok-utok. Samtang gatan-aw kos mga plate nga wala pa nahuman ming duol nis Tantan. Christian ni iyang ngalan pero ang dagway, dili na lang ko mag-talk—char. Gwapo pod ni siya oy, unya humot kaayo. Dili parehas sa uban nahung mga klasmet. Kaso dili jud makaon sa iro ang iyang batasan. Labaw pay nasudlan iyang utok og kagang.

"Unsa naman pod?" Ming taas dayon akong kilay.

"Kamaldita jud. Salig kay gwapa," ana siya dayon og gipasibog pa kos akong lingkuranan.

"Samuka nimo oy, naa biya kay lingkuranan ngadtua oh-"

"Oa kaayo ba. Sibog sa bi gamay!"

"Ikaw maoy oa dihaa. Naa kay lingkuranan. Musuksok pa jod diria. Papansin!"

"Paghilom sa gud, Sira. Mali mali man ni imong plato oy." Mura korek ang labad.

Minglugat dayon akong mata og dali-daling gitan-aw ahung mga plate na wala nahu katugi gabie. Bright kaayo nis Tan tan, sa sobra ka bright mura na kag mabuta. Pero wala jod koy nakita na mali sa ahung mga gihimo.

"Desisyon ka? Sakto ra jud na." Mingsipat ko niya pero ang buang gitudlo pa akong plates og nanawag pa sa iyang mga barkada.

"Kini siya oh. Naunsa man ni? Mura man nig grade 1. Payter pa man ahung grade 3 na ig-igaw ani." Mingkatawa pa ang buang. Hinawayon jod sa buang.

"Aw mao ba? Tani siya na lang imong gipa-drawing sa imong plate. Mas payter pa man to kaysa sa imoha." Ana jod, di jod ta palupig.

"Agoy bai, na strike one man kas imong my love so sweet and everything." Sungog sa uban nahung klasmet.

"Mao nay gusto nahu ba, palaban." Mingkidhat pa siya santang nag-ayo sa iyan buhok.

"Sorry pero, di lagi ko nimo."

"AAAGOOOY NA STRIKE TWO NA POD ATONG AMEGO. WA NA, NAA NA POD NI MANGHAGAD UNYAG EMPI!!!"

Kalit ming duol si Eros na naghamoy-hamoy na og lollipop. Sure jud ko nga stress na kaayo ni siya. Basta naa na nay hamoy-hamoy alams na. Saba kaayo nila, og si Tan-Tan dili jod magpapildi.

"Bai, awa ning plato ni Sira bai. Murag grade 1 ang dinrowingan." Ming agbay pa si Tan-Tan kay Eros nga halata kaayo nga wala sa animo.

Mingdungaw pa siya sa akong plate og ming ngisi. Kakulba ba aning iyang nginisi-an, mura man og high.

"Kanindot ra og plate sa ahung uyab."

Mura jod og gibombahan ahung kaspa sa iyang gi-address nahu. Makapang-atay raman pod ta. Tanan me nanghunong sa iyang gi ingon. Ang mga gahamoy-hamoy og lips sa kilid, og ang mga gagitikay na mga laki kay wala katoo sa iyang gi ingon.

Ang baba ni Tan-Tan mura na jod masandyan sa salog. Og ang iyang mga barkada nanghilom.

Nindot man d i paminawon ang "ahung uyab." Hunahuna nahu.

Hala, pasabot ba ani, sugot na siya?

Gipabarog ko niya og hasta jod nahung pangbugnaw. Ming-akbay sa siya nahu og mingkidhat.

Feeling nahu nay something sa ahung tiyan. Ang kana bitawng gitawag nilang butterfly sa stomach? Giatay tinood jod d i na. Mura jod kog kadanganon, nga kalibangon, nga unsa ba oy. Nangurog ahung mga kalamnan sa di nahu masabtan.

Ming balik na pod ba ahung kalintura?

Hinay-hinay nahug butang ahung kamot sa agtang pero ang buang iya naman noong gikuha og gigunitan.

"Guys, let me confirm to all of you, na kining way ligo og sip-onon na si Sira is my girlfriend. Kapoy na kaayog selos. Dili uso ang soft-launch ron." Mingtan-aw siya ni Tan-Tan og mingsipat.

Ang iyang kamot mura jod og gisudlan sa pito ka yawa kay kalit rag naog sa ahung hawak og gibira ko paingon pa niya.

Mingtan-aw ko niya og siya pod nagtan-aw na d i nahu. The way he look at everyone and confirm the lies, mura jod og pang-wattpad.

Gilugatan nahu siyag mata para tangtangon iyang kamot sa ahung hawak, bag o pa magtagasak ang dugo diri sa room. Nakapamilok siya og tulo ka sunod-sunod, bag-o giukang ang iyang hamoy-hamoy na lollipop og gipakaon nahu.

Mura na jod kog mubuto. Feel nahu muhawa na ahung kalag sa sobra kabuang ning tawhana.

Gihawiran niya ang ahung kamot og gibitad pagawas. Ang ahung mga klasmet grabe kaayog pangshagit.

Mingtan-aw ko ni Eros. Dili jod ko katoo nga mupasar ni siya sa standard. Wala pod ko ka-expect nga ing-anto d i siya mag-hard launch. Mura man pod og mubalik ahung kalintura sa iyang gibuhat. Giatay na jod.

Ang dagway sa buang dili na madrawing og ang iyang kilay nagsugpong na. Mura jud og kapre ning kagwang kay kusog kaayo mulakaw, mura man og kanunay naay deadline.

"Tay sa bi." Mura na kog mamatay sa kakapoy.

Murag wala jud ni siya na inform ba na pwede me mugamit og elevator. Giponga na kaayo ko og nangurog na pod ni akong bagtak.

"1 month," ana siya.

"Ha?" gipokpok nahu akong dughan kay mura na jud ko malipong.

"I'll give you 1 month to be my fake girlfriend. Og after ana, pahawa na sa akong panan-aw. Ayaw na ko duola, ayaw na ko samuka, og mahimo balhin og laing school." Iyang gikuha sa ahung baba ang lollipop niyang gihatag ganiha.

Mingsamot og panginit ahung dagway kay ang amaw, wala na aware nga lood kaayo iyang gibuhat. Pero in fairness, lami ang lollipop gikan sa iyang baba.

Medyo na-hurt ko sa iyang katapusan na gi ingon. Kahibaw ko na harsh kaayo ni siya og baba og dili jud kapugngan kung unsay naas iyang utok. Pero lahi man karon kay mura man og tagos sa bukog ang iyang giingon.

Sure na ba ni siya?

One month? Dali lang na ligiron. Mingisi ko niya.

"Deal." Ahung gi-extend ahung kamot. Mura jud siya dili katoo nga mingsugot ko sa iyang kondisyon.

"Here." Giabot niya ang iyang cellphone.

"Para asa ni? Okay pa man akong cellphone," inform nako niya. Biskan pa og gubaon na to og daghana na kaayong liki, makaya pa man to.

"Kan-a. Mabusog jud ka ana. Piling kaayo ka no?" Grabe jod kagamay og pasensya aning tawhana.

Unsaon lagi pod na nahu iyang selpon nga puno og scandal.

"Ambi imong selpon bi. Ako na lang save sa ahung number. Bogoa kaayo."

Gituplok-tuplok na niya iyang number sa akong selpon sa dihang kalit lang ming-pop ang message ni Janes. Mingluwa dayon ahung mata. Ahu na untang ilogon ang ahung selpon pero iyang gipalayo nahu og nagduro og katawa sa message ni Janes.

Gi-atay na!

"Hoy, burikat. Diay hardcore na p**n oh!"

"Newly arrive kaayo ni siya ingon si Angel."

Grabe na kaayo kapula akong aping sa kaulaw. Pisti kaayo ni sila oy!

"Atay mutan-aw d i ka ana, Inday Sira?" Iya nang gibalik ahung selpon pero akong dignidad nag-unauna na og adtos lungon.

"As a writer, need nahu na," ana nako niya og ming-katawa na pod siya.

"Aroy, what a revelation. You wrote an erotic novel and you rely your feeling sa mga videos? That's awful," he said with British accent.

Yes, people naa ni siyay dugo nga wala nato og wala pod nimo. Anak ni siya sa pure British og ang step-mom ra niya na si Tita Latte nagpadako niya katong namatay iyang nanay pagpanganak niya, pero mama man iyang tawag kay ante.  Taas kaayo ni siyag history sa iyang kinabuhi. Pero unsa may pake nato di ba?

"Ayaw daw ko gamiti anang imong British accent bi. Pisti ka man kaha. Pagbisaya dihaa." Makasapot jud ning tawhana.

Mingkatawa siya. "Padili-dili pa kag tan-aw sa ahung cellphone kay naay scandal, mutan-aw man d i ka."

Ahung gisuksok sa bulsa ahung selpon. Atay uwawa oy! Kini pod lagi ahung mga amega. Di man kasabot na di na lagi ko ana. Tintalon gihapon ta.

"Mao gani ako kang gikontrata nga mahimo nahung fake lover kay aron maka-experience ko---"

"Whooah! hold on. Maka-experience ka? Like atong pareha sa gi-send sa imong amega nga video? Nabuang na ka? Dili ko magsayang-sayang og sperm oi." Hiwi jud lagi ni iyang dagway, wala pa gani ko kahuman.

Mingginhawa kog lalom. "What I'm trying to say is, maka-experience ko og uyab-uyab dili kay kanang imong gihunahuna. Wa ba nangilo na imong utok? Eww. Dili pod nahu sayangon akong precious gift nimo oy, unsa ka gold?" Ming talikod na ko niya kay ma-late pa me aning iyang kalaki.

Nakurat ko sa dihang iyang gigunitan akong kamot og nakigpanon nahu og lakaw. Grabe kahumok sa iyang kamot, og kahumot sa iyang perfume.

"Make sure na gwapo ko sa imong story."

"For what? Kahibaw ko nga dili ka magbasa og novel." Mingsipat ko niya.

"Sakto ka, pero for the record. You're an exception," he said, softly chuckles.

Minghiwi ahung nawong. Giatay. Asa man ni niya nakuha ning mga panultion nga ingani? 'nimal.

Samtang naa sa corridor, nagsabot na me dayon sa among callsign og uban pa na pwede namo ihatag sa mga tao. Nag-provide na pod me og 5 conditions each og kulang na lang isulat to sa among contract para mahimong valid.

Gatan-aw ko sa among kamot. Ingani jud d i kung naa kay kaholding hands nga laki? It feels weird, warmth and can make your heartbeat tangled every beat--- Wait, unsay tangled every beat?

Boshet man kaha ko. Para nis novel!