It was the first day of second semester. When I reached the college, I came to know that my friends didn't come to college even after promising to come.

Arey bhai college nahi ana tha to bol dete, mai bhi nahi ata. Jhoot bolne ki kya zaroorat thi??

No matter how much rush in your college is, you will definitely feel alone if your friends do not come up.
Ghar vapas bhi nahi jaa sakta tha. Fir Mummy, Daddy ko bolegi "Ye nawab aaj bhi college se bhag ke aa gaya, padhai likhai me to janab ka man nahi lagta."

Kabhi ek taraf kooan or doosri taraf khaai dekhi to nahi thi. But us roz vo bat bhi samajh aa gai thi. Man hi man friends ko khoob sari gaaliyan dete hue chehra gusse me laal ho gaya tha.

*****

"Tum class me nahi gaye? Bata sakte ho class kis room me hai?"
Dhoop me tap'ti ret par sukoon bhari barish ki tandi boondo si us avaz me kisi ne mujse poochha.

Vo Shobha thi. Class ki sabse khoobsurat ladki.
Aisa sab bolte the. Seniors tak deewane the uske.

"Koi aya kahan hai aaj. Mai akela class me ja ke kya krunga. Aur class kis room me hai ye to mujhe bhi nahi pata."
Maine kaha.

"Mere bhi friends aj college nahi aae. Canteen chaloge? Shayad vahan koi classmate mil jaye, usi se pooch lenge class kis room me hai." Shobha ne poocha.

Mai department ka vice President tha. Classes ka new schedule, room numbers ke sath mere phone me save tha. Agar shobha ko ye bata deta to poora din college ke kisi kone me sadta rehta.

"Theek hai, chalo!" Maine kaha aur hum dono canteen ki taraf chal diye.
Kismat ko kuch aur hi manzoor tha, canteen me bhi koi nahi tha. Maine 2 coffee order ki aur hum canteen me hi baith gae.
Us din hum sham tak ek doosre ke sath rahe aur apne apne friends jo jee bhar koste rahe.

Kuch dino tak yahi sil-sila hamari zindagi ka hissa bana raha. Hamare pyare friends college nahi ate aur hum apna din ek doosre ke sath guzaarte. Chand dino me hi hum ache dost ban gaye. Ek doosre ke bare me itna kuch jaan gaye the, itna to apne friends ke bare me bhi nahi jante the. Ab to shayad ek doosre ki adat si banne lage the. Ghar jane ke bad bhi mai Shobha ke bare me hi sochta rehta. Agli subha usse milne milne ke liye bechain rehta. Yahi haal Shobha ka bhi tha.Vo dost jinhe hum college nahi ane ki vajh se koste the, ab dua karte the ke vo college aae hi na aur hum yun hi roj milte rhe.

Shayad
college ka ye akelapan hame kareeb le aya tha...

*****

Bas itni si thi ye kahani

Close your eyes and enjoy the song

https://www.youtube.com/watch?v=goW_doaaf50