Professor Awasti lagatar chillaye jaa rahe hai samne khade Professor Rastogi pe jo chup chap khade hai, jaane kyun! Aise toh koi kuch bol bhi de unhe toh wo bakerah khada kar dete hai lekin aaj itni dant padd rahi hai unhe aur wo chup hai. 

Ruhana ko ki darwaje pe khadi hai usse ascharya ho raha hai ye dekh ke lekin kuch samajh nahi aa raha hai kyunki professor sidhe sidhe kuch bol nahi rahe hai ki akhir hua kya hai. 

"Arey, aap bhoot banke kyun khade hai Rastogi jii, jawab dijiye mujhe.. Kaise hua ye?" Professor Awasti chillaye, Professor Rastogi ko ghoorte hue 

"mujhe nahi malum Awasti ji ye kaise hue, main bhi hairan hoon ye dekh ke" Professor Rastogi ne apni chuppi todte hue kaha.

Abhi tak bhi Ruhana ke palle kuch na pada tha ki ho kya raha hai 

Professor Awasti  unke hatho mei jo papers the wo Professor Rastogi ki aur phekte hue chillate "aise kaise aapko nahi pata hai, dekhiye ye sab.. Jo students kabhi college hi nahi aaye un sab ke attendance laage hue hai, aise kaise hua ye.. Attendance ki zimmedari aapki hai na fir ye kya hai" Professor Awasti chillaye, Professor Rastogi ke muh pe fir tala laag gaya. Iss se ye baat toh saaf thi ki unhe pata hai ye kand hua kaise hai lekin wo bata nahi rahe, saath hi ye galti karne wala ya toh wo khud hai ya koi jaan pehchan. Kyunki agar Professor Rastogi ki galti na hoti toh aab tak toh wo Professor Awasti ko kha hi chuke hote unse aise baat karne ke liye. 

Saari baat aab Ruhana ke samajh mei aa gayi, lekin aab iss duvidah mei fash gayi ki Professor Awasti se kuch puche toh kaise wo toh itne bhadke hue hai, pehli baar Ruhana ne unhe itne gusse mei dekha hai. Lekin puchna toh padega hi nahi toh project ka kya hoga upar se kal Sunday hai matlab college ki chutti rahegi aur padso project jama karna hai. Aab puchna toh padega hi unko. 

Lekin filhal toh Professor Awasti aab tak baras rahe the par jaise hi unki nazar Ruhana pe padi unke muh pe tala laag gaya aab jahir si baat hai wo student ke samne thodi dusre Professor ko dant sakte the. 

Lambi si sans bharte hue Professor Awasti ne Ruhana se pucha "tum yahan? Koi kaam hai?" sidhe point ki baat puch li Professor ne 

"Professor mujhe project se related kuch questions puchne the" Ruhana ne bhi point to point jawab diya. Abhi wo fatafat apne sawalon ke jawab le yahan se nikalna chahti thi kyunki unhe dono professors ki ladai nahi dekhni thi. 

Pehle toh Professor Awasti ne unhe ghura jaise ki koi gunah kar diya hai unhone wahan aa ke lekin fir bole "kya puchna hai pucho" 

Ruhana ne lambi sans li, sukar hai Professor bhadke nahi. Jhat se apni notebook nikal sawal dikha diye Professor ko. Sawalon ko aache se dekh Professor ne unhe aache se samjha diya ki karna kya hai aur saath mei ye bhi ki wo kissi ko na dikhaye apne project, Apni saheli Sikha ko bhi nahi. Professor Awasti ne ye bhi kaha ki agar Ruhana ka project unki saheli ya kissi se milta julta raha toh wo marks kat lenge. Aur Professor ke aisa kehne ka ek hi karaan tha, aab tak koi student unse kuch puchne nahi aaya tha eklauti Ruhana hi aai hai. Saath hi Professor ko ye bhi pata hai ki madad karne mei wo piche na hategi lekin wo naa chahte hai ki ye ho. Wo nahi chahte ki unki mehnat ka faida koi aur uthaye issliye unhone pehle hi Ruhana ko cheta diya. Ruhana ne bhi unhe tassali de di ki wo na batayengi kissi ko kuch. 

Aab apne sawalon ke jawab toh mil gaye the Ruhana ko toh unke wahan rukne ka koi tuk na tha aab. Apne notebook ko bag mei ghusaya aur nikal gayi Ruhana staff room se. 

Unhone ghari mei time dekha teen bajke pachas minute ho rahe the, das minute mei toh college aab college bhi chutti ho jaayegi. Ruhana ko pata hai aab class mei jaa ke kuch nahi hoga, sab pehle hi jaa chuke honge toh unke wahan jaane ka koi faida nahi. Aab unhe sidhe apne ghar jaana chahiye. 

Ruhana badhne lagi ye sochte hue ki attendance ke saath chedkhani aakhir kisne ki aur Professor Rastogi kyun chup hai, jahan tak wo unhe janti hai Rastogi Sir bahut hi imandar hai fir itni badi galti kaise hui. Ye saari baatein unke deemag mei gola ban ghoom rahi thi ki tabhi unka dhyan notice board ki aur gaya. Jo drishya unhone dekha wo dekh ke wo bhauchakki si reh gayi.. 

College ke staff ka ek aadmi dono ladke ki tasveer ko phad ke nikal rahe hai, aab ye kyun ho raha tha? Aaj hi toh lagaya gaya hai unn tasveeron ko aur aaj hi nikal bhi rahe hai wo bhi iss tarah se. Fir unka dhyan gaya hi wo unki tasveer toh nahi nikal rahe hai fir ladko ki kyun? 

Aab toh puchna hi padega. Jhat se Ruhana unke pass jaa pahuchi, 

"aap ye photos kyun nikal rahe hai. Aaj hi toh laagaye hai fir kyun hata rahe hai" Ruhana ne pucha, 

Staff ne unki aur dekha fir unki laggi tasveer ko, "Tumhara naam, Ruhana Mishra hi hai na ya tumne bhi inn do launde ki tarah dusre ki photo nikal ke apni laga li" staff ne aankhe tirchi karte hue pucha. Ruhana shock si reh gayi, 

"nahi mera naam Ruhana hi hai.. Kya ye dono second aur third nahi aaye hai" Ruhana ko yakeen na ho raha tha ye dono ne aisi harkat ki hai. 

"second third chodo, dono pass hi nahi hue hai.. 4 mahine se toh college hi nahi aaye hai nalayak" Ye kehte hue staff wahan se chale gaye, lekin Ruhana toh jaise dusri hi duniya mei chali gayi.. 

Itne bade dhokhebaaz hai dono?? 

Toh kya raste pe wo bas usse dekh badi badi baatein bana rahe the? 

….. 

Aage kya hoga jaane ke liye banne rahiye hamare saath 

Milte hai agle adhyay mei..