Rastogi ji ko jaise taise chakma de dono ghar se bhag aaye bahar, khud pe bahut garv mehsus kar rahe the dono ki Rastogi ji ke samne se padhai chod bhagne mei kamyab ho gaye wo, chehre pe jung jiti muskan liye pahuch gaye dono Birju ki dukan pe jisne dono ko dekhte hi muh bana diya. 

"kya hua rey Birju. Humko dekh ke aisi sakal kyun bana raha hai tu" Karan ne pucha jab usne dekha ki Birju muh bana raha hai. Vineet ne bhi uski aur dekha, 

"toh aur kya kare!! Aarti utare dono ki hum, haan?? Kaun sa teer maar aaye ho jo padma shree de dono ko" tevra bhau se Birju ne jawab diya. 

"Abey ho kya gaya hai tujhe. Kal chacha ki maar ka asar sar pe ho gaya hai kya" Vineet ne bhauwe (eyebrows) uchkate hue pucha.

Vineet ki ye baat sunke Birju baukhlaya, "yaad na dilao kal ki. Tum dono ki wajah se humko itni maar padi hai. Arey jab khud maar kha hi rahe the toh humra naam lene ki kya jaroorat thi.. Babuji ne itna maara aur aisi aisi jagah maara ki humko toh dikh bhi na raha hai kitne nishan hai. Sharm na aai dono ko hamara naam lete hue "Birju barsa dono pe.

Birju ki baatein sunke Karan ka para chadh gaya," ooh!! Toh tu kya chahta hai? Hum akele akele chacha ki maar khate aur tu maje karta. Hum toh tera naam lete bhi nahi agar tera baap bich mei na kudta aur agar tu humei bachane aata lekin nahi tu chhup ke baitha raha aur tera baap baithe baithe hamari azadi ka license cancel kar raha tha. Uss time jo sahi laga wo kar diya humne "Karan Birju pe tamka, Vineet ne usse shant kiya. 

Karan ko khud pe barasta dekh Birju ko aur gussa aaya," hum bachane aate dono ko toh abhi kya maar padi hai, padti toh tab jab hum dono ke liye kuch bolte. Aur hum bole bhi kyun, dono gaye the hamari setting karwane lekin maar khilwa diya huhhhh" muh banate hue Birju bola aur andar chala gaya kyunki ek grahak ne uss se kuch manga toh wo wahi laane gaya. 

Vineet aur Karan chup ho gaye, kyunki wo kissi aur ke samne apni izzat na gawana chahte the lekin wo grahak dono ko dekh mund mund muska raha tha jo Vineet ne dekh liya, 

"humein dekh ke kyun hansi aa rahi hai bey tujhe" uska collar pakadte hue Vineet ne pucha. 

Wo aadmi hansne laga aur bola, "aap dono ko hi kutte ki tarah Sharma ji kal maar rahe the na" 

Uski ye baat sunke Karan, Vineet aur Birju ka khoon khaula. Uss Aadmi ne namak ka packet manga tha, Birju ne wo packet uske sar pe phad diya, Vineet ne usse collar pakad ke jhulaya aur Karan ne uske baal noch noch ke maara. Bechare ki durgati ho gayi, maar peet ke namak ka packet de bhaga diya usse. 

"dekh lo, ee kiya chacha ne dono ki izzat ka. Pure mohalle ne dekha kal dono ka ye karyakram maje leke aur fir hamara. Aab toh koi ladki patne se rahi, har jagah ye baat failne mei der na lagegi" Birju dono se bolta hai 

"Abey chup, ye koi itni bhi sansani khabar nahi hai ki ladkiyan yaad rakhe. Do - char din mei bhool jaayengi saari baatein, unke pass aur bhi kaam hota hai" Vineet muskate hue bola. 

Birju ne muh banaya, "wo tum kar loge bhaiya, hamara kuch na ho sakta. Kal gaye bhi toh dono maar khate khate wapas aaye" 

Vineet, Birju ke kandhe pe haath rakh bolta hai, "dekh, kal hi wo ladki mil jaati aur teri setting bhi ho jaati lekin meri motorcycle ko ek mote buddhe aur uski khubsurat beti ne thok diya. Hum udhar hi ulhaj gaye" Vineet usse samjhata hai 

"chalo bhai ka toh thik hai uss haseena sang gire, main uss mote ke saath gira. Buddhe ne itni galiyan di fir chanta mara so alag" gusse se karan bola. 

Ye sab sunke Birju ka gussa kuch shant sa hua, "aab kya karenge hum" usne pucha. 

Vineet ne kutil muskan di, "karna kya hai, aab teri haseena ke saath uss scooter wali haseena ko bhi dhundhna hai." 

Dono dost ne haan mei sar hila diya. Aab suru hona tha Mission Haseena dhundho!!

… 

Jahan ek taraf Vineet apna aadha adhura project chod ke bhag gaya tha aur Birju ki dukan pe matargasti kar rahe the wahin dusri taraf Ruhana apna project khatam kar chuki hai aur Shakuntala ne bhi khana bana liya hai. 

Rasoi se Shakuntala, Ruhana ko awaj lagati hai. Ruhana jhat se Rasoi mei pahuchti hai aur manjra puchti hai. 

"khana toh bana diya meine, aab tumhare papa tak pahuchana hai. Lekin hamare sar mei bahut dard ho raha hai, issliye hum toh jaa na paayenge toh kya tum chali jaaogi hospital" Shakuntala puchti hai 

"off course mumma, puchne ki kya baat hai. Aap jao rest karo main khana pack karke papa ko de aati hoon, tension na lo aap" Ruhana kehti hai.

Shakuntala muskurati hui, rasoi se nikal jaati hai. Ruhana tiffin mei khana pack kar leti hai aur chali jaati hai hospital, Mishra ji ko khana pahuchane. 

Tees minute ki duri taye karte hue Ruhana hospital pahuchti hai aur seedha Mishra ji ke daftar ki aur chal deti hai. Lekin jab wo unke cabin mei ghusti hai toh dekhti hai ki Mishra ji kuch logon se baat kar rahe hai aur uske iss tarah ghusne ki wajah se sab uski aur dekhne laage hai. 

"beta tum, aao andar aao" Mishra ji Ruhana ko andar bulate hai aur jo log baithe hai unhe batate hai ki ye unki beti hai fir wo aapne baaton mei vyast ho jaate hai aur Ruhana aaram se sofe pe baith jaati hai. 

Yahan dusri taraf, Shakuntala ki halat kharab hai unhe akele ghar mei dar laag raha hai. Saare naukar bahar kaam kar rahe hai, kuch bazar gaye hai rashan laane lekin wo akeli apne kamre mei padi hai, pehle sar dard ne unhe pareshan kiya aur aab ye darr unhe sone nahi de raha. 

Wo kare toh kya kare?? 

Ruhana ka intezar karne ke siwa unke pass koi chara nahi hai. 

..

Aage kya hoga jaane ke liye banne rahiye hamare saath 

Milte hai agle adhyay mei..