No pics!!

Shakuntala hi halat kharab hoti jaa rahi hai kyunki bahar se aane wali awajein badhti jaa rahi hai. Badi muskil se unhone khudko bistar se uthaya aur table pe pade apne phone tak le gayi aur Ruhana ka number dial kiya. 

Tees ri ghanti mei jaise hi Ruhana ne phone uthaya, Shakuntala ne bina usse mauka diye bolna suru kar diya, 

"Bitiya, kitni der lagegi tum dono ko. Yahan hamari halat kharab hai!! Kuch chor aa pahuche hai bahar saath mei kutte aur bhediye ko leke aaye hai. Humko bahut dar laga raha hai" dari, sehmi hui Shakuntala ne dheemi awaj mei boli. 

Unki awaj sun Ruhana ko bhi apni maa ke liye ghabrahat hui, "Mumma aap fikar maat kijiye, main aur papa aa hi rahe hai bas" Ruhana ne tassali di. Shakuntala ne sar hillate hue phone kat diya. 

Tabhi unhe ehsas hua ki awajein tej hone lagi hai kutte aur bhediye ki toh nahi lekin ladkon ki. Unhone gaur se suna aur andaja laga ki kuch teen log bahar hai. 

Bhale hi Ruhana aur Mishra ji aane wale ho, lekin unke aane tak toh unhe khud ko bachana hoga aur ghar ko bhi nahi toh ye chor sab kuch chori kar le jaayenge, kuch jugad toh unhe lagana hi padega. Ye sochti hui darte darte Shakuntala apne kamre se bahar gayi. 

Yahan dusri taraf, ghar ke bahar teeno ladke khus phus kar rahe hai ki ghar ke andar kaise jaya jaaye. Sidhe darwaje se toh jaya ja hi sakta hai lekin koi darwaja khole tab na. Kitni baar sabne ghanti bajai lekin koi faida na hua issliye aab unhe jugad laga ke andar jaana hoga. 

Iske liye teeno dost ghar ke teeno disha mei fail gaye, aab jisko bhi rashta mille wo bakiyon ko bata dega aur fir sab andar jaayenge. 

Dahine taraf se karan gaya, jisse ek pipe milla jo upar jaake ek khidki ke pass rukti hai. Karan ne socha pehle wo khud chadh ke dekh ke agar wahi sahi rasta hua toh wo baki ko bhi bula lega. Jhat se pipe pakdi aur chadhne laga, lekin chadhna itna assan thodi tha kai baar wo gira par himmat na hari akhir apne bhai ki setting jo karwani thi toh thoda dard toh sehna hi padega!! 

Ye toh karan ki gatha thi, Birju mahashaye baaye ki taraf se gaye the aur unki khush kismati toh dekho ki samne hi ek khidki thi lekin band jisse kholna aab uska jimma tha aur wo kholega bhi kyunki agar Vineet ki setting na hui toh Vineet uski bhi nahi hone dega issliye kaise bhi karke usse ye khidki kholni hi tha. Idhar udhar thoda dhundha toh ek screwdriver mila usse, jisse leke usne apna kaam suru kiya. 

Aur yahan teesri taraf ghar ke pichwade mei gaye Vineet babu jinko kuch karne se pehle hi garden ke kanto bhare paudho ne kharoch diya hai. 

"dekh lunga sabko, apne hone wale malik ko kharochte ho. Sab ko kaat dunga" paudho ko dhamki dete hue Vineet aage badha, piche pahuche toh dusre mahle pe balcony dikhi lekin wahan tak jaane ka koi rashta nahi tha, na koi pipe na khidki kuch nahi. Vineet ne idhar udhar sar ghumaya toh ek pair (tree) dikha jo balcony se thoda bada tha waise toh wo thoda dur tha balcony se lekin kud ke wahan pahucha jaa sakta tha. Fir kya tha, Vineet ne pair pe chadhna suru kiya. 

Yahan karan babu jaise taise pipe chahad ke khidki tak pahuchne mei kamyab ho gaye lekin khidki band thi, usne jabran khidki ko kholne ki koshish ki. 

Shakuntala jo ki kitchen mei thi ussi kissi ki parchai dikhi khidki pe aur unki toh jaise saanse hi tham si gayi parchai ko dekh ke. 

Ji haan karan jis khidki ko kholne ki koshish kar raha hai wo kitchen ki khidki hai jahan Shakuntala kuch jugad lagane ki firat mei gayi thi lekin aab ye soch ke darr rahi hai ki chor yahan tak pahuch aaye. Dar ke maare kone mei simat gayi. Aur idhar karan khidki kholne mei kamyab ho gaya hai, usko rahat ki sans aai lekin Shakuntala ki sans atak gayi. Hadbadi mei usne idhar udhar sar khumaya aur unki najar sidhe laal mirch powder ke dabbe pe padi. 

Iss taraf karan ne khidki khola aur Shakuntala ne jhat se mirchi powder uske muh pe de maari, saari mirchi sidhe karan ke aankh mei gayi, Karan chikha, jalan se uski aankhe jalne lagi usne idhar udhar sar ghumaya lekin kya faida tha iska. Shakuntala ko pata chal gaya tha ki usse kuch dikhai nahi de raha hai, iss baat ka faida utha ke Shakuntala ne karan ko dhakka de diya. 

Mahashaye sidha upar se niche girre wo bhi ek gamle pe, gamla toh tut hi gaya uski wajan se aur saath hi karan ke aisi jagah hi haddi karki jisske bare mei wo bata bhi na sake!! Bechara chikkha, chillaya, dard mei karaya lekin uske pyare pyare bhai na aaye kyunki wo toh apni hi dhun mei magan the. Karan toh wahan se uthke kahin jaa bhi nahi sakta tha aakhir usse kuch dikhai jo nahi de raha tha. 

Yahan Shakuntala ne ek chor ko toh dher kar diya tha lekin aab baari baki do ki thi. Lekin wo hai kahan uska pata unhe lagana hai issliye ek haath mei belan aur dusri haath mei chaku liye Shakuntala Devi pure ghar ka chappa chappa channe lagi. Ek chor ko grasth karne ke badh unhe kuch hoshla bhi aa gaya tha issliye aab wo kuch nidarr bhi ho gayi thi. 

Shakuntala badhi sabse pehle apne kamre mei gayi kyunki unhe wahan se kuch awajein aa rahi thi, aur jaise hi wo pahuchi toh dekha kya dusra chor khidki ke madad se andar ghus chuka hai! 

Ji hai, Shakuntala ka dusra chor Birju mahashaye the jo khidki ko tod ke andar ghusne mei kamyab ho gaye the lekin aab usse Shakuntala ne dekh liya hai aur uska haal bhi karan jaisa karne ka than kiya hai!! 

....

Aage kya hoga jaane ke liye banne rahiye hamare saath 

Milte hai agle adhyay mei..