Cigarette pite pite, Vineet apne ghar tak pahucha.

Ghar mei kadam rakhne se pehle usne cigarette phenk di aur chewing gum muh mei daal liya taki cigarette ki badhbu na aaye.. 

Jutte leke Vineet ghar ke andar ghusa, Sharma jii angan mei hi khade hoke intezar kar rahe the.. Vineet ko dekhte hi bole,

"so gaya tha kya tu wahan, ya Japan gaya tha leke jo itna time laag gaya tujhe. La de" unhone Vineet ke haath se jutta chin liya.. 

Usse ghurte hue wo bagal ki kursi pe baith gaye aur apna jutta pehen liya tabhi unhone gaur kiya ki Vineet chewing gum kha raha hai. Sharma ji faat se khade hue, 

"bina brush kiye tune chewing gum kaise muh mei rakh liya" Sharma jii ne Vineet ko ghurte hue bola. Vineet ka chehra ye sunte hi utar gaya 

"wo papa.. Birju ne jabardasti de diye toh kha liya meine.. Aap hi kehte hai na kissi ka dil nahi todna chahiye issliye meine kha liya" Vineet khudko bachane ki koshish karta hai. 

Sharma ji ne vyang bhari ek muskan di aur bole "tu meri baatein kabse manne lagga" 

"hamesha se, aap maante nahi wo baat alag hai" Vineet ne muh banate hue jawab diya, tabhi sarma ji ki nazar Vineet ki haath pe padi. Ungliyon ke bich kuch nishan se padde hue the, Sharma ji ko samajhne mei jara si bhi der na laggi ki Vineet ne fir se cigarette peena suru kar diya hai, jabki baat toh ye hai ki unhe kabhi pata hi nahi chala usne kabhi cigarette peena choda hi nahi tha.. 

Sharma ji jutte pehen ke khade hue aur Vineet ke paas Jaake khade ho gaye, Vineet ko pata na chal raha tha aakhir uske pita kar kya rahe hai. 

"cigarette pee ke aaya hai na tu" Sharma ji ne bade aaram se pucha 

"nahi.. nahi papa.. Meine cigarette peena kabka chod diya" Vineet hichakta hua bolta hai.

Sharma ji halke se muskurate hai, uske kandhe pe haath malte hue bole "pee hai toh koi baat nahi. Aab tum jawan ho, jaawani mei ho jaati hai ye sab cheezein" 

Sharma ji ki ye baat sunke Vineet muskuraya, usse aapne pita se aisi umeed na thi "sorry papa.. Wo Birju ne ek de di toh meine pee li, aapko aacha nahi lagta issliye jhooth bol diya" Vineet sach bata deta hai, aadha sach aab seedhe seedhe ye thodi keh sakta hai ki usne lalach deke mangi cigarette. Lekin jab pita sabne se keh rahe hai ki unhe koi sikayat nahi toh usne socha bata dena hi sahi. 

Lekin uss bechare ko ye kahan pata tha, ki uske pita ne uss se sach ugalwane ke liye aisa sariyantra racha tha. Jaise hi Vineet ne apni baat khatam ki ek jor ka chanta uske kandhe pe pada. Vineet uchalta hua, baju ho gaya. 

"nalayak, tujhe kya lagta hai, mujhe badi khushi ho rahi hai teri ye baatein sun ke.. Ruk abhi teri akal thikane laata hoon" Ye bolte hue Sharma ji idhar udhar kissi hathiyar ki talash mei dekhne lagge taki wo apne nawabjaade ki akal thikane laa sake. 

Aab tak Vineet ke deemag ki batti jal chuki thi ki Sharma jii uski kutai karne wale hai "maa.. Maaaaaa" Vineet chillaya, taki Sharda Devi usko aake bacha le.. 

Aab aisa toh ho nahi sakta ki beta bulaye aur maa na aaye.. Sharda apne rasoi ka kaam dham chod ke nikli bahar.. Dekha toh kya, Sharma ji ne hatho mei chappal utha rakhi hai aur Vineet idhar udhar bhag raha hai aur uske piche bhag rahe hai Sharma jii.. Sharda daudi apne ladle ko bachane, Sharma jii ko dhamkati hui.. 

"Sharma jii, agar mere bete ko laggi na chappal toh aacha nahi hoga" Sharda chillai. 

Sharda ko apni aur aate dekh, Vineet Sharda ki aur bhaga aur uske piche chip gaya. Usse pata hai Sharma jii Sharda ke samne usse ek sabd bhi nahi bol sakte fir marna toh dur ki baat hai. 

Sharda ko dekhte hi Sharma ji ke haatho se chappal niche gir gayi, Sharda ne gusse bhari nigahon se Sharma ji ko ghura 

"aapki himmat kaise hui mere phool jaise bache ke piche chappal leke daudne ki" Sharda chillai.. 

"tumhara ye phool jaisa beta cigarette pee ke aaya hai.. Jara uss se bhi pucho kuch" Sharma jii ne Vineet ki aur ishara karte hue bola, jisne aab ek masoom sa chehra bana liya hai.. 

Sharda vineet ki aur mudi "Vinu, tu cigarette pee ke aaya hai" Sharda ne pucha, Vineet ne naa mei sar hila diya aur bola, 

"nahi maa, meine kuch nahi kiya.. Papa hi uksha rahe the.. Jawan ho waise hi behave karo. Jawani mei sab chalta hai, humne bhi kiye hai.. Main toh bas keh raha tha ki aapko kitna bura lagega agar main waisa kuch karu toh.. Aab main koi aisa kaam thodi karunga jiss se meri pyari maa ko dukh pahuchayunga "Badi safai se Vineet Sharda ko apni baaton mei fasa leta hai aur sara ilzam Sharma ji pe thop deta hai.. 

Vineet se apne liye aisi baatein sun ke Sharda emotional si ho gayi, usne bade pyar se Vineet ka sar chum liya aur Sharma ji ki aur ghoomi, aankho mei krodh liye.. Sharma ji, Sharda ko samjhate rahe ki Vineet jhooth bol raha hai lekin aab unki kaun sunta.. Bete ki baaton ke aage Sharda kissi ki na sunti.. 

Bechare Sharma ji kya karte, pure ek ghante tak khudko sahi saabit karne mei lagge rahe lekin kissi ne na suni unki.. Aakhir unko manna hi pada ki galti unki thi. Ye manne ke badh bhi unhe Sharda se kitni dant padi, unhone wo bhi kha li. Lekin fir jab Sharda ne kaha ki Vineet unhe office chod aayega toh unhone saaf saaf inkar kar diya aur apna bag uthate hue nikal pade ghar se bina nasta kiye.. Aaj waise bhi unka dil kharab hai.. Aadha din ghar pe nikal chuka hai aur aab office Jaake bhi dant hi sunni padegi unhe.. 

… 

Aage kya hoga jaane ke liye banne rahiye hamare saath 

Milte hai agle adhyay mei..