Kismat ka pahiya jab ghoomta hai toh sab uthal puthal ho jaata hai. Agar sahi disha mei ghoome toh jindagi khushnuma ho jaati hai aur agar ulte disha mei ghoome toh sab barbad. 

Yahan bhi kuch aisa hi hua, teeno ladke do ladki ke chakkar mei bade khush ho gaye the lekin milli toh sirf maar pehle ladki ke ghar pe fir aapne baapon se aur aab pade hai hospital ki khatiya pe apna ilaj karwate hue.. 

Karan ki halat kuch thik si ho gayi hai, do char injection mei uska kaam ho gaya, pyar se aankho mei padi mirchi nikali gayi aur dard ke liye painkillers diye gaye utne main hi uski giri hui tabiyat uth baithi, aur kal tak khadi ho jaayegi aisa Doctor ne batlaya hai. Shukla ji ye sunke kuch nishhchint hue. 

Vineet mahashaye toh aab tak lete hue hi hai, uska ilaj aab tak jaari hai. Bijli ke jhatke ne usse aache se hilla diya hai, ganimat hai ki uss Bell mei jyada voltage ka current nahi tha toh mahashaye ko bas upar upar se Jhatka laga hai koi andruni jhatke nahi lagge. Choton ki marham patti kar di gayi hai aur painkillers de diye gaye hai. Khatre se bahar wo bhi hai lekin Sharma ji iss kashmakash mei hai ki aakhir Vineet ko ye jhatka laga kaise? Aakhir wo gaya kahan tha? 

Aab bari Birju maharaj ki, uss bechare ko gehri ghao lagi thi. Begani shadi mei abdulla diwana banne gaya tha aur maar khake aaya, dosti ka inaam milla tha, 3 inch gehra. Bhaisaab hospital ke khatiya pe pade pade dard se karra rahe hai aur uske pita ji, Kishori ji ka BP badhe jaa raha hai chinta se ki aakhir itna gehra ghao usse laga kaise. Teeno dost mei ek Birju hi hai jiski halat sabse jyada bigdi hui hai. 

Kishori ji ward se bahar nikle, Sharma ji aur Shukla ji se baat karne ke liye. Teeno ne pehle hi ladkon ka ward alag alag niyukt karwaya tha ye soch ke ki agar galti se bhi ghar pe bhanak padi toh koi ek hi pakda jaaye aur baki bach jaaye. 

Kishori ji bahar nikle toh paya ki Sharma ji aur Shukla ji pehle se bahar khade baat kar rahe hai, unhe dekh chup ho gaye. Kishori ji unke pass jaa khade ho gaye sar hillate hue, 

"kya hua Kishori ji?" Kishori ji ko udash dekh Sharma ji puchte hai 

"kya bataye Sharma ji, jaane ye ladka kahan gaya tha, teen inch gehra ghao leke aaya hai. Doctor keh rahe hai stitches lagane padenge" nirasha purvak chinta ghrast Kishori ji bole 

Shukla ji ne Kishori ji ke kandhe pe haath rakh hausla diya, "chinta maat kijiye Kishori ji, thik ho jaayega Birju." 

"thik toh ho hi jaayenge teeno, mujhe chinta toh iss baat ki ho rahi hai ki jaane kahan se itna kuch karwa aaye ye teeno. Ek ko chaku laga hai, dusre ko current aur teesre ne aasan ki chatni banwa li, jo dasha hai teeno ki dekh ke lagta hai koi bada majhra hai, dushmani ya kuch aur "nakaratmakta se sar hilate hue Sharma ji bole 

Vyangta bhari gehri saans chodte hue Shukla ji bole," dushmani toh nahi, lekin kissi ladki ka chakkar jaroor jagta hai. Gaye honge hero banne ladki ke bhai baap ne peet diya hoga fir "

" chichore kahin ke, kissi jagah muh dikhane layak na choda humei toh" Kishori ji bole, gussa saaf chalak raha tha unki awaj se 

Sharma ji kuch bolne hi wale the ki tabhi unhe unki Sasu maa ki awaj sunai di, 

"bhagoooo" Sharma ji chillaye aur second bhar mei teeno gayab ho gaye 

Jahan ek taraf Sharma ji apni gang ke saath gayab hue wahin duji taraf Mishra ji uss marij ke pass pahuche jiske ilaz ke liye unhe bulaya gaya tha. Ward mei ghushe toh paya ki marij pet ke bal leta hua hai aur ek doctor bagal mei khade ho report dekh rahe hai. 

"kya hua Dr. Ashish" Mishra ji samne khade Doctor se puchte hai. Dr. Ashish Mishra ji ko dekhte hai, 

"emergency hai doctor, teen inch gehra ghao hai bleeding bhi kafi hui hai bina stitches lagaye kuch nahi ho sakta" Dr. Ashish batate hai. 

Dr. Ashish, hospital ke jaane maane doctor hai aur Mishra ji ke chahite. Dr. Ashish ko wo apne bete jaisa mante hai, Ashish ke pitaji Mishra ji ke kafi aache dost reh chuke hai durbhagya varsh pichle saal unka dehant ho gaya. Mishra ji Ashish mei ek uttam damad ka roop dekhte hai, unhe apni beti Ruhana ke liye Ashish bahut pasand hai. Ashish babu ko bhi Ruhana aachi lagti hai lekin unki badkismati ki Ruhana ko wo pasand nahi aur na hi Shakuntala ko aur iski sirf ek wajah hai aur wo ye hai ki Ashish ki pehle ek girlfriend reh chuki hai, dono live in mei rehte the shadi tak karne wale the lekin kissi karan shadi ho na pai, ladki ne mana kar diya. 

Aab Shakuntala ka ye manna hai ki Ashish ko koi problem hai issliye ladki chod ke gayi lekin asal sach Ruhana ko pata hai kyunki pehle dono ki kafi aachi dosti thi toh Ashish ke saare secrets unhe pata chal jaate the agar wo naa bataye tab bhi kyunki Ashish ko diary likhne ki adat hai laptop mei jiska password Ruhana ko pata hai toh uske liye kafi aasan tha sach pata karna. Lekin Ruhana ne ye sach apne mata pita ko nahi bataya kyunki wo unka dil na todna chahti thi aur jahan tak baat hai shadi ki wo toh uske marji ke khilaf Mishra ji karenge nahi toh wo nishchint hai iss baat se. 

Ashish ke uss sach ki wajah se Ruhana usse pasand nahi karti, ye baat jaante hue bhi Ashish uski najron mei upar uthne ki koshish karta rehta hai lekin iss se uski izaat aur girti chali jaati hai. 

"teen inch gehra ghao? Kahan laga hai" Mishra ji puchte hai aascharya se 

Ashish, Birju ke upar se chadar hata unhe ghao dikhata hai jo dekh ke na chahte hue bhi Mishra ji ki hansi chut jaati hai, aab kya kare banda ghao bhi toh galat jagah leke aaya hai. 

Khudko control karte hue, Mishra ji bolte hai "Barkhurdar, kaunsi jang ladne gaye the tum jo opposition ne tumhara ye haal kar diya" 

Karata hua Birju bola, "opposition party bahut tagri thi Doctor sahab baat karne se pehle hi chaku ghusha diya" 

Birju ka jawab sun Mishra ji ko fir hansi aai aab unhe kya pata hai ki jis wajah se unki biwi ki halat bigdi hui hai ye wahi mahashaye hai aur na hi Birju babu ko ye pata hai. Dono anjaan ek dusre se bekhabar ki aapas mei jude hue hai. 

…. 

Aage kya hoga jaane ke liye banne rahiye hamare saath 

Milte hai agle adhyay mei..