Bhidh ekhatha ho gai dekhte hi dekhte, aab free ka entertainment kisse nahi chahiye. Vineet tarah tarah ki aawajein nikal maar kha raha hai aur Karan Ruhana ke scooty ke piche chipa baitha hai aab usse thodi maar khana hai, kal ki maar kafi thi uske liye.

''Ye ladki toh sakal se phoolmati aur aise phoolan devi hai. Kaise bhai ko dhana dhan dho rahi hai bina detergent ke'' scooty ke piche se Vineet ko peetata hua dekhete hue karan bola.

Waise toh wo jaake Vineet ko bachaana chahta tha lekin jish tarah Ruhana usse peet rahi thi wo darr gaya upar se itni bheed, kya jaane log baras pade unpe issliye usne chippe rehna hi sahi samjha. Vineet ka kya hai usse wo badh mei Aaspatal le jaa ke ilaz karwa dega.

Itna uthal puthal toh chal hi raha tha ki tabhi toofan se Shukla ji kahin se chale aa rahe the, road ke dusre chorr se. 

Bete se pareshan toh rehte hi hai, ghar mei aaj biwi se bhi behes ho gai air subha subha Sasu maa ne jo sunaya so alag hi. Aur aab daftar mei boss ne bhi aache se suna diya aaj. Para toh unka itna chadha hua tha ki abhi kissi ko peet de lekin unhe pata hai ye ho na sakta.

Ghar ki aur jaa hi rahe the Shukla ji ki samne bhid dikhi aur saath hi bhid ke thoda aage koi scooty se chip ke baitha hua dikha. Shukla ji thode soch mei padd gaye kyunki wo road pe baitha banda unke karan sa laga lekin wo toh college gaya hua hai, ye baat bhi yaad aai.

Huh, kaunsa wo padhai ko leke itna atal hai jo college se bhag na sakta. Ye sochte hue Shukla ji ladke ki aur badhe, aab ek baar dekh lene mei harz hi kya hai.

Pass jaake dekha toh wo unka nalayak beta Karan hi nikla, khich ke ek tamaacha uske pith pe lagaya. Haaye, unke haatho ko kitna sukoon aaya!!

Jhat se Karan muda aur fir ussi jhatke se muh pher bhi liya apne pita ko saamne khada dekh.

Kaan maror Shukla ji ne usse uthaya,''nalayak tu yahan kya kar raha hai, abhi toh tumhare college ka time hai na?? Aur wo dusra nalayak kaahan hai?'' Shukla ji ne gusse se pucha.

Karan soch mei padd gaya, aab kya bataye wo tabhi usse dusra chata padd gaya aur saath hi Shukla ji ke kaano mei Vineet ki chikh sunai di, sar ghuma ke dekha toh wo ek ladki se peetata hua dikhai diya. 

Shukla ji dang reh gaye, aab kya kand kar diya isne jo ladki se maar padd rahi hai wo bhi bich road pe, itne logon ke saamne.

Gusse se Karan ki aur mude,''kya kiya hai tum dono ne haan? Ye ladki kyun peet rahi hai usse?''krodh bhari swar mei Shukla ji ne pucha.

''Humne kuch nahi kiya hai papa, uss ladki ko misunderstanding ho gayi hai. Hum toh bas usko ye bata rahe the ki uska duppata uski scooty ke pahiyon mei atak sakta hai toh wo usse sambhal le issi mei bhadak gayi aur bhai ko peet diya''bade aaram se ek jhoothi kaahani Karan ne Shukla ji ko suna di lekin wo kaahan maane wale the unhe aache se pata hai dono ladke kaise hai. 

Khich ke karan me kaan ke niche ek thappad lagaya,''tujhe kya main bewakoof lagta hoon haan? Jaroor tum dono usko ched rahe honge isiliye peet rahi hai usko! Arey nalayakon apni toh izzat hai nahi kam se kam hamari toh izzat mitti mei maat milao''ye kehte hue unhone fir Karan ko ek thappad laga diya. 

Karan ko aisa laga jaise pure saal ke thappad ka kota aaj hi khatam ho jaayega lekin phir uski sans mei sans aai jab Shukla ji ne usse dhakka de ke girra diya aur Vineet ki or badhe, aab usse bhi jo dhona tha.

Bheed ko chirte hue Shukla ji Ruhana ke pass pahuche, dekha toh Vineet ke baal noche jaa rahe the aur wo besharm aab bhi style jhaadne ki koshish kar raha tha, Ruhana ka haath pakadney ki koshish mei juta hua tha, waise baal bhi uske ussi wajah se noche jaa rahe the.

Shukla ji na daaye dekha na baaye aur khich ke ek thappad Vineet ke pith pe lagaya, Vineet ko current sa laga, Ruhana ekdam se side ho gayi. Dono dang se reh gaye, tabhi Vineet ki najar Shukla ji pe padi jo aag babula ho rahe the.

''Dekhiye aapko bich mei padne ki koi jaroorat nahi hai main khud inse nipat sakti hoon''Ruhana boli kyunki wo ye na chahti thi ki road pe khadi bhid dono pe tut pade jab wo khud bhi iss maamle ko sulja sakti hai.

Shukla ji uski aur mude,''aap fikar na karo beta main isse aache se sabak sikha dunga kyunki ye aapse na sudharne waale arey ye apne baap ke maar se na sudhre toh aab kya sudharenge, awara kahin ka'' Vineet ke Kandhe pe thappad marte hue Shukla ji gurraye.

''Chacha''Vineet chillaaya aur badle mei ek aur thappad pada usse.

''Jaban na chala besharm, khich leni hai meine''Shukla ji barase, Vineet chup ho gaya lekin ghurta raha kyunki usse gussa aa raha tha.

Ruhana ne Vineet ko ek baar ghura fir chali gayi, ye sochte hue ki aab uske Chacha usse sambhal lenge aur wo uske piche naa aayega.

Raste mei usse Karan dikha jo abhi abhi utha tha. Ruhana ne khich ke ek bag maara aur Karan fir gir gaya. Ruhana apni scooty pe baith chali gayi.

…

To be continued..