Nile rang ke gown mei, pari si taiyar ho Ruhana aai. Mishra ji aur shakuntala ki toh aankhen hi na hatt rahi thi unse, bas dekhte hi jaa rahe the aur kuch aisa hi haal baki logon ka bhi tha.

''Haaye, haaye!! Najar naa lage hamari bitiya ko!" Itna kehte hue Shakuntala ne Ruhana ke kaan ke piche kala tika laga diya aur unke mathe ko chum liya.

Itne mei Mishra ji cake le aaye, ek char manjila bada sa cake jisko dekh Ruhana khushi se uchal padi.

Unko khush dekh Mishra ji bole,''dekha Shaku meine kaha tha na cake dekh ke hamari bitiya khush ho jaayegi, ho gayi na!" Mishra ji ko khurpe garv hua ki apni beti ke liye wo itna acha cake laa paaye aur uske chehre pe itni badi muskan bhi.

Saare bache bhi khushi mei ghoomne lage kyunki bade cake ka matlab tha unko jyada cake khane ko milega.

Shakuntala ne candle jala di aur Ruhana se cake kaatne ko kaha kyunki saare bache uspe kudne ko taiyaar the aur agar jara bhi der hogi toh cake katne se pehle hi khatam ho jaayega.

Aankh band kar Ruhana ne prarthana ki aur candle bujha diya fir cake kaat kar apne mata pita ko uske badh bachon ko khilaya. Sabhi bahut khush hue, Ruhana ko aneko taufe mille aur kai ashirwad bhi.

Pura mahol kaafi khushnuma sa ho chala ki tabhi ghar mei teen ajnabi se log ghush aaye. Ruhana ne teeno ko pehchan liya aur unke mata pita ne bhi. Waise toh Shakuntala ne sirf Karan aur Birju ko pehchana kyunki unhone sirf ussi dono ko dekha tha aur Mishra ji ne pehchan toh teeno ko liya par Birju unke liye unka marden tha baki do awara aur Ruhana toh bhali bhanti jaanti hai teeno ko.

Sar pe fir gussa chadh gaya par iss se pehle wo kuch kare Vineet daudta hua unke pass aa pahucha, haath mei kuch phool the jo shayad usne unke hi bagiche se tod liye.

''Happy Birthday meri pyari.....'' Vineet naam bhool gaya, usne koshish ki par naam yaad hi na aaya usse toh usne kuch aur hi bula liya Ruhana ko.

''Happy Birthday meri pyari Haseena!!''

Vineet ki ye baat sun Mishra ji ka pada chadh gaya. Ladke ki himmat toh dekho, kaise ghar mei ghush ke sare aam ched khani kar raha hai. Tabrak ke thappad mara kandhe pe aur side kar diya Vineet ko. Itni jor ki thappad se Vineet ka pith jhanna gaya.

''Arey sasur ji, itni jor se kaun marta hai apne hone wale damad ko.'' Vineet jhunjhlaya unpe.

''Bakwas band karo apni aur chup chap nikal jao yahan se. Hum nahi chahte ki hamari beti ke janamdin ke din yahan police aaye.'' Mishra ji unko dhamkaya.

''Oh, uncle ji!! Aap police ki dhamki na de humei. Hum toh yaha bas kabhi toh hogi bhabhi ko birthday wish karne aaye hai.'' Karan bola, aab bhale hi aane ka uska mann na tha par jab aaya hai toh Vineet ka sath toh dega hi.

''Bakwas band karo apni aur nikal jao yahan se nahi toh aisa haal karungi ki yaad rakhoge!" Ruhana gurrai par Shakuntala ne uska haath pakad liya kyunki unko Karan aur Birju se darr lag raha tha.

''Bhabhi aisa na kaho, kitni muskil se aapke birthday ki information nikali hai. Jaanti bhi hai aap kaise kaise yahan tak pahuche hai aur aap hai ki bina kuch khailaye pilaaye humein bhaga rahi hai, ye toh galat baat hai.'' Masoom banta hua Birju bola.

''Dekho, sarafat se keh rahe hai chale jao warna thik nahi hoga!" Mishra ji ne saiyam banaye rakhte hue kaha par ladke kaha manne wale the.

Vineet kud ke Ruhana ke pass aa pahucha. Bagal mei khade Mishra ji ko kohni maar side kar diya. Karan aur Birju bhi samne aa khade ho gaye. Saare cake kaatne ko bolne lage, kar toh teeno aise rahe the jaise unko bulaya gaya ho ya kitbe khash hai teeno.

Shakuntala ki toh darr se bolti band thi par jaise taise usne Mishra ji ko ye bata diya ki Karan aur Birju hi the jo chori karne aaye the ghar mei. Mishra ji chakit reh gaye, gusse se aag babula ho uthe. Thappad maar Karan aur Birju ko khadhera, dono uchal ke duji taraf chale gaye apne kande ko malte hue.

''Arey budhe itni jor se kaun marta hai??? Cake hi toh khane aaye hai, itne bade doctor hoke itne kanjus kyun bante ho??" Birju dard mei karata hua bola par Mishra ji ne uspe dhyan na diya, unko filhal Vineet ki chinta thi jo Ruhana ko ghure hi jaa raha tha. Unhone apna hath jaise hi uthaya marne ko Vineet pehle hi bhaga utha.

''Hone wale sasur jii paap chadhega aapko agar apne jamai pe haath uthaya toh!!! Ek toh hum aapko itni izzat de rahe aur aap aise behave kar rahe hai, manners hai ki nahi aap mein, ghar aaye mehmaan se koi aise pesh aata hai bhala?'' Safai deta hua, idhar udhar bhagya hua Vineet bola kyunki Mishra ji usko peetane ko taiyaar the.

''Chup ho jaa ladke!! Ek toh hamari gair hazri mei hamare ghar mei chori karne ghuste ho upar se hoshiyaari dikha rahe ho!!!" Mishra ji gurraye.

Unki baat sunke Ruhana ko ehsaas hua ki ye wahi ladke hai jiske saath Shakuntala ka jhagda hua tha, aab toh unka paara aur chadh gaya.

Vineet uchalti hua unke samne se bhaga, Ruhana ne apni tang aage kar di jis mei thokar lag Vineet dham se niche gir gaya aur Mishra ji ne usse daboch liya.

Karan aur Birju ko rishtedaaron ne daboch ke niche gira diya. Aab unth pahad ke niche aaya tha toh inhe itni aasani se toh na hi choda jaayega.

Jis bache ko teeno ladkon ne bahar pakda tha usne teeno ko baari baari kaat diya danto se, apna saara badla nikal liya. Mishra ji ne Vineet ko thappad hi thappad maare kandhe pe, bechara niche chatpataata raha. Karan aur Birju ko rishtedaaron ne sambhal rakha tha.

Vineet khudko chudane ki koshish karta raha aur mauka paa ke unke dhaka de diya jis se Mishra ji biche gir gaye aur wo chut gaya par jaise hi mudda Ruhana ne laal mirch ka powder uske muh pe jhok, uske baal pakad unko nocha aur bagal mei padi tv remote se dhulaai ki.

Aankhon mei mirchi padte hi Vineet chatpataya fir remote ki maar se karaya bal toh khair noche hi jaa rahe the,usse samajh hi na aa raha tha achanak ho kya raha hai uske saath.

''Meri mumma ko dara tum logon na!???? Mere papa ko dhakka diya!!!! Mujhe pareshan karke rakha hai tabse!!'' Ruhana gurrai aur mirchi powder uske muh pe ragad diya diya fir chod diya.

Aab Vineet ko kuch dikh na raha tha, wo shakuntala se jaa takraya. Shakuntala ne bhi apna haath saaf kiya uspe fir ghar ke bahar phek diya. Vineet sidha jaa ke gulab ki jhadi pe gira, kante chubhe toh jhat se milmila ke utha toh bagal mei padi balti pe jaa gira fir ulat ke chote se talab mei gir pada.

Idhar Ruhana ne Karan aur Birju ka muh cake mei de maara.

''Lo, kha lo cake!!"

Dono ladke cake milte hi bhag khade hue. Bahar nikle toh paya ki Vineet talab se nikalne ki koshish kar raha hai par usse kuch dikh hi na raha.

Vineet ki wajah se itni maar padne ke badh dono ka mann toh na kiya ki usse nikale par dosti ki khatir usko khich ke bahar nikala aur ghar ki aur bhage. Itna toh unhe samajh aa gaya tha ki wahan rehna kitna jokhim ka kaam hai!!

Idhar Mishra parivar aur baki log dukhi ho gaye kyunki puri party bigad di ladko ne, saara maja kirkira kar diya. Mishra ji ghar ke haalat dekh nirash the par saath hi Ruhana aur unko sukoon bhi tha ki chalo it na maar khane ke badh wo ladke aab galti se bhi unke aas pass na bhatkenge.

Shakuntala aur baki aurton ne mil ke ghar ko fatafat saaf kiya aur dusra cake banane ki taiyaari mei jut gayi. Iss baar ek alag hi khushi thi ki aab unhe koi pareshan na karega!!!

....

To be continued..