Sharma ji ek ke badh duji pol kholte chale gaye Vineet ki aur wo dekhta hi reh gaya wo toh sukra hai mas ne vishwas hi na kiya unki baaton ka.

''Kya aap bhi, kuch bhi bolte hai. Bacha thodi nadaani kar raha hai uska ye matlab thodi aap aise jhoothi baatein bole uske baare mei.'' Sharda apna kaam karti hui boli.

Sharma ji ne muh bana diya, aab wo kaise samjhaye apni patni ko ki Vineet kis tarah ki naadani kar raha hai. Pehli baat toh ye ki wo naadani nahi, chedkhani karta fir raha hai. Aaye din ladkiyon se peet raha hai. Par koi maa iss baat ko manti kahan ki uska beta kuch galat kar raha hai.

Apna sa muh leke Sharma ji angan mei chale gaye, Vineet unke piche piche bhaga.

''Papa, aap kyun maa ko mere khilaf bhadka rahe ho? Dekho, ye main bardasth nahi karunga.'' Vineet ne Sharma ji ko aankhe dikhai.

Sharma ji tivra se uski aur mude,''maat kar, mujhe koi fark nahi padta. Ye mera ghar hai jo marji bolunga tujhe takleef hai toh tu jaa sakta hai.'' Sharma ji ne saaf saaf bol diya, Vineet ki aankhe khuli reh gayi. Sharma ji kehna kya chahte hai? Wo kyun jaaye ghar se? Kya ye pura ghar aur Sharma ji ki saari sampati ussi ki nahi hai? Agar wo chala jaayega toh ye sab jisko hogi? Wo apne hi ghar se kyun jaaye kahin!?

''Main kyun jau kahin, ye mera ghar hai.'' Muh bana ke Vineet ne jawab diya.

''Haan haan, Dubai jaa ke kama ke jo aaye ho. Itna bada ghar apni kamai se toh banaya hai tumne toh jahir hai na tum kyun jaaoge.!" Tanj kaste hue Sharma ji ne jawab diya.

''Bhale hi aapne banaiye ho par hai toh mera hi na. Aapke badh ye sab mujhe hi toh milega ya koi aur hai jisko dene ka irada hai aapka? Kahin chakkar toh na chala liya aapne? Dekhlo papa, main apni maa ko udash nahi dekh payunga!" Vineet ne dhamki dete hue kaha.

Sharma ji ne jhat se thappad mara,''apne jaisa samajh ke rakha hai mujhe jo yahan wahan muh marte firunga. Muh sambhal ke baat kar nahi toh soch le.'' Sharma ji gurraye.

''Nahi toh kya? Kar kya loge tum?" Achanak se sasu maa aa dhamki. Vineet pe hote prahar ko dekh baukhla gayi aur chadh gayi Sharma ji pe.

''Amma ji aap mujhe kyun keh rahi hai. Isko bhi jara samjhaya kijiye kaise se badtameezi kar raha hai mujh se.'' Sharma ji ne Vineet ki shikayat ki.

''Kya kiya usne jo tum usse dhamki de rahe ho? Bahut bardasth kar liya meine, meri beti pe hote atyachar seh leti hoon main par apne naati ke khilaf nahi sahungi.'' Sasu maa gurrai.

''Meine kiya hi kya hai aapki beti ke saath?? Amma ji bewajah ke ilzaam na lagate mujh pe. Main sun leta hoon iska ye matlab nahi aap kuch bhi bole mujhe. Ek toh aise hi aapka ye naati mera saara khoon chus chuka hai uspe aap.'' Sharma ji ne muh banaya.

Fir kya tha aab, Sasu maa kaale baadlon ki tarah garji, gurrai aur phat padi Sharma ji pe aur Vineet chup chap apne kamre mei bhag gaya. Aab karta bhi kya, Sharma ji ki band toh sasu maa baja hi rahi hai fir uska kaam hi kya.

...

Agli Subha

Ruhana naha ke taiyaar hoke niche hall mei aai. Unke mata pita hall mei baithe the aur kich baatein kar rahe the. Ruhana ko aate dekh unhone Ruhana ko apne pass bulaya. Ruhana unke pass jaa baithi, Shakuntala uske liye chai lai.

''Beta, humei lagta hai aab humei police ki madad leni chahiye. Wo ladke aab baar baar ghar tak aa jaate hai, college mei toh piche aa hi jaate hai. Aise hi chalta raha toh jaane wo kya karenge.'' Apni chinta preteet karte hue Mishra ji bole.

Ruhana ko unki baat sahi lagi lekin fir wo police ko bhi na shamil karna chah rahi thi kyunki itna toh wo janti thi ki ladke ussi college mei padhte hai aur ye bhi ki uske piche sirf ek pada hai baki uske saath aate hai toh police ko shamil karne ka matlab tha ek ke saath baki do bhi barbad honge jo wo na chahti thi. Agar kissi ko saja mile toh wo bas usse jo sahi mayne mei piche pada hua hai.

Ruhana ne apni baat, apne pita ke samne rakhi. Mishra ji ne unki baaton pe vichara.

''Beta, baat toh sahi hai tumhari lekin aise toh ladka aur badh jaayega. Waise hi itna pareshan kar rakha hai usne aur chod diya jaaye toh jaane kya kya karega, usko rokna jaruri hai.'' Mishra ji chinta purwak bole.

''Wo kahan aab kuch karega. Kal itni maar kha ke itni himmat kahan aayegi usmei jo kuch kare wo. Haan jo fir bhi besharm aa jaaye toh idhar dena do char muh pe.'' Shakuntala Ruhana se boli. Ruhana hans padi, waise ye toh tai hi hai ki agar Vineet fir se aa jaaye toh wo chodengi nahi usse, aacha sabak sikhayengi usse.

Kuch der unke saath baith, Ruhana ne nasta kiya aur college ke liye nikal gayi. Aab Vineet ke darr se apni padhai thodi chodengi.

....

Ruhana apne college pahucha, wah apni class ki aur tej gati se jaa rahi thi kyunki wo kuch late ho gayi thi aaj. Par lagta hai aaj unki kismat, mei time pe pahucha nahi likha. Unhe raste mei hi Vineet dikh gaya aur usne unhe rok liya, Ruhana ne saaf sabdon mei usse rasta chodne ko kaha oar wo kahan manne wala tha utar aaya apni harkaton pe.

''Oh haseena, tumhare bagair kaisa jeena. Tum jo kaho toh chod dun khana peena!" Hero banne ki koshish karta hua Vineet ne dialogue mara.

''Koi jarurat nahi hai bas mera picha chodo wahi kaafi hai.'' Ruhana gurrai.

''Arey aise kaise!? Tumhe toh khush hona chahiye kyunki tumhe puri Dilli ki sher karane ke liye tumhara hero apna hero honda leke aaya hai.'' Apni motorcycle ki aur ishara karta hua Vineet bola.

Ruhana bahut koshish kar rahi thi ki wo gussa na kare kyunki unhe abhi apni class mei bhi jana hai aur agar unka mood off ho gaya toh wo dhyan na laga paayengi. Lekin Vineet ke rehta kahan ye ho sakta tha, uski bakwas sun ke Ruhana ka padda chadh hi raha tha.

''Mujhe tumhare saath kahin jana jana samjhe!! Apni khatara ko leke nikal jao yahan se warna kal ki maar yahin yaad dila dungi tumhe. Besharm kahin ke piche hi pade hue ho.'' Gurrate hue Ruhana boli kiska Vineet pe koi asar na pada.

''Meri jaan tum gussa kyun ho rahi ho. Dekho, tumhare pyara se chehre pe gussa bilkul aacha nahi lagta. Muskurati raha karo, bahut kamseen lagti ho.'' Vineet ki badi badi daleel sun Ruhana ka deemag hil gaya. Unhone jor ka ek chanta Vineet ke gaal pe de maara, Vineet ek duji ladki ke god mei jaa gira.

Ruhana wahan se aage badh gayi par piche Vineet ne haar na maani thi, abhi toh usne suruat hi ki thi.

...

To be continued...