Dopahar ka waqt, apne pita ke haath fir maar kha ke, das hazaar galiyan kha Vineet ko akhir ye laga ki maar aasani se padne ki zar uske lambe baal hai. Issliye maar kha ke, naha ke, aaj saare baal kutarwa liye usne, saath hi muh pe uga jungle bhi katwa liya aur aab ek saaf suthra bacha ban gaya. Jisse dekh uske dosto ko bhi achambha hua ki akhir Vineet itna kaise badal gaya. Jaane kab usse akhri baar aise dekha tha ki aab wo pehchana bhi nahi jaa raha.

Karan aur Birju bas Vineet ko dekhe hi jaa rahe hai, maano kissi ladki ko dekh rahe ho.

''Abey, aise kya dekh rahe ho?'' Apne upar do ladkon ki nigahein dekh Vineet ne sawal kiya.

Karan ne apni aankho ko jara phera,''bhai kya laag rahe ho, ek dam chikna!! Aaj toh koi bhi ladki phisal jaayegi aap pe!!" Apni battishi dikhata hua karan bola, jo sun ke Birju ne jhat se thappad rakh diya uske galo pe.

''Chup raho!! Jarur nahi jab dekho kissi ke piche bhage, uss ladki ke piche waise hi itna maar kha chuke hai. Uss se achi wo Shikha thi, kam se kam humko aise maar na padi na uss se na uske baap se. Main toh kehra hoon, usko hi fix kar lo bhai khush rahoge. Badh mei na jama toh Chachi ki pasand ki ladki se shadi kar lena par filhal ke liye aur kissi ke piche na bhago.'' Birju ne samjhate hue Vineet se kaha.

Vineet uski aur badha aur uske kandhe pe haath rakha,''baat toh teri sahi hai Birju lekin apni puri jawani ek ladki ke piche kyun barbad karna. Lekin sauda bura nahi hai, Shikha jaan ke saath ghoomne mei koi burai nahi aur fir meri jaan apne mann ki bhi karne deti hai toh usko lock hi karte hai jahan tak baat rahi haseena ki toh usko toh main pata ke rahunga aur uske baap ne mere samne ghutne na teke toh mera naam bhi Vineet Sharma nahi!!'' Tevar ke saath Vineet bola aur fir teeno dost chal diya ek disha mei.

....

Idhar Ruhana college jaane ke liye taiyar ho ke baithi hai. Mishra ji ne unhe college chor aane ka prasthav rakha jo badi prashansha se Ruhana ne svikar kar kiya lekin aab musibat khadi ho gayi.

Abhi ghar se nikle bhi nahi the ki scooty band padd gayi. Mishra ji jaane kab se usse chalane ki koshish kar rahe hai par scooty maan hi na rahi, aisa lagta hai aaj scooty baap beti ko khudpe na jaane degi.

''Papa, main auto se chali jaati hoon nahi toh late ho jaayega mujhe. Sham ko isse banwa lenge hum.'' Ruhana boli, kyunki kafi waqt beet chuka hai aur ab usse derr hone lagi hai.

Kuch nirash aur thake hue Mishra ji upar dekhte hai,''haan beta yahi sahi rahega. Ye sab unn nalayakon ki wajah se hua hai,nayi scooty ko thok diya tha unhone aur dekho kaise bigad kai.'' Krodh batate hue Mishra ji bole.

''Choriye na papa, unko toh waise bhi aab police hi dekhegi!" Ruhana ne Mishra ji ko yaad dilate hue kaha, Mishra ji ne haan mei sir hilaya aur ek lambi gehri saans chodi.

Ruhana sadak pe utar aai, par ek bhi auto hi na dikh raha tha. Kuch aaye toh usnei log the, jaane kya ho raha hai. Ruhana ko aisa prateet hua jaise aaj puri kainat unhe college jaane se rok rahi ho. Par wo jayengi, yun hi apni class na chor sakti ho.

Lambe lambe kadam le Ruhana kuch aage badhi aur unke piche aaye Mishra ji. Kuch dur dono aage badhe par fir bhi auto na dikhi. Dono nirash ho gaye, aab kya kare? Kaise jaaye college ya hospital? Yahi soch mei dub gaye ki tabhi kissi ne awaz lagai unhe, dekha toh Ashish tha jo apni motorcycle se unki aur badh raha tha.

''Kya hua uncle aap dono aise road pe kyun khade hai?" Ashish ne jigyasaa purwak pucha.

''Beta hum auto dhundh rahe hai par mil na rahi, Ruhana bitiya ko college jana hai. Main toh khair paidal bhi chala jau kyunki aspatal paas mei hi hai par ye kaise jaayegi. Tab se intezaar kar rahe hain!" Mishra ji ne apni pareshani batai toh Ashish ne jhat se ulai ka tokra khol diya.

''Main chor deta hoon na Ruhana ko. Waise bhi main ussi taraf jaa raha hoon toh usse chor dunga.'' Ashish ne maine ka faida uthate hue kaha par Ruhana ne jhat se mana kar diya, wo Ashish jaise lafange ke saath katai nahi jaayegi.

''Par tumhe kaafi der ho gayi hai aur aaj shayad hi auto mile kyunki auto walon ne strike kar diya hai. Aise main tum kaise jaogi college?  Meri baat maano, mere saath chalo!" Ashish ne namrata se prasthav rakha jo Ruhana ko bilkul manjur na tha.

Lekin Mishra ji ke mann mei kuch aur vichar aaya, unhe laga ki itni choti madad toh wo le hi sakte hai Ashish se.

''Beta Ashish thik keh raha hai, tumhe der ho gayi hai aur koi auto nahi mil raha aise mei humei kissi ki toh madad leni hi padegi na toh Ashish hi sahi.'' Mishra ji Ruhana ko samjhate hue bole par Ruhana ka mann na mana.

''Beta fir kaise jaogi? Class chorni padegi tumhe?'' Mishra ji bole.

''Papa main paidal chali jaungi aap fikar maat kijiye!" Ruhana ne jawab diya jo Mishra ji ko svikar na tha.

Unhone aghra kiya ki wo Ashish sang chali jaaye. Yun toh Ruhana ko ye bilkul manjur na tha par Mishra ji ka aghra unhe manna pada.

Wo Ashish ke piche baith gayi aur dono chal diye college ki aur. Rahte mei Ashish ne kaafi koshish ki baat karne ki par Ruhana kuch na boli, akhir usse jawab dene ki badhya nahi wo, chup chap baithi rahi.

...

To be continued. ..