Bete ko yun bedardi se maar khata dekh, Sharma ji ki aatma kalap gayi. Wo Daroga ke pass girgirane lage, unke bete ko chor diya jaaye ki ghar lagane lage. Yun toh Daroga ko Vineet se koi hum dardi nahi par Sharma ji ke liye usse andar chor bahar aa gaye.

Sharda jo Sharma ji ke saath bete se milne aai thi wo darwaje pe hi pratima ki tarah reh gayi. Apne jigar ke tukde ko maar khata dekh, unka toh jaise seena phat sa gaya. Aankon se aasu behte chale jaa rahe the aur nain Vineet pe atke hue the jo sar jhukaye khada hai, maano sharminda ho.

Jab Daroga ji bahar aaye toh Sharma ji unke pass daude, haath jode unke samaksh khade hue.

''Daroga ji yun toh julm na kijiye mere bacha pe, thodi toh rehem kijiye!!" Girgirate hue Sharma ji bole.

Katu nazron se Daroga ne sharma ji ko dekha,''maaf kijiye Sharma ji par aapke iss bache ne ek bachi ki jindagi barbad karne ki koshish ki hai aur aap chahte hai hum iss pe daya kare, bhai waah!!! Putra moh mei aap itne toh andhe nahi ho sakte Shama ji ki aapko aapne bete ki galti na dikhe. Ek baat spasth roop se bata dena chahta hoon, aapka beta toh chootne se raha. Jo isne kiya hai uske liye kadi se kadi saza milegi isse tabhi akal aayegi laad sahab ko aur aap log bhi shayad tabhi samjhenge aise bachon ko badhawa dene ka kya anjaam hota hai!!" Sharma ji ko phatkarte hue Daroga bola.

Aaj tak jinke samne kissi ne tu - tara kar ke baat nahi ki thi, aadar se sar jhuka ke baat karte the log ussi Sharma ji ko mujrim ki tarah lachar sa khada kar diya gaya hai aur danta jaa raha hai, uspe bhi Sharma ji girhira hi rahe  hai, akhir kare bhi kya bete ka jo sawal hai.

''Aise na kahiye Daroga ji, mere bache ki zindagi barbad ho jaayegi!!" Sharma ji girgiraye.

Kuch dang ho ke Daroga ne Sharma ji ko dekha, shayad samajhne ki koshish kar rahe the ki akhir Sharma ji jaisa vyakti itni badi galti ko nazarandaaz kar apne gunehgaar bete ke liye fariyaad kaise kar sakte hai? Wahin Sharma ji ko itna toh yakeen hai hi apne bete pe ki wo uss tarah ki ghinauni harkat nahi kar shakta, wo bhale besharm ho par kissi ki izzat uchale waisa toh katai nahi hai.

''Sharma ji chahe kuch karo, jitni bhi minat karo par beta toh aapka jail jaayega hi. Iske liye girgira ke apni izzat na uchalo yun, aapka bahut aadar karta hoon main par jo aapke bete ne kiya wo maafi layak nahi. Mujhe toh yakeen nahi hota ye aapki aulaad hai. Sach kehte hai, jisne maa baap sareef hote hai unke bache aise hi uchake hote hai. Khair, aab toh inn baaton ka koi faida bhi nahi, ek baar jurm shabit ho gaya toh lambe arse ke liye andar jaayega aapka beta aur ye toh aisa case hai ki koi bacha bhi na paayega isse, toh aap bekar ki koshish kar ke uss unar mei apni energy aur paisa iss nalayak pe zaya maat kijiye, akhir aab yahi paisa aapke budhape ka sahara hoga kyunki bete se toh koi umeed kar nahi sakte aap!!" Krurta bhare swar mei Daroga ne Sharma ji ko samjhaya jo chup se reh gaye, Vineet ne salakhon ko gusse mei dabocha par chup rahe.

Iss baar Sharda samne aai guhar lagane,''nahi Daroga ji, mera bacha aisa nahi hai. Main maanti hoon wo shaitaan hai par aisi harkat wo kabhi nahi karega.aap logon ko galatfehmi hui hai, mera bete kissi ke saath aisa nahi kar sakta, aap usse kripa kar jaane dijiye!!" Haath jor vinti karti hui Sharda boli.

''Mata ji kyun aona aur mera waqt zaya karti ho? Ye aap logon ke andhe vishwas aur badhawe ka hi natiza hai jo aapka beta aisa kar gaya. Agar aap logon ne dhyan diya hota, kuch sanskaar diye hote na bete ko toh yun aaj mere samne aap dono ko girgirana nahi padta!!" Sharda ko dhitkarte hue Daroga bols, jisse sun Vineet ke sabra ka baan tut pada kyunki wo sab bardasht kar sakta hai par apne mata pita pe lalchan nahi.

''Maine kuch nahi kiya hai!! Meri wajah se mere maa aur papa ki beizzati karne ki koshish maat karo tum!!" Vineet chillaya.

''Ohh, toh jaban hai tumhare muh mei. Mujhe toh laga yahan aate hi gunge ho gaye ho. Chalo jhooth hi sahi tumne kuch bola toh, aab main sach bhi ugalwa hi lunga tumse waise tumhare bayan ka koi mol reh bhi nahi jaayega jo ek baar uss ladki ne tumhare khilaaf gawahi de di, jo ki wo aaj nahi toh kal degi hi aur tum salakho ke andar hoge!!" Gusse mei Vineet ko ghurte hue Daroga bola.

''Meine kuch nahi kiya hai!!" Vineet ne apni baat dohrai, iss baar Sharda uske pass jaa khadi ho gayi.

''Aacha, toh tumhara jacket uske pass kaise aaya jara bataoge?? Tumne gift kar di thi kya usse?" Vyangta purwak Daroga ne pucha toh Vineet fir chup ho gaya. Akhir bole toh kya bole, bataye toh kaise bataye usne kya dekha aur kya hua.

Wo chup ho gaya aur sar jhuka liya par Sharda samajh gayi, uske bete ne kuch nahi kiya hai. Uske aankho ke aansu aur glani bhale Daroga ko na dikhe par usse dikh rahe hai.

''Sharma ji bahut ho gaya, aab aapse vinti hai meri jaiye yahan se. Aapke bete ka jhooth sach nahi banne waka kissi keemat pe, wo galat hai toh hai!!" Vishwas ke saath apni baat pe zor dete hue Daroga ne kaha.

Ki ussi waqt wahan moujud sabhi ko ek awaz sunai di, sabne sar ghuma ke dekha toh darwaje pe Mishra parivaar khada tha aur wo Ruhana thi jo boli, jisse sun uske khud ke mata pita dang rah gaye the.

''Wo sach keh raha hai Daroga ji, usne kuch nahi kiya hai wo bekasur hai!!" Ruhana ne apni baat dohrai aur Daroga ji ke pass jaa pahuchi jo puri tarah shock mei the.

''Ye...ye aap kya bol rahi hai?? Aapke pita ne hi toh complaint darj karwai hai iske khilaaf, sabut bhi diya inhone. Aur kuch din pehle aapne bhi toh shikayat ki thi na ki ye aapko pareshan karta hai, fir aab kya hua?? Kahin koi aap pe dabao toh nahi daal raha hai? Ya aap taras kha rahi hai iss ladke pe, iske mata pita ki wajah se? Dekhiye aap kissi baat ki fikar maat kijiye aur sach bataiye, hum aapke saath hai!!" Daroga ne apna hi anumaan lagate hue, Ruhana ko asuwasan diya ki usse darne ki jarurat nahi.

''Main sach hi keh rahi hoon Daroga ji!! Haan mere papa ne aapse jo kaha wo sach hai jo unhone dekha, par wo pura sach nahi hai. Isne mere saath koi jabardasti nahi ki balki mujhe bachaya hai aur apni jacket bhi ussi dohran mujhe di, inn sab mei iska koi kasur nahi hai, aap please isse jaane dijiye!!" Ruhana ne sach pe padi galatfehmi ke mitti ko udate hue aghra kiya, jisse sun Sharma ji aur Sharda gadd gadd ho uthe, aankhe khushi se chalak aai.

Daroga ka demag chakraya, jis ladki ne kuch din pehle shikayat darj karai, jiske pita ne aaj hi jabardasti karne ki shikayat darj ki, wahi ladki keh rahi hai ladka bekasur hai? Akhir ye kya baay hui?

''Lagta hai aap logon ne kanoon ko halke mei le rakha hai. Pehle toh ladke ke khilaaf shikayat karte hai aap log fir khud uske paksh mei bayan dete hai, kehte hai wo bekasur hai, bhala ye kya baat hui? Uss se aap log toh sareef kehlaoge par hum police wale toh badnaam ho jaayenge, log toh yahi kahenge hum galat logon ko pakadte firte hai aur ye ladka aur iska khandaan badnaam hua so alag!!" Daroga ji barse, unhe ye baat bilkul pasand na aai ki Mishra parivaar ne pehle ladke ke khilaaf shikayat ki, usse pakadwaya, uske sareef maa baap ko gidgidwaya aur aab khud uski begunahi ki guhaar laga rahe hai.

Ruhana kuch der thehri, aab toh usse spasth roop se hi sab batana padega nahi toh Daroga ji ko kuch samajh nahi aayega aur wo aise hi Mishra parivaar ko shaq ki nigahon se dekhenge.

''Dekhiye Daroga ji,jo shikayat meine darj karwai thi wo bilkul sahi hai, ye sach mei mera pucha karta hai aur mujhe pareshan karta hai aur aisa isne ek baar nahi kai baar kiya hai par jo aaj hua usmei iska ki kasur nahi hai balki isne mujhe bachaya hai. Mere papa ko galatfehmi ho gayi thi, kyunki mere pass iska jacket tha issliye aur jab mujhe iss baat ka pata chala toh main turant yahan aa gayi taki kissi ko kissi ki madad karne ki saza na mil jaaye!!" Ruhana ne spasthata se apni baat rakhi aur saath hi Aashish ki kartut aur sachai bhi Daroga se batai taki wo usse pakad ke sabak sikhaye, jo ki saza ka asli haqdar hai.

Ashish ka naam sun Mishra ji toh dang hi rah gaye par abhi chup rahe kyunki filhal wo kissi aur kaam se aaye the. Sharma ji phule na samaye ye jaan ke ki unke bete ne sach mei kuch galat nahi kiya hai balki kissi ki madad ki hai, wahin Daroga ji gehri chintan mei dub gaye.

''Chalo thik hai, isne koi jabardasti nahi ki par aapko pareshan toh kar hi raha tha na uske liye toh saza melegi hi isse!!" Daroga ki ye baat sun fir Sharda ka dil baith gaye, laga maano dukh ke kaale badal uske jeevan mei ghar kar gaye hai.

''Nahi!!! Matlab, main apni shikayat wapas lena chahti hoon kyunki pehle jo hua ho aaj bas iski wajah se main bach pai hoon aur main nahi chahti isse iss baat ki saza mil jaaye!!" Sharda ko nazar bhar dekhti hui Ruhana boli, jisse sun aankhon hi aankhon mei Sharda ne Ruhana ko ashirwad diya jisse namrata se Ruhana ne swikar kar liya.

Daroga ji ne kehti saans bhadi. Nayi shikayat, Aashish ke khilaaf darj ki aur Vineet ko sabhi ilzaam se mukt kar diya aur usse hawalaat se bahar nikal diya. Sharma ji aur Sharda apne bete se lipat gaye, kuch aansu roye aur wahan se usse le ke chale gaye. Mishra parivaar bhi apne ghar ko rawana hue, dil mei kai baatein thi jo aaj kar jaani thi.

....

To be continued....