This poem conveys Naina's feelings. Readers of Dil ka Dariya and the writer, Raksha ( RRao_13) herself, I couldn't stop myself from penning this down. Read this and let me know how it is.

Pyaar ke sang haseen aur khushali bhara jeevan bita rahi thi
Unke sang jaise sab accha sa lagta tha
Unki voh shararati baatein, unka pyaar karne ka dhang
Mera chehra laal rehta tha hamesha
Chadha rehta unka rang
Unki voh muskaan
Dil ko alag sukoon deti thi
Unka voh khila chehera
Zindagi trupt hone ka ehsaas dilati thi

Unka sparsh, unki chuan
Mere adhoorepan ko mitati thi
Unka mujhe apni baahon mein lena
Saare dard aur mushkilen aasaan kar deti thi
Unke kandhe pe sar rakhne se
Saari duniya ki shaanti mil jaati thi
Unki bachhon jaisi harkatein bhi
Dil lubha deti thi

Pyaar aur bharose se bhara
Aisa sambandh tha humara
Phir kyun mehez ek shak ne
Ujaad diya sab kuch aur tod diya dil mera?

Kya bas itna tha aapka bharosa
Bas itna tha aapka pyaar?
Mehez ek baat se
Meri aankhon mein jhalakta
Aapko pyaar na dikha?

Dil mera toota hain iss qadar
Jo lafzon se na ho bayan
Kya iss toote dil ke gehre ghaanvon ko
Mita payenge kabhi, bataiye zara?

Ab aur sehen nahi hota
Mohabbat ki hain aapse
Ab nafrat nahi hota
Chahe laakhon ghaanv de jaaye aap
Saccha pyaar kabhi kam nahi hota

Mere iss toote dil ka har ek hissa
Aaj bhi sirf aapse pyaar karta hain
Dard se khonkhli abhi bhi iss rooh mein
Aapke liye mohhabat palti hain!

Aapki yeh khata
Kabhi maaf na kar paun
Par aapse mohhabat kiye bina
Ek pal na jee paun

Saup diya tha khudko jis din
Aapki hi banke hamesha rahun
Judaa huye do dil toh kya
Aaj main tooti hui bhi, bas aapki hoon!

Kaash ek baar samjha hota
Aap meri rooh ki zaroorat hain
Kaise dhokha deti main aapko
Jab rug-rug mein bas aapke liye mohhabat hain!

Do share your views. Please.

Lovingly,
Pratyu