*Oberoi Mansion*
[During Breakfast]

Shivaay: Haan Dadi, Kya keh rahe the aap?

Dadi: Main keh rahi thi ki Ishq takkar waali honi chahiye! Jaise Tu aur Anika, Hain na takkar waale?

Shivaay: (holding Anika's waist) haan dadi, iss takraar ki wajah se hi hum dono ek saath Hai, kyun Anika?

Anika: (Blushing) Shivaay, Kya kar rahe Hain aap?

Dadi: Bas, jaise shivaay ki shaadi ho gayi hai, waise Om ki shaadi jaldi karwaana chahti hoon. Kyun, Jhanvi?

Jhanvi: Bilqul Maaji, main bhi yahi chahti hoon ki bahut jald ek sundar, susheel aur takkar waali dulhan aaye mere om ki zindagi mein

Omkara: Bas bhi karo! Subah-subah mood kharab kar diya hai

Shivaay: Om, mujhe pata hai ki Ishaana ki wajah se tumhara nazarya badal gaya hai, lekin zindagi bhar aise nahi reh sakte, na?

Om: Bhaiyya, itne saal akele hi reh raha hoon. Poori zindagi mein Kya hain? Waise bhi, mujhe bahut zaroori meeting ke liye jaana hai, Excuse me!

[Om enters his car and drives off. A little ahead on the same road lies a big temple]

[Enter: Gauri Kumari Sharma!]
{Note: Chotu will play the role of her friend }

Gauri: Arre Chotu! Jaldi Chal! Pandit Ji ne kaha ki aaj ki pooja bahut important hain! Main baaki prashaad lekar aa rahi hoon

Chotu: Theek Hai didi

Gauri: Jaldi Chal, Gauri! Aaj ki pooja Superhit honi chahiye!

[Suddenly, A big white car hits Gauri and she falls on the floor]

Gauri: (angrily) Hey ram! Hamaara Sara Prashaad gira diya!

(She gets up and storms towards the car)

OYE!! Gaadi agar chalaane nahi aati, toh chalaate kyun ho?

Omkara: (getting out of the car) Dekhiye...

Gauri: Haan Haan, acchi tarah se jaante hain tum jaise ameer logon ko. Gaadi haath mein aa gayi, toh Ferrari ki tarah chalane chal pade!

Omkara: (Angrily) aap toh badi badtameez ho! Pehle mere gaadi se takraati ho, phir mujh par ilzaam lagaati ho?

Gauri: Aap mein bhi bhar-bhar kar tameez nahi Hai! Aur aap andhe ho Kya? Aapko ek insaan nazar nahi aaya? Aapki wajah se itna bada nuksaan ho gaya hai mera!

Omkara: (To himself: Iss ladki ke saath aur behas karunga, toh pakka pagal ho jaoonga. Maafi maang leta hoon)

Accha, sorry! Meri galti thi! Khush?

Gauri: Hawww, aap mujh par koi ehsaan nahi kar rahe ho! Aur maafi toh tab milegi jab aap iss nuksaan ko sudhaarenge

Omkara: Kya? Kya matlab?

Gauri: Aapko hame ghar lekar jaana padega

Omkara: Excuse me? Tumhe idea bhi Hain tum kisse baat kar rahi ho? Omkara Singh Oberoi! Apni aukaat main raho, badtameez ladki

Gauri: (Angry) Oh hello! Aapka dimaag kharab ho gaya hai Kya? Main apni ghar ki baat kar rahi hoon! Yeh jo aadhe kilo ka prashaad barbaad kiya hai, yeh ghar se laana padega

Omkara: Tumhe lagta hain ki main tum par apna waqt barbaad karunga?

Gauri: Haan, ab jaldi chaliye! Pooja ek ghante mein shuru Jogi!

Oye chotu, chal, prashaad laana hain!

(Gauri and Chotu head towards the car)

Omkara: aap saamne baithiye, behtar hoga

Gauri: Oh hello! Saamne kyun baithoon? Aapki biwi-shiwi hoon Kya? Dekhiye ji, aap na, daayre main rahiye!

Omkara: Uffo! Main isliye keh raha tha kyun ki aap aasani se ghar ka Rasta bata paayeingi!

Gauri: Sab jaante Hain! Hum peeche baithkar aapko raasta batayeinge. Chal chotu!

Omkara: (To himself: Kahaan fas gaya hoon!)

(The car starts and twenty minutes later, the it enters a chawl)

Gauri: Yehi rukiye, main prashaad lekar aati hoon. Chal chotu

Omkara: (to himself: Isse zyaada bakbak karne waali ladki Maine apni zindagi main nahi dekha hai! Kitna bolti hain! Phir bhi, pata nahi kyun lekin yeh bahut alag hai)

(Gauri and chotu return, with a big steel vessel)

Chotu: Arre didi, yeh bartan toh bada Hai. Aapko saamne baithna padega

Gauri: Accha theek hai

(She opens the front door and sits)

Omkara: Kya hua? Aapne toh kaha tha ki aap humaare 'biwi-shiwi' nahi Hain

Gauri: H-h-Haan, theek Hai! Zyaada khush mat baniye! Jaldi chaliye!

(After a seemingly long drive, the car stops in front of the temple)

Gauri: Chal chotu, prashaad lekar bhaag! Main pandit ji se baat karke aati hoon

(Chotu exits the car, and Gauri steps out too)

Omkara: Thank you bolne ki tameez toh hogi aap mein?

Gauri: Thank you kyun? Isse apna farz samajhiye! Chalte hain

Omkara: (to himself) Badtameez ladki

(Gauri adjusts her dupatta and walks up the stairs leading to the temple until she stops, turns and walks back towards Om's car)

Gauri: (knocking on the window)
(The window opens)
accha ji, prashaad khaakar jaayega zaroor

(She turns and leaves)

------
That's it for Chapter 1 folks! Kaisa laga? Takraar acchi thi, na?

Please let me know your thoughts!! I'd love to talk to you guys!!

Take care :)