Nandini ghar aati hay tou ussy shano dhrav ko job na milny ka batati hay.Nandini yeh sun kar pershan ho jati hay.Shano nandini kay leye khana layne kitchen chali jati hay.Rishab school say aata hay.Uss ki ankhain suji hoti hay.Nandini ussy dekh kar uss say...

N...rishu tu ro raha hay.Keya hua,kisi nay kuch kaha...

Rishab ronny lagta hay.Nandini ussy hug kar layti hay aur Kuch dair kay bad uss say...

N...rishu kyon ro rahy ho.apni di ko nai bataye ga.hmm batao mujhay keya hua...

R(sobbing).di..di..mujhay..teacher..nay..class..main ..nai...bethny..deya..

N...par kyon.tum nay koi masti ki...

R...nai..di..mai..nay..paper ki fees nai pay ki na iss leye.di unhon nay bola hay ager monday ko fees pay na ki tou wo mujhay papers main nai bethny day gi...

Nandini yeh sun kar sad ho jati hay.Uss kay pass jo paisay thy wo dhrav nay lay leye thy.Ussy tuition fees b next month he lay gi.Wo rishab ki fee kahan say pay kar.Rishab bright student tha,iss leye wo teacher ki dhamki say dar geya tha...

N...rishu,roty nai hay.tum fikar na kar monday ko tumari paper fee pay ho jaye gi.bas tum apni study par focus karo....

Shano jo kitchen say aa rahi hoti hay.Wo rishab aur nandini ki bat sun kar sad hoti hay aur phir rishab say...

S...rishu bacha,di nay kaha ha tension na lo.theek hay.

Rishab smile karta hua nodded.Shano phir rishab say...

S...abb jao change kar kay aao phir khana khaty hay...

Rishab room chala jata hay.Nandini ko sochta dekh kar shano uss say...

S...keya soch rahi ho nandu...

N...amma,rishu ko tou bol deya hay par fees aaye ki kaha say.mery pass jo paisay thy wo bhai ko day deye thy.abi tuition fees aany main time hay.unn say advance b nai lay sakti...

S...beta tum fikar na kar.mrs sharma kay kapre silai ho gaye hay.Kal he unhain day aaongi aur jo paisay aaye wo rishu ki fees day dayna aur baki apni pass rakh layna...

N...amma,wo kal day paisay day tou day gi na...

S...haan uss ka hisa bohot saaf hota hay.kal subha day aana.pata nai dhrav ko nukari kab mily gi.nandu bacha tumain mehnat karta dekh kar mujhay bohot dukh hota hay.Jo kam bety karty hay wo tum kar rahi ho...

N...amma,..

S.(ansoo rukty hue).nai beta bolny do.tum b keya sochti ho gi na.arey betiyan tou apny maa baap kay ghar shehzadiyon jaisa rahti hay.Apni bat puri karwany kay leye zid karti hay par tu nay ajj tak kuch nai manga na kabi zid ki.balkay humary leye mehnat karti hay...

N...amma,yeh mera b ghar hay.ager main kuch karti hon tou apny ghar kay leye.mai khush hon.choriye app b keya baatain lay kar beth gayi.mujhay bhook lagi hay...

S...mai upar waly say dua karongi tum jis ghar jao,tuamin itni kushiyan mily kay tum humain b bhool jao...

N.(smile karty hue).pehli bat tou yeh nai app ko chor kar nai jany wsli aur bhala koi apni maa ko bhool sakta hay keya.Ager app ka airada mujhay bhagany ka hua tou,mai apny hony waly pati say bol dongi ussy mery ghar aa kar rahna hoga wo shadi cancel.abb khush...

S...haha jaisay wo teri bat man lay ga...

Dono baatain kar rahi hoti hay aur dhrav aata hay.Bandini uss say job ka pochti hay jaisay sun kar wo,gussa ho jata hay aur uss say...

D...ghar aaty he tumari investigation shuru.arey nai mili nukari tou keya karon.apni jaan lay lon.tum khush ho jao gi...

Shano aur nandini dhrav kay gussa karny par heran rah jati hay.Shano nandini ko hurt hota dekh dhrav say...

S...dhrav wo sirf poch rahi thi.tum uss bechari par gussa kyon ho rahy ho...

D...koi mujh say kuch na pochy tou behtar hoga.samjhi app dono aur amma khany main keya hay...

S...dal thi ghar main wahi banayi hay...

D..mujhay nai khani dal aur keya roz roz dal bana dayti ho...

Aur apny room main chala jata hay.Dhrav janboj kar nandini ko daanta hay aur khany say iss leye mana kar dayta hay wo  aliya kay sath lunch kar chuka tha.Wo room main aa kar aliya ko call kar kay baatain karny lagta hay...

Nandini ko udas dekh kar shano uss say...

S...bacha tum udas na ho.wo nukari ki wajah say pershan hay.Iss leye aisa bol deya hay...

N...janti hon amma. mai khana lati hon. rishu ko b bhook lagi hogi

Uth kar kitchen chali jati hay.Shano soch main par jati hay...

Four Month Later...

Malhotra House...

Raj bacho ko lay kar pershan tha.Neyo ki apny bacho kay future ki koi fikar nai thi.Raj navya kay ghar chor aany par gussa tha par biwi kay aagay bolny ka kuch faida nai tha.Wo navya ko samjhta tou neyo larny lagti...

Navya b pershan thi kay cabir uss din kay bad ma ussy layne aaya tha na koi call ki thi.Navya aur neyo samjh rahi thi kay abeer ko wajah say cabir ussy layne aaye ga aur neyo apni sharton par ussy wapis bjaye gi par cabir nay abeer ki b koi khabar nai li.Yeh bat neyo ko pershan karti par wo cabir na sahi,uss ki maa nay b bahu paty ka nai pocha...

Pehly kabi jab b aisa hota tou cabir ki maa roz chakar lagati.Neyo la mood hota tou wo bat karti warna uss ki insult kar kay bhej dayti.Iss bar na wo aayi aur na phone keya...

Neyo mukti kay leye b fikar mand thi.Uss ki age guzrti ja rahi thi par abhi kay ghar walon nay shadi ka socha tak nai tha.Mukti ka rishta neyo apni dost kay bety kay sath karti hay.Abhi out of country job karta tha.Neyo unn kay ghar jany ka sochti hay...

Dosari Taraf manik ki pehchan aik corrupt police officer ki thi.Neyo ki dost ussy iss bat ka tana dayti.Neyo ko dar tha kay wo kahain rishta na tur day...

Neyo apni dost kay ghar jati hay.Uss ki dost ussy dekh kar zayida khush nai hoti.Neyo baaton baaton main mukti aur  abhi ki shadi ka zikar karti hay.Wo apni dost say...

Ne...priya,Abhi ka wapisi ka keya airada hay.abb tou jiya aur piya ki rishta b achi jagah jo geya hay.Abhi aa jaye tou teeno ki shadi aik sath he kar do...

P...abi abhimaniyu ki wapisi ka koi airada nai.Uss nay kaha hay,jab tak meri teeno behnay apny ghar ki na ho jaye meri shadi ki bat  b apni zubaan par mat laye...

Ne...arey priya mai mukti ko kab tak ghar bethaye rakhon.meri aliya kay b rishty aa rahy hay.phir manik ki b shadi karni hay....

P...neyo,abb mai keya kah sakti hon.tum aisa kyon nai karti,aliya aur manik ki shadi kar do. phir jab abhi aaye ga tou mukti ki ho jaye gi.waisay b manik sab say bara hay.abb uss ki shadi jo jani chahye.umar dekh uss ki.uss kay sath kay do do bacho kay baap b ban gaye...

Neyo priya ki baaton say gussa ho jati hay par gusse ko control karty hue priya say...

Ne...yeh keya bat hue mai mukti kay hoty mai aliya ka bary main kaisay soch sakti hon.log nai pochy gay bari beti bethi hay aur choti ki shadi karny chali.Rahi bat manik ki tou mard ki umar koi nai dekhta.mard chahy jitni umar ka kyon ho ussy kam umar larki mil he jati hay par larki ki umar dekhi jati hay.Abb apni jiya ko he dekh lo.uss kay rishty kay leye tumain keya kuch nai karna parha umar ki wajah say.abb ja kar bat teh hui hay...

Priya neyo ka taunt samjh jati hay par kuch nai bolti.Neyo bari chalaki say phir ussy samjhany lagti hay.Priya ko neyo ki baatain sahi lagti hay aur wo neyo say abhi ko jald wapis aany ka boly gi aur ussy shadi ki tayari karny ka bolti hay.Neyo apni chal kamiyab hony par khush thi aur phir dono idar udar ki baatain karny lagti hay.Kuch dair bethny kay bad neyo ghar jany kay leye nikal jati hay...

Time skip...

Neyo ghar aa kar sab ko batati hay.Sab khush ho jaty hay aur mukti blush karti hui room main chali jati hay...

Neyo manik aur raj say bat karti hay jaisay sun kar aliya kay shocked rah jati hay...

Continue...

Next...May be Manan first meeting...

Guys here is the 4th part of this story but i am very disappointed with the response...

I
A

ger story pasand nai aa rahi tou tell me na mai ussy hold on par kar dayti hon.Kyon kay bar bar bolna mujhay b acha nai lagta but at least response tou do...

Aik aur bat pochna thi story slowly slowly aagay barhy ya fast because iss story ko main sirf 20 ya 25 part tak plan keya hay.App log apna opinion share kary...

Thank You