#زواج-ثم-نهوة
الكاتب ابراهيم الجميلي
#البارت 3
علي… صباح الخير يمه
الام… هلا
علي.. يمه فدوة اروحلج ليش تكسرين فرحتي ولله مريم حبابه
الام… الي يسمعك هسه يكول مهتم لزعل امك شو انته بالحالتين مكمل عرسك قابل واكف عليه
علي.. يمة وتراب ابويه احبهه ليش هيج تسوين
الام.. شمسويه قابل هادة عليهم خل ياخذنك بالعافيه عليهن اني اربي وانطي للنساوين
علي… اوووف يمه كافي بروح اهلج العرس الجمعه كافي فكيهه عاد شتكول العالم
الام… الله يهنيك شريد منك
علي… طلعت من البيت وروحي زهكانه بسبب امي الي دومها تعارضني بكلشي اريدة متقبل خلصت اثاث بيتنه اني ومريم جان لون الاثاث كله ككوي وبيجي حلو هيج الوان بس غرفه النوم بيضه خابرت مريم… الووو
مريم… هلا علي
علي… يبعد علي وعشيرته شلونج
مريم.. الحمدلله انته شلونك
علي… ولله تعبان ستوني خلصت من البيت ورايح احجز قاعه حضري روحج باجر للصالون
مريم.. انشالله يلا الله وياك .. طول خطوبتنه طبعا استمرت شهر واسبوع تقريبا ماحجينه كلام حب كلامنه جان كله رسمي لاهوة حكه ولا اني وحتى لو حاجي هوة جنت ماراح اتقبل كلامة لان اني كلمة عمو كوة كدرت الغيهه .. صار ثاني يوم واجه علي
علي… يلا طلعي بالباب اني
مريم… ايي طالعه.. صباح الخير
علي زينب… صباح العافيه
علي.. شلونج بويه
مريم.. الحمدلله انتو شلونكم
زينب علي… الحمدلله بخير
علي… خو مانعسانه
مريم.. لا نمت من وكت البارحه
علي.. عفيه بنيتي زينب يبعد اخوج ديري بالج على مريم وقبل لتخلصون ب ربع ساعه خابريني اجيكم
زينب… صار خويه. يلا مريم
مريم… دخلنه للصالون ميشتلي شعري وصبغته وحفت وجهي وسوتلي تنضيف بشرة وحمام مغربي ماخلت شي ماسوته بحيث بلشت من ال10 صبح لل8 بليل اله خلصت بس من شفت شكلي تغيرت جذريا خلصنه وزينب خابرت علي اجانه
زينب.. يلا حبيبتي نطلع اجه علي
مريم.. ايي طالعه. صعدنه بالسيارة وعلي بس يباوعلي كلش استحيت من نضراته وزينب تضحك
زينب.. خويه لتگلبنه بعد روحي وصلني اني بالبداية وبعدين مريم
علي.. ماشي.. وصلت زينب وصفطت على صفحه مكان مابيه احد
مريم… ها علي ليش وكفت
علي.. اريد اشوف لون شعرج بلا فتحي الحجاب
مريم.. شسالفه علي بعدين تشوفه امشي هسه منا ناس
علي.. ترا مو غبي اول شي جام مضلل وماكو احد بالشارع خل اشوف شعرج يلا
مريم.. فتحت حجابي شاف شعري والتغيير بقى صافن
علي.. هاي شمسويه بيج ام الصالون گالبتج گلاب
مريم… مو حلو يعني
علي… لا حلو بس مغيرتج هواي عدلي حجابج بويه راح نوصل
مريم… ايي ماشي. وصلنه نزلت
علي… ديري بالج على روحج ونامي ارتاحي
مريم… ماشي يلا الله وياك
علي… نزلت مريم وفرحان من جهه زواج من البنيه الجنت اتمناهه قرب ومن جهه ضايج بسبب امي الي كل ما ادخل للبيت تسمعني حجي
مريم.. مشت الايام واليوم العرس سويناه حنه وزفه بيوم واحد رحت الصبح للصالون وهم بلشت بيه شغل لمن للعصر خلصت باوعت لروحي بالمراية انصدمت من شكلي المكياج مكبرني عبالك عمري 20 سنه بس حيل حلو والتسريحه جانت حيل حلوة مرفوعه ونازل منهه خصل برمتهن كلشي جان حلو
علي.. اليوم زواج حيل فرحان كعدت الصبح نزلت الامي بست راسهه وايدها يمه بروح ابويه ارضي عليه وخلي فرحتي تكمل لتكسرين بيه
الام… الله يهنيك ويسعدك
علي… نفس كلامهه مثل كل مرا ماكو كل فايدة من كلامي الله كريم عفتهه وطلعت بمرور الوقت تتقبل الوضع رحت للحلاق وكملت كلشي صارت ب4 رحت للقاعه وبدت المعازيم تجي شويه شويه وبلشت الاغاني والشباب تركص ولكل فرحان شويه وخابرتني زينب
زينب.. يلا خويه راح نوصل تعال للقاعه حتى ادخلون سويه
علي… دقايق يمكم
مريم… طلعنه من الصالون للقاعه گبل دخلنه اني وعلي والكل يباوع علينه وهلاهل وجكليت وعلي جان مبتسم واني كذالك بس ابتسامه مو فرح لا ابتسامه لا اراديا كعدنه عالكوشه وبلشت الصور والاغاني لمن طلع علي
تصويتكم💜💜💜
Bạn đang đọc truyện trên: Truyen2U.Pro