Io vulesse truvà pace; ma na pace senza morte.
Una, mmiez'a tanta porte, s'arapesse pè campà!
S'arapesse na matina, na matin' 'e primavera,
e arrivasse fin' 'a sera senza dì: « nzerràte llà ».
Senza sentere cchiù 'a ggente ca te dice: « io faccio..., io dico », senza sentere l'amico ca te vene a cunziglià. Senza senter' 'a famiglia ca te dice:« Ma ch' 'e fatto? » Senza scennere cchiù a patto c' 'a cuscienza e 'a dignità.
Senza leggere 'o giurnale... 'a nutizia impressionante, ch'è nu guaio pè tutte quante e nun tiene che ce fà.
Senza sentere 'o duttore ca te spiega a malatia... 'a ricett' in farmacia... l'onorario ch' 'e 'a pavà.
Senza sentere stu core ca te parla 'e Cuncettina, Rita, Brigida, Nannina... Chesta sì... Chell'ata no.
Pecchè, insomma, si vuò pace e nun sentere cchiù niente, 'e 'a sperà ca sulamente ven' 'a morte a te piglià.
Io vulesse truvà pace ma na pace senza morte.
Una, mmiez'a tanta porte, s'arapesse pè campà! S'arapesse na matina, na matin' 'e primavera... e arrivasse fin' 'a sera senza dì: « nzerràte llà »

Eduardo De Filippo

https://www.youtube.com/watch?v=q2cI1WZjqG8

Io vorrei trovare pace

Io vorrei trovare pace; ma una pace senza morte.
Una, in mezzo a tante porte, si aprisse per vivere!
Si aprisse una mattina, una mattina di primavera, e arrivasse fino a sera senza dire: - chiudete a doppia mandata.-
Senza sentire più la gente che dice:- io faccio..., io dico, -
Senza sentire più l'amico che ti viene a consigliare.
Senza sentire la famiglia che ti dice: - ma che hai fatto? -
Senza più scendere a patti con la coscienza e la dignità.
Senza leggere il giornale...la notizia impressionante, che c'è un guaio per tutti quanti e non ci puoi fare niente.
Senza sentire il dottore che ti spiega la malattia...la ricetta in farmacia...l'onorario che devi pagare.
Senza sentire questo cuore che ti parla di Concettina, Rita, Brigida, Nannina...questa sì...quell'altra no.
Perché, insomma, se vuoi pace e non sentire più  niente, devi sperare che solamente viene la morte a prenderti.
Io vorrei trovare pace; ma una pace senza morte.
Una, in mezzo a tante porte, si aprisse per vivere!
Si aprisse una mattina, una mattina di primavera, e arrivasse fino a sera senza dire: - chiudete a doppia mandata.-

Eduardo De Filippo