Kabanata 13

Fall

Bumabagabag sa akin ang lahat ng nangyari sa araw na iyon. Una ay iyong tungkol kay Eric, sunod naman ay iyong tungkol kay Kid, at pang huli ay iyong kay Rage.

Tama kaya ang desisyon kong ito? Tama kaya na pupunta ako kina Rage para sa dinner na sinasabi ni Kid? Wala ng oras sa pag iisip. Ilang minuto na lang ay bababa na si Mia para makapag ayos na at makababa na kami sa building. Susunduin daw kami ni Kid. Maagang umuwi si Rage kaya kanina ko pa natapos ang paglilinis sa kanyang opisina.

Kinuha ko kaagad ang jacket na pinahiram niya sa akin nong birthday ni Logan. Kailangan ko itong isoli sa kanya. Mukhang mamahalin at nahihiya na nga ako dahil medyo matagal nang naibalik ko ito. Pahirapan kasi sa paglalaba dito sa Lounge. Nahihiya akong gumamit ng tubig. Minsan lang ako nakakapag laba kaya halos ubusan ng damit ang nangyayari sa akin araw-araw.

Mabuti na lang at may natitira pa akong damit. Naka maong na pants ako at isang simpleng puting sleeveless. Bumukas ang pintuan at bumungad sa akin ang excited na mukha ni Mia.

"Magbibihis lang ako." Aniya.

Tumango ako at pinanood ko siyang magbihis.

Hindi ko mapigilan ang paglipad ng utak ko sa lahat ng mga sinabi ni Rage kanina. "Date him, then..." Bakit kahit paano ko ideny ay naiisip kong nagseselos siya? Bakit para akong kinikiliti tuwing naiisip kong nagseselos siya.

"Sunny, baka itakbo na kita sa mental?"

Napatingin ako kay Mia na ngayon ay nakapagbihis na ng shorts at kulay pulang spaghetti strap.

"Ngumingiti ka ng mag isa diyan." Halakhak niya.

Pinilig ko ang ulo ko at tumayo na agad galing sa pagkakaupo. "Tayo na." Sabay kuha ko sa jacket at tsinelas na kay Rage din.

"Hmm. Nag iiwas ng topic." Halakhak niya. "Dapat ay nag shorts ka. Ipakita mo 'yong legs mo!"

Umiling na lang ako sa mga iniisip ni Mia. Marami siyang naiisip at lahat ng iyon ay tungkol sa pagkakagusto ni Rage sa akin.

"Akala ko ba ayaw mo ng mga mayayaman kasi nanggagamit sila?" Nagtaas ako ng kilay pagkatapos niya akong ipagkanulo sa kay Rage habang nasa elevator kami.

Bumukas ang elevator at sabay kaming lumabas doon. Nagtungo kami sa double doors na pintuan ng building para maghintay sa pag labas ni Kid.

"Well," Kibit balikat niya. "Nakakakilig parin pala kahit papano."

Umiling na lang ako at hindi ko siya maintindihan. May mga prinsipyo siyang mabilis mabali. At natatakot akong ganon din iyon para sa akin. "Sobrang aga pa para sabihin 'yan."

Kasi paano kung iba ang habol niya sa akin? Paano kung iyon lang ang habol niya sa akin? Hindi natin alam. Ang sarap magpatianod sa nararamdaman mo pero masakit naman sa huli.

"Oo nga naman. Mag iisang buwan pa lang kayong magkakilala, diba?" Aniya at nag ngiting aso ulit.

Hindi na ako nagsalita. May pumaradang itim na Vios sa harapan namin. Bumaba ang salamin at nakita kong si Kid ang nasa loob. Tinuro agad ni Mia ang front seat habang sumasakay siya sa likod. Napatunganga pa ako bago ko binuksan ang pintuan ng front seat para makasakay.

"Nice." Bulong ni Logan sabay ngiti sa akin.

Nginitian ko rin siya. Pinaandar niya ang kanyang sasakyan. Si Mia ay marami agad naisip na topic habang papunta kami doon.

"Nakakahiya talaga 'to pero hindi namin matanggihan ang offer mo, Kid." Ani Mia sa tonong mukha namang hindi nahihiya.

"No problem. I actually want to do this for the next few weeks." Ani Kid sabay sulyap sa akin.

Narinig ko ang sipol ni Mia. Uminit ang pisngi ko at nag iwas ng tingin kay Kid.

"By the way, sabi mo wala kang cellphone?" Ani Kid kaya napabaling ulit ako sa kanya.

"Uhm, oo, pero bibili rin ako. Kailangan ko non." Sabi ko.

"I have a spare phone. You can use it." Aniya sabay kuha sa dashboard nong nakalapag doon na cellphone. Maliit na Samsung touchscreen ang nilagay niya sa kamay ko.

"Naku! Wa'g na. Hindi ko 'to matatanggap." Mabilis kong sinabi.

"Bakit? Walang gumagamit niyan kaya naisip kong ipapahiram ko sa'yo." Ani Kid.

"Tanggapin mo na, Sunny. Stone age pa 'yong pinanggalingan mo kaya wala kang cellphone." Sambit ni Mia sa likod.

"Hindi talaga, Kid. Hindi ko 'to matatanggap." Sabi ko ulit. "Bibili naman ako. I promise bibili ako next week."

Kumunot ang noo ni Kid. "Makaka save ka, Sunny. Hindi mo na kailangang bumili ng cellphone kaya iipon mo na lang ang pera mo."

"Nakakahiya 'to. Ayaw kong isipin mong-"

Pinutol ako ni Kid. "Alam ko. Kaya nga sinabi kong pinapahiram kita. Pagnakaipon ka na at nakakuha ng cellphone mo, pwede mo rin namang isoli. Although, you don't need to do that. Pwedeng sayo na 'yan kung gusto mo."

"Sunny, hiram lang naman..." Dagdag ni Mia.

Pinagtulungan ako ng dalawa. Nilagay ko ang cellphone na pinahiram ni Kid sa ibabaw ng jacket ni Rage. Mukhang wala akong choice. Pero hindi ko talaga 'to kayang tanggapin. Kung sana ay pwede ko 'tong iwan dito sa kanyang sasakyan nang sa ganon ay hindi ko 'to matanggap ay gagawin ko na.

Bumukas ang malaking gate ng bahay ni Rage. Hindi ko man lang nakita kung sinong nagbukas ng gate. Automatic ba ito?

Nakita ko kung gaano ka lawak ang garden at ang garahe. May apat na saradong garahe at isang bukas. Sa loob ay may sasakyang may kumikinang na Prado sa likod. Nandito siya sa bahay nila.

Noong una akong nakarating dito ay maraming nakapark na sasakyan sa garden. Ngayon ay bukod sa nasa loob ng garahe ay may isang malaking SUV pa na tingin ko ay kay Logan naman dahil sa plate number nitong sumisigaw na LOGAN. Pinark ni Kid ang kanyang sasakyan sa tabi nong kay Logan.

"Let's go?" Sabi ni Kid.

Tumango ako at binuksan ko kaagad ang pintuan. Lumilinga linga pa si Mia sa buong garden. Siguro ay tulad ko, ngayon lang niya nakita ang garden na ito ng walang maraming nakaparadang sasakyan.

"Anong gusto mong kainin, Sunny? I can cook." Ngumiti si Kid.

Nagulat ako sa sinabi niya. Wala sa itsura niya na nagluluto siya. Ang mga mata niya ay ngumingiti habang naghihintay sa sasabihin ko. "Kahit ano. Ano bang kaya mo?" Tanong ko.

"Ouch! You're insulting me!" Tawa ni Kid. "Kahit ano. I can cook anything you want me to cook."

Humalakhak si Mia. "Wow! Pasta?"

"Yup, kaya ko ang pasta." Ani Kid sabay tingin kay Mia.

Ngumiti ako. "Sige, pasta."

Ngumuso siya. "That's for dinner? Well, okay. Ako na bahala sa iba pang dish." Kindat niya.

Mas lalo akong nahiya. Hindi ko alam na ipagluluto pala kami ni Kid. Impressed ako dahil nagluluto pala siya pero nahihiya ako dahil ipagluluto niya pa kami. Naisip ko tuloy kung may katulong ba si Rage sa kanilang bahay? Sa laki nito ay imposibleng wala. Naaalala ko nang kinailangan niya ng tsinelas ay napahiram niya agad ako. May inutusan siya non kaya malamang ay may katulong nga siya.

Mas namangha ako sa bahay ni Rage nang pumasok kami. Kulay dark brown at cream ang kumbinasyon ng kulay sa buong bahay. Marami din ang glass tulad na lang ng malaking glass door sa living room palabas doon sa may pool. Dark brown ang carpet. Sobrang liwanag dahil sa mga ilaw. Hindi tulad ng una kong pagpunta dito, umaalingawngaw ngayon ang stereo nila ng mga instrumental music.

Tumambad agad sa akin si Logan na naka sleeveless na mukhang gutay gutay habang nag bi-billiard sa may malaking living room. May kasama siyang dalawang makikinis na babae na parehong mukhang mabait, elegante, at anak mayaman.

"Jackie, good shot! You're amazing!" Naabutan namin siyang pinupuri iyong mahinhing nakapasok ng billiard ball.

"Logan!" Sabi ni Kid sabay high five sa kaibigan.

"Uyy! Nandito na pala kayo! Bilisan mo, I'm hungry." Ani Logan sabay tingin sa akin at ngisi.

"Katerina, Jackie!" Nag beso si Kid sa dalawang kasama ni Logan.

"Give me thirty minutes in the kitchen." Tawa ni Kid.

Luminga linga ako sa buong bahay para hanapin sana si Rage. Asan kaya siya? Nandito ang sasakyan niya kaya malamang nandito siya.

"May cook naman na dumating ngayon. Tumulong ka na lang." Ani Logan.

"Where's your cousin?" Tanong ni Kid na nakakunot ang noo.

Bumaling agad ako sa kanila dahil ako mismo ay gustong malaman ang sagot. "Upstairs." Sagot ni Logan.

Maingay na napabuntong hininga si Jackie, ang isa sa mga babae. "Please convince him to come, Kid. Can you?"

Nagkatinginan kami ni Mia. Ngumiti si Mia sa akin. Napatalon ako nang biglang nagsalita si Kid.

"Oh, my bad. These are my friends. Si Mia tsaka si Sunny." Ani Kid.

Nginitian ko ang dalawang babae ngunit hindi man lang lumingon si Jackie sa akin. Naglahad ng kamay si Katerina sa akin at kay Mia kaya tinanggap namin iyon.

"Ito naman si Jackie at Katerina." Ani Kid.

Hindi talaga tumitingin si Jackie sa akin. Binalewala ko na lang din. Sumulyap lang siya nang sinabi ni Mia na uupo na lang muna daw siya sa sofa habang si Kid naman ay nagpaalam papuntang kitchen.

"Thirty minutes then we can talk. Can you wait, Sunny?" Nagtaas ng kilay si Kid sa akin.

"Syempre." Sabi ko sabay upo sa sofa.

Hindi ko makausap si Mia dahil kunot na ang kanyang noo habang hinaharap ang kanyang cellphone. Pinanood ko na lang sina Logan na ngayon ay patuloy parin sa paglalaro. Tiningnan ko ang hagdanang nasa gilid. Kung nasa taas si Rage, pwede ko ba siyang puntahan? Isosoli ko lang sa kanya itong jacket at tsinelas. Kung hindi ko siya makita ay alam ko naman kung saan 'yong gym sa bahay niya, doon ko na lang ito ilalagay.

"Mia..." Sambit ko dahil hindi parin nawawala ang paningin niya sa kanyang cellphone.

"Hmm?"

"Dito ka lang muna ah? Aakyat lang ako. Isosoli ko 'to kay Rage." Sabi ko.

Nag angat siya ng tingin sa akin. "Okay." at ngumisi.

Umiling ako. "Wa'g kang dirty minded. Isosoli ko lang 'to. Baka kasi di na 'yon bumaba."

Tumango si Mia. Binuksan niya ang bibig niya para magsalita ngunit di ko na siya hinayaan pa. Mabilis na akong nagtungo sa hagdanan at umakyat ng dahan dahan, nagdadasal na sana ay hindi ako makita nina Logan, Jackie, at Katerina na umaakyat dito.

Nang sa wakas ay nasa ikalawang palapag na ako ay hinalughog ko kaagad ang corridor. Hindi ko naman pwedeng buksan ang mga pintuan ng kwarto kaya ang tanging nagawa ko ay ang titigan ang mga ito.

"Asan kaya 'yon..." Bulong ko sa aking sarili.

Napagod ako sa paulit ulit kong paglalakad sa mga kwartong hindi ko naman pwedeng buksan. Suminghap ako at tumigil sa pintuan ng kanyang gym. Dito ko na lang talaga ilalagay.

Pinihit ko ang door handle ng pintuan. Narinig ko kaagad ang kalabog ng punching bag. May tao! Dahan dahan ang pag bukas ko. Nagtatago pa ako sa pintuan habang pinapanood ko si Rage na sinusuntok iyon pabalik balik.

Naka topless siya kaya kitang kita ko rin ang pawis sa kanyang katawan. Bawat galaw niya ay mas nadedepina ang kanyang muscles. Nanlalaki ang mga mata ko habang pinapanood ko siyang ganon. Kita ko rin ang puting bandage sa kanyang kamay na tumatama sa kulay itim na punching bag sa gilid lang ng boxing ring.

Mahigpit ang hawak ko sa tsinelas at jacket pero hindi ko alam kung paano ko iyon nabitiwan. Lumikha ng maingay na tunog kaya naman napalingon agad si Rage sa banda ko. Tumigil siya at hinihingal habang tinitingnan ang kalahati ng aking katawang nagtatago sa pintuan.

Kinagat ko ang labi ko at pinulot ko na lang iyong jacket at tsinelas. Uminit ang pisngi ko sa pangyayari. Wala na akong kawala. Kailangan ko nang magpakita.

Dalawang beses akong humakbang, tama lang para makita niya ako ng buo. Hinaplos niya ang kanyang kamao pagkatapos ay kinuha ang tuwalya sa gilid.

"Uhm..." Panimula ko. "Isosoli ko lang 'yong jacket mo tsaka tsinelas."

Hindi siya umimik. Yumuko lang siya at kinuha niya ang tubig sa gilid ng boxing ring. Uminom siya don at umupo sa may hagdanan ng boxing ring. Nakatingin siya sa akin. Kumalabog ang puso ko. Ayaw ko talaga ng tinitingnan niya lang ako nang di siya nagsasalita.

Kumunot ang noo ko.

"Kung ayaw mo akong kausapin, iiwan ko na lang dito 'yong jacket at tsinelas mo." Sabi ko sabay tungo sa isang table na medyo malapit sa kanya.

Nakita ko ang malademonyong ngiti na naglaro sa kanyang labi. Mas lalo lang akong nairita.

Stop smirking! Grrr! Hindi ko siya mabasa! Hindi ko alam kung ano ang laman ng kokote niya!

"I thought you'll date Kid?" Nagtaas siya ng kilay sa akin.

Pinaglaruan niya ang lalagyan ng kanyang tubig.

"Ipagluluto niya ako kasi gusto ko ng pasta. Ang bait niya." Ngisi ko.

Nagbago agad ang ekspresyon sa kanyang mukha.

"Salamat sa pagpapahiram nito. Bababa na ako." Sabi ko.

"Wait up!" Aniya. "Kakarating niyo lang diba? Matagal maluto 'yong pasta unless nagpatulong siya sa cook ko. He's probably scared it would taste bad." Sabay kalas sa bandage ng kanyang kamao.

"Sinasabi mong nagpatulong siya sa cook mo? Na hindi siya masarap magluto?" Medyo iritado kong sinabi.

Napatingin siya sa akin.

"Ikaw ang hindi marunong magluto. Kailangan mo pa ng cook para lang makakain." Inis ko ulit na sinabi.

Tumawa siya. "You wanna bet?"

Kumulo ang dugo ko sa kanya. Naiirita ako dahil sa tono ng boses niya. Naghahamon siya at hindi ko alam kung bakit ganyan!

Tumayo siya. Kahit na hindi naman kami ganon ka lapit ay napaatras ako. Hindi ko kayang mapalapit sa kanya habang ganyan ang suot niya. Iniwas ko ang tingin ko sa kanya.

"No, thanks. Abala ako kay Kid." Tinalikuran ko kaagad siya dahil sa pagkakairita ko. Hindi ko siya ma ispeling at ayaw ko na rin siyang intindihin.

"You'll fall for me after tonight. Hindi mo makikita si Kid kahit na kayo ang magkasama." Aniya na mas lalong ikinagalit ko.

Binalingan ko siya at nakita ko kung gaano rin siya ka iritado. Nakangiti siya ngunit pula ang kanyang mga mata dahil sa inis. Nag igting ang panga niya ngunit hindi ko na napigilan ang sarili ko. "Sige! Let's bet! Sigurado akong mananalo ako!" Talo na ako. Alam ko 'yon. "Dahil hinding hindi ako mahuhulog sa womanizer na tulad mo!"

Umangat ang gilid ng kanyang mga labi. "Nahuhulog ka na. Alam mo 'yan. At dapat malaman mong hindi 'yan maganda."

Shit? Halos tumakbo ako palabas ng kanyang gym. Oo! Shit! Alam kong hindi 'to maganda!