Aaj phir pyaar par likhna shuru kia,
to yeh kalam rukne ka naam nhi le rhi.
Kyuki,
iss kalam ne pehle hi kayi kisse sun rakhe hai tumhare,
ki bas ab yeh unhe inn panno pr taraashna chahti hai.
Aakhir tumhari tareefe hi to mene itni kardi isse
ki yeh bhi chup nhi beeth paa rhi.

Aaj tum bhi suno jo mene iss dil ke ek kone mei sanjhorkar rakha hai kabse.

Tum vo ho jisne bataaya ki pyaar hai kya.
Pyaar to mehaz ek shabd tha pr ab ek ehsaas ban gya hai.
Tumne meri raat ki neend nhi udhayi,
pr raat ko muskurake chain se sone ki vajah di.
Tum vo ho jisne akele khadhe rehna sikhaaya,
pr palatkar agar mudhke dikha to tumhe humesha saath paaya.

Koi ghodhe par sawaar kahaanio ka rajkumar nhi,
tum vo ho jisne meri sachai ko hakikat banaaya.
Tumne kahi baar yoo mazaak mei dil bhi dukhaya,
par humesha kuch na kuch karke mujhe manaaya.
Tum vo ho jiska bethe-bethe kabhi bhi khayaal aa jata hai,
phir ek muskaan chehre pr de jaata hai.
Tumhare vajah se kitne logo ne pagal karaar kr dia hai mujhe,
pr yeh bhi humne garv ke saath qaboola hai.

Ab yeh kalam thodha therne ko keh rhi hai.
Pr tumhari tareef to abhi shuru bhi nahi hui!
Iss baat ko adhoora chodhne ko mann nahi maan rha,
pr yeh shyahi khatam kyu ho gyi!
Shayad sharma gyi kyuki tumhari aur tareef sunke
kahi vo bhi tumhare pyaar mei na padh jaye.
Kyuki,
Tumhara vo:
Muskurate hue, baalo mei haath feerna,
Chalte chalte kahi bhi beeth jaana,
Yuhi mujhe alag-alag naamo se bulaana,
Vo budhu ki tarah mera mazaak banake chidhaana,
Aankh marke bhaag jaana,
Gaatei gaatei sab kuch bhula dena,
Haatho mei haath daalke bas khadhe rehna,
Ya bas gale lagake kabhi chodhna hi nhi.

Ab aur bata diya to kahi tum bhi pyaar mei na padh jao!