Raat ka samay, Mishra bhawan jo bahar se itna shant dikh raha hai lekin andar nuclear bomb itne khatarnak vaniyan phat rahi hai Shakuntala ke muh se. Aur ye nuclear bomb ke sikar hai Vineet aur Karan. 

Ruhana ne ghar aate hi apne mata pita ko saari baatein batai jo college mei hua fir kya tha, Mishra ji ne apni MBBS ki bhasha mei pyari pyari gaaliyan di aur Shakuntala ne apne shrap ki gathri kholi. Dono ladko ko itni gaaliyan padi ki agar wo sun le toh unki aage ke saath piche ki pushtein bhi behre hona pasand kare. 

"dono ladke ganje ho jaaye. Koi ladki shadi na kare unse. Unki motorcycle kabhi chale nahi, jab bhi wo chalane ki koshish kare dono gir jaaye." Shakuntala sabji kaatti hui bolti hai, krodh saaf chalak raha hai chehre pe. 

"Mumma let it be. Hum kyun apna muh ganda kar rahe hai unn dono ki baatein kar ke" Ruhana Shakuntala ko samjhati hui bolti hai.

"Haan, sahi bol rahi hai Ruu. Unn nalayakon ki baat na karo iss ghar mei. Panauti kahin ke, huhhhh, itni gandi sakal aaj tak na dekhi kabhi meine" Mishra ji unhe koshte hue bolte hai. 

"hum bata rahe hai bitiya dono mei se koi dikhe na aur agar badtamiji kare toh udhar hi laga dena chappal nikal ke, saara bhoot udhar hi utar jaayega" apni beti ko ye salah dete hui Shakuntala kuch yun khush hui jaise padma shree mila ho unhe. 

"Haan mumma, lekin abhi aap khana toh banao na jaldi se. Mujhe bhookh lagi hai" muh banati hui Ruhana bolti hai. 

"jaate hai hum abhi, jhat se bana laate hai khana" Ye bolti hui Shakuntala kitchen mei chalo jaati hai. 

Aaj ghar mei chappan bhog banne ki taiyari hai, Ruhana ke First aane ki khushi mei. Panch prakar ki sabji, aath tarah ki mithai, aalu paranthe, biryani aur jaane kya kya pakk raha hai aur paka rahi hai Shakuntala khushi mei jhoomti hui. 

Jab tak Shakuntala khana paka rahi hai, Ruhana sochti hai wo apna project kar le. Aapna saara saman le wo project karne baithti hai, Mishra ji bade pyar se uski madad karte hai. 

… 

Yahan dusri taraf, Sharda ko kafi chinta hai apne bete ki jo jaane kis se peet ke aaya hai. Chinta hona lajmi tha, kafi choton ke nishan dekhe hai Sharda ne dono ke badan pe. 

Sharma ji toh saaf mukar chuke hai ki unhone kuch kiya hai hi nahi. Lekin aab Sharda jo dard unke bete ko ho raha hai usse kaise kam kare. 

Inn saari baaton ko sochti hui, Sharda khana paka rahi hai ki tabhi Sharma ji unhe bulate hai. Gas ko low pe karti hui Sharda bahar angan mei jaati hai toh pata chalta hai ki Karan ke mata - pita aaye hue hai, karan ko le jaane ke liye. 

"Kahan hai mera kaju" Karan ki mata shree, Janki Sharda se puchti hai.

Udash sa ek chehra banate hue Sharda jawab deti hai, "so rahe hai dono upar, bahut chot aai hai" Sharda ke ye sabd sun ke janki ko kafi takleef hui lekin Karan ke pita ji Gaurav Sukla ji ko toh jaise kalaje mei thandak si padi. 

Sharma ji ki aur mudke kuch yun muskuraye jaise jung jeet li ho, Sharma ji ne bhi utaar mei yahi kiya. 

Bhale hi dono aurtein apne beton ko jitna bhi bachane ki koshish kare lekin ladke apne baapon se bach nahi paate. Badh mei maatein iss baat ka shok manati hai ki beton ko chotein aain aur pitayen jeet ka jasan. Aaj bhi aisa hi ek din hai, jasan manane ka lekin Sharma ji aur Sukla ji manaye toh manaye kaise dono aurton ki aankho mei dhul jhonkna toh kuch aasan bhi hai lekin Vineet ki nani, wo toh udte chidiya ke parr gin leti hai unke samne chalaki karna bhadi par sakta hai dono ko issliye bas muskura ke jasan ko manaya gaya. 

Dusri taraf Sharda, Janki ko rasoi mei le gayi aur dono aurton ne ek dusre ka rona roya. Fir jab baat kuch shant hui toh Janki ne ghar jaane ki baat ki, lekin Sharda ne rok liya ye kehte hue ki aaj wo log unke yahan hi khana kha ke jaaye. Janki toh mana karne lagi lekin jaise hi baat Sukla ji ke kaano mei padi unhone jhat se haan keh diya. Karte bhi kyun na, aakhir khane ke badh jab aurtein vyast ho jaayengi tab dono dost Kishori lal ji ki dukan pe Jaake pan khake, soda pee ke apna jasan jo mana sakte the. 

Dono dost baith gaye, aangan mei rakhe khatiya pe wahi Vineet ki Nani bhi baithi thi jo kafi der se dono ke chal chalan ko dekh rahi thi. 

"dono ke haao bhao kuch thik nahi laag rahe hai Humka, kya karne wale ho" Vineet ki Nani puchti jo, ye sunke dono unki aur dekhte hai, kuch der chup rehke Sharma ji jawab dete hai, 

"kya Amma, jab dekho shaq karti rehti ho. Hum toh kuch kaam ki baatein kar rahe hain" Sharma ji apna paksh rakhte hai. 

"kaam ki ho tabhi thik hai, aur kuch nikla toh dono ke liye thik na hoga" Nani kuch iss tarah se ye baat bolti hai ki Sharma ji aur Shukla ji ke chhake chut jaate hai. 

Aab iss baat ka dar hone lagta hai ki kahin agar Vineet aur Karan ne ye sabit kar diya ki unko Sharma ji ne peeta hai aur Shukla ji ye baat jante hai fir toh dono dost ka boriya bistara kissi railway station pe laag jaayega aur ye karengi Sharma ji ki Sasu maa jinko Sharma ji se koi lagav nahi hai na hi Shukla ji se. Toh unke aisa karte der na lagegi. 

Aab jab un dono ko ye darr satane laga tha tab kahan jasan ka khayal aata mann mei. 

Soch toh aab ye rahe the kaise bacha jaaye?? 

….. 

Aage kya hoga jaane ke liye banne rahiye hamare saath 

Milte hai agle adhyay mei..