No pics 😔😔😔😕😑

Sharma ji aur Shukla ji ki halat pinjre mei band uss chiriya ki tarah thi jo pinjre mei baith ke bhi chahak nahi sakte the kyunki unki ring master yani Vineet ki Nani ki najar thi unpe. Issliye jaise hi khana padosa gaya, Shukla ji ne furti dikhai. Fatafat khana khaya aur apni dharampatni ko leke chal diya kyunki Karan aur Vineet aab tak so rahe the aur Nani ka aadesh tha ki unhe pareshan na kiya jaaye. 

Lekin Shukla ji ki ye harkat bhi Vineet ke Nani ki aankho mei chadh gayi. Unhone Sharma ji ko shak ki nigahon se dekha aur Sharma ji wahan se bhag khade hue ye kehte hue ki unhe toilet jana hai. Aur iss se Vineet ki Nani ka shak pakka ho gaya ki kuch gadbad toh jaroor hai, ho na ho Sharma ji ka thoda na thoda haath jaroor hai Vineet ki peetai mei, issliye aab wo puri khabar nikalegi chan been karegi aur sach ka pata lagayegi. 

… 

Jahan ek taraf Vineet ki Nani ne sach pata lagane ki than li thi wahin dusri taraf Mishra ji aur Shakuntala apni beti ko apne haathon se khila rahe hai. 

Mishra ji aur Shakuntala apna pyar apni beti pe lutane ka koi mauka nahi chodte, uski har choti si choti khushi ko bade pyar se manate hai. Toh aaj ka din kaise chod dete. Pure parivar ne saath saath khushi khushi khana khaya fir tiffin mei khana bhar ke nikal pade bahar. 

Ye Mishra parivar ki ahem kadi hai, apni khushi wo sirf aapas mei hi nahi balki baki ke saath bhi manate hai. Wo unn bacho ko garibon ke saath apni khushi manate hai jo khudke liye kuch nahi kar sakte, ji haan wo garibon ke liye jo sadko pe paise mante hai unke saath aapni khushi bantte hai. Unko aache aache khana khila ke. 

Mishra Parivar nikal pada Dilli ki sadko pe jahan aise logon ka jhundh basta hai, aab sabko toh wo khila nahi sakte lekin apne mohalle mei basne walon ko jaroor khilate hai.. 

Teeno jan pahuch gaye mohalle ke naake pe jahan sadak ke kinare jhopdi bana ke ye log rehte hai. Mishra parivar ko dekhte hi sab khush ho gaye, unhe pata jo chal gaya tha ki aaj unhe bhookhe pet nahi sona padega. Unki khushi dekh Mishra ji aur unka parivar bhi muskuraya. 

Unke pass pahuchte hi Shakuntala ne sabka haal pucha aur tab tak Ruhana ne sabko plates banti. Sab log line laga ke baith gaye, Mishra ji ne Shakuntala ke saath milke sabko khana pados diya, Ruhana ne piche piche pani bhi de diya. Sab bahut khush hue. 

Waise toh mohalle mei kai ameer jyade hai jo chahe toh roj inhe bhojan karwa sakte hai aur un logon ko koi chota mota kaam bhi de sakte hai lekin koi aisa karta nahi. Pure mohalle mei ek Mishra ji ka parivar hi hai jo har teej tyavar mei unke liye kuch na kuch laate hi hai, itna hi nahi yahan rehne wale chote chote bachon ko Shakuntala khud padhati hai muft mei aur jahan tak rahi baat naukri ki toh wo Mishra ji nahi kar sakte kyunki un logon mei se koi padha likha nahi. Aab Mishra ji aise vyakti ko apne hospital mei naukri toh nahi de sakte. Lekin wo koshish karte hai ki sabko koi na koi naukri mille taki unhe bheekh na mangni pade. 

Khana khake sab bahut khush hue, unhone Mishra parivar ka dhanyawad kiya jiske badh Mishra parivar apne ghar ko laut chale. 

Mishra ji ghar jaane ke bajaye unke ghar se kuch pehle unke ek dost rehte hai wahan chale gaye kyunki unki tabiyat kuch thik nahi thi tab tak Ruhana aur Shakuntala apne ghar gaye. 

Ghar pahuch ke Shakuntala apne kaam niptaane mei laag gayi aur Ruhana apne kamre mei chali gayi. Jaise usne kamre mei kadam rakha ki unka phone bajne laga. Ruhana ne phone uthaya toh dekha unki saheli Shikha unhe phone kar rahi hai. Muskurati hui Ruhana ne phone uthaya, 

"Ruhana project bana liya kya tune" Ruhana ke kuch puchne ke pehle hi Shikha ki awaj aa gayi. 

Lo, toh aa hi gaya aakhir phone wo bhi Project ke liye!! 

Ruhana ne ek lambi sans bhari aur jawab diya, "Haan, lekin thoda baki hai abhi" Ruhana ne kafi koshish ki ki wo jhooth bol le lekin muh se nikla sach hi, aakhir Mishra ji ne kabhi jhooth bolna sikhaya nahi aur na hi kabhi jaroorat padi. 

"aacha sun na.. Meine apna project banaya hai, tu ek baar usko check kar degi kya please" Shikha vinti karti hai, Ruhana hairan reh gayi. Shikha ne project kar bhi liya. Aaj tak toh koi project bina uske madad ke na ki thi usne fir aaj ye chamatkar kaise hua. Aisa nahi tha ki Ruhana ko dukh hua ya koi aur baat ho, wo khush thi ki unki saheli aab khud bhi kuch karne lagi hai. Lekin utni hi wo hairan bhi hai. 

Kuch der chup rehti hui Ruhana bolti hai "tune project kar bhi liya. Waah kya baat hai" 

Shikha hansti hui jawab deti hai, "Haan.. Ye samajh aa raha tha toh kar diya. Aab bolo bhi send karu tumhe, check kar dogi" Shikha puchti hai 

"Haan.. Haan.. Bhej do, kar deti hoon check" Ruhana jawab deti hai 

Kuch der baat karte hue fir phone rakh dete hai. Shikha saare project ke photo khich Ruhana ko bhejti hai. Ruhana ek ek picture ko aache se dekhti hai. Wakai kafi aacha project banaya hota hai Shikha ne. 

Sabko check karke Ruhana Shikha ko message kar deti hai ki sab sahi hai. Uske badh Ruhana Mishra ji ko phone karti hai kyunki Mishra ji ko gaye kafi waqt ho chala tha lekin wo aab tak na laute hai. Jab Ruhana phone karti hai toh Mishra ji usse batate hai ki wo aaj nahi aa paayenge kyunki unke dost ki tabiyat jyada kharab hai toh wo unhe leke hospital jaa rahe hai. 

Ruhana ye baat Shakuntala ko bata deti hai fir dono maa - beti apne apne kamre mei so jaate hai.. 

....

Aage kya hoga jaane ke liye banne rahiye hamare saath 

Milte hai agle adhyay mei..