Sabko bahar nikalwa Ruhana wapas Shakuntala ke pass gayi jahan unhone paya ki unki mata shree aab hosh mei aa chuki hai. Ruhana bhag ke unke pass pahuchi aur bagal mei rakhi stool pe baith gayi. Unhone apni maa ka haath pakadte hue pucha, 

"Mumma, aap thik ho na abhi" chintapurvak Ruhana ne pucha, halke se Shakuntala ne haan mei sar hilla diya. 

Ruhana ne gehri saans bhari, fir Mishra ji ko ek wardboy ko bhej bulwaya taki wo check up karke Shakuntala ka. 

Jaise hi Mishra ji ko khabar mili ki Shakuntala ko hosh aa gaya hai unke jaan mei jaan aai lekin wo turant jaa na sake kyunki wo ek marij ko dekh rahe the, unhone wardboy ko kihalwa bheja ki wo kuch der mei aayenge marij ko dekh ke. 

Aab kya karte wo, Doctor thehre, parivar se pehle marij ko dekhna jaroori hai unke liye. Waise bhi Shakuntala ko koi bhari problem nahi hai bas darr ki wajah se bukhar chadh gaya tha unhe lekin abhi wo jis marij ko dekh rahe hai uski halat bahut gambhir hai. 

Ek toh wo ladki (marij) ka accident ho gaya hai, bahut gehri chotein aayi hai usse, upar se uske parivar wale uska ilaz karwane se katra rahe hai kyunki bahut paise lagenge, aab jahir si baat hai operation mei paise toh lagenge, lekin ladki toh bach jaayegi. Par ladki ke ghar wale mann hi na rahe, na mata pita na saas sasur aur na hi uska nalayak pati. Mishra ji ko toh itna gussa aa raha tha ki unka mann karne laga sabko thappad laga de. Kaise ghatiya log hai, unki bachchi marr rahi hai aur unko paiso ki padi hai. 

"kaise insan hai aap log, jara dekhiye toh sahi iski halat kitni najuk hai. Aise mei aap log paise ke liye kaise soch sakte hai?" Mishra ji ne gusse se pucha 

Ladki ki Sasu maa tivrata se boli, "bahut aasan hota hai ye kehna ki operation karwa lo. Doctor sahab, bahut paise lagte hai operation karwane ko. Hum itne ameer na hai jo jhat se paise nikal le. Aap logon ka kya hai, apni moti fees aur dawaiyon mei hi hamein maar dalenge.. Aab sab marre iss se aacha ek ye marr jaaye "krurta se muh ainth ke ladki ki Sasu maa boli jo sunke Mishra ji ka para aur chadh gaya. 

" kaisi aurat hai aap, aapko jara si bhi sharm nahi hai? Main tabse keh raha hoon aapse ki main apni fees nahi lunga aur na hi un dawaiyon ke paise jo mere pharmacy mei hai, bas jo dawaiyan yahan nahi hai unke paise aur kuch do nurse aur ek doctor ke paise aapko dene hai. Kya itna nahi de sakti aap, apni bahu ki jaan bachane ko "gusse se khaulte hue Mishra ji ne pucha 

" dekhiye Doctor sahab, aap kyun itna bhadak rahe hai. Ye hamari bahu hai, hamari marji hum operation karvaye ya nahi aap kyun jabardasti kar rahe hai. Hamare mei shakti nahi hai, aap jaiye aapna kaam kijiye "Mishra ji ko halka sa dhakka dete hue ladki ke Sasur ne bola. Mishra ji ne uska haath jhatka diya fir ladki ke mata pita ki aur dekha, dono ek taraf sar jhukaye aaram se khade hai jaise kissi anjan ko tassali dene aaye ho bas wo bhi upri mann se. 

" aap dono toh kuch boliye, aakhir beti hai aapki" Dono ko ghurte hue Mishra ji bole 

Dono ne sar uthaya aur bole, "hum kya kar sakte hai, aab ye unki amanat hai wo jo kare wahi sahi, hamara koi haq nahi ispe aab. Iske sasural wale jo faishle lenge wo uski bhalai ke liye hi hoga" Ye kehte hue dono ne fir sar jhuka liya. 

Bas, aab bardasth ki sima paar ho chuki thi Mishra ji ki. Bhala ye kya baat hui ki shadi ke badh maa - baap koi faishle hi na le beti ke liye. Gussa toh Mishra ji ko itna aa raha tha ki bahar phikwa de sabko lekin abhi unhe josh se nahi hosh se kaam lena hai. 

Badi aasa se unhone ladki ke pati ki aur dekha ki shayad wo hi raji ho jaaye operation ke liye, ladke ka haath pakad Mishra ji vinamrata se bole "dekho, tumhari biwi ki jaan bach sakti hai tum chaho toh bas kuch paiso ki jaroorat hai! Kya tum itna nahi kar sakte apni patni ke liye" ladke ko uski zimmedarion ka ehsas dilane ki koshish karte hue Mishra ji bole lekin sab vyarth ladka haath chuda piche ghasak gaya aur uske pitaji Mishra ji ke samne aa khade ho gaye, 

"dekhiye Doctor sahab, sarafat se bol rahe hai maan jaaiye yun humei uksana band kijiye. Humein nahi karwana koi operation waise bhi iss ladki ke maa baap phatichar hai, khane ko toh paise hai nahi ilaz kya karwayenge aur rahi baat mere bete ki toh ye aab tak toh meri kamai pe palta hai fir operation ke paise kahan se dega. Aur aab meri baat, toh haan mere pass paise hai lekin main iss ladki pe ek rupaye kharch nahi karunga "jaise hi ladki ke Sasur ne bolna khatam kiya Mishra ji ne khich ke ek thappad uske gaal pe dhar diya aur wo aadmi dharam se jameen pe gir gaya. 

Pati ki ye halat dekh patni kone mei sikur gayi aur beta usse toh kone se khich khich ke Mishra ji ne peeta. 

Waise toh Mishra ji shant saubhau ke hai lekin jab aisa kuch wo dekhte hai toh unka gussa upar ho jaata hai kissi jwalamukhi se wo phat jaate hai jaise ki abhi.. Sasur aur pati ko aache se peet ke Mishra ji ne guards bulwa sabko bahar phikwa diya aur dusre doctor se operation ki taiyari karne ko kyunki. Ye jahir hai uss ladki ko itni aasani se toh Mishra ji kuch hone na denge. Bhale hi uske parivar ne uska saath nahi diya lekin Mishra ji apni insaniyat aur dharm na chodenge!! 

Doctor ko taiyari karne ko bolte hue, Mishra ji chal pade apni patni ka haal samachar lene ke liye. 

… 

Aage kya hoga jaane ke liye banne rahiye hamare saath 

Milte hai agle adhyay mei..