#زواج-ثم-نهوة
#البارت 6
علي… تعالي اطلعي مددي ارتاحي هسه انطيج مسكن الام
مريم… بقبت ساكته ودموعي تجري انطاني علاج اخذته ونمت ماحسيت غير الصبح
علي… نامت وبقيت كاعد اباوع عليهه واتأمل ملامحهه واحس نفسب غلطت من اتزوجت اتصرفت بمشاعري ومافكرت بعقلي تعبت من التفكير نمت وكعدت الصبح على صوتهه بالغرفه
مريم.. كمت سبحت وبدلت لبست بنطرون وبدي ابيض واحمر لان اكيد راح يجي احد من خلصت اندك الجرس ردت اطلع صاح علي
علي.. اوكفي وين رايحه اني اطلع
مريم.. ها كاعد تمام
علي.. طلعت.. منوو
ام مريم… اني يمه
علي.. هلا بيج ام محمد تفضلي
ام محمد.. وبيك اكثر وين مريم
علي.. موجودة جوة تفضلي
مريم.. طلعت شفت امي فرحت كلش .. هلا يمه شلونج
ام محمد.. يبعد امج انتي شلونج انشالله مرتاحه
مريم.. الحمدلله زينه خل روح اسوي ريوك
ام محمد ..جبت الكم ريوك واني رايحه انشالله غير يوم امرلكم
مريم.. ليش يمه ابقى بعد وكت
علي.. شسالفه ام محمد ضلي نتريك على واهس مريم فاهيه متسوي واهس بالاكل ههههه
ام محمد… هههه ايي هيه اكلهه قليل
مريم. شبيكم يمه تضحكون عليه
علي… لا بويه ماعاش اليضحك عليج نشاقه وياج
ام محمد.. يلا اترخص مع السلامة
مريم. علي.. الله وياج سلمينه
علي.. يلا مريم حضري الريوك ترا متت جوع
مريم.. شسالفه ستوك كعدت شوكت لحكت تجوع
علي.. جا شنو تحاسبيني ع الاكل سوي يبعد روحي وانتي ساكته
مريم.. اي .. سويت الريوك ووديته ع طبله بالمطبخ.. يلا علي كملت
علي.. ايي بويه اجيت
مريم.. كعدنه ناكل گيمر وعسل ومربى تين وكاهي ريوك يشهي
علي… مريم اذا كملتي فتحي الاستقبال جماعتي اليوم يجون
مريم.. ميخالف اهلك هم يجون
علي.. ماادري ماكالوا نجي احنه فد ساعه ونروح لأمي نسلم عليهه. من تخلصين بدلي
مريم.. ماشي.. خلصت كمت شلت الاكل رجعته لثلاجه وغسلت المواعين ورحت خلصت شكم شغله ورحت ابدل
علي.. اباوع عليهه شلون تروح منا ومنا حركاتهه وكلامهه واسلوبهه مال طفله بس مرات احسهه تفتهم وواعيه
مريم… لبست ثوب مستور لان اخوته اهناك عيب البس بنطرون لبست ثوب مشجر ابيض وبيه ورد احمر مجسم يصير وبيه حزام ع خصر وحذاء بيضه وشال ابيض طلع كلش حلو وخليت مكياج خفيف . .دخل علي
علي… رحت اخذ ملابسي حتى اسبح ياربي انصدمت بشكلهه وشلون طالعه… مريم بويه مسحي المكياج
مريم.. بس مامخليه هواي شي قليل بس ترتيب
علي.. حتلو يروحي مسحي انتي حلوة بدون مكياج
مريم.. ضجت بس بداخلي فرحت يعني يغار عليه ويحبني.. ماشي
علي.. اكثر شي احبه بيهه متجادل تسمع الكلمة بدون متضوج.. يلا كملتي نطلع
مريم.. اي ماعندي شي بس عباتي
علي… يلا نتوكل
مريم.. صعدت وفاتح اغنيه حسين البصري (عمري جزة 30 وانتي زغيرة) جنت اسمع اني وساكته بس كلماتهه حيل حلوة
علي… يلا وصلنه نزلي
مريم… ها ايي يلا… نزلت بس مستحيه شلون راح اكعد وياهم
علي… دخلنه السلام عليكم
الكل.. عليكم السلام هلا بالعريس منور يابه ههههه
علي.. متستحون ولله.. شلونج يمه دكنت بست ايدهه وراسهه بس مبينه ضايجه اجت مريم..
مريم.. شلون بييي ردت ابوسهه دفعتني
ام علي.. وخري من يمي وشعندج طابه ليه ابني وخذتي الله ومحمد وعلي وياج الباب مفتوح
مريم… بقيت صافنه بمكاني ماانطيت اي ردة فعل خجلت كلش من الموقف
علي.. يمه هاي مرتي احترامهه من احترامي شلون هيج تحجين كدام الجهال
ام علي.. من تسمع كلام احترم مرتك انوب عليه احترم الزعاطيط وخرهه مني مااريد اشوف خلقتهه
مريم.. عفتهم يحجون طلعت كعدت بالسيارة متت بجي شلون فشلتني ومااحترمتني علمود ابنههظ
غوالي اعتذر منكم ماجاي انزل دوم
بس صاحبة القصه ماجاي تتواصل وياي عدهه ضروف
تفاعلكم💜💜
Bạn đang đọc truyện trên: Truyen2U.Pro