#ضلم_فضه 🔞

بقلمي #الكاتب_ابراهيم الجميلي

بارت 1

(تعريف عن الابطال)

لا أذكر أنني أحببت شيئاً في هذا العالم المُرتبك، بِقدر ما أحببت شعور الطمأنينة الذي أهديتني إياه بقربك 🤎.

--------

مرحبا بالبدايه اعرفكم عن نفسي اني راح ابدي بالقصه
بعدين من تجي الجنه الرابعه للبيت ينتقل الدور والبطوله الها
لان الجناين الاكبر منها ماقبلن يحجن بس مجرد دورهن موجود بالقصه
-اول شي اني اسمي زهى مواليد (1972)
عندي3اخوات اني الرابعه و4اخوان
اسكن محافضه ديالى
عايشين حياة حلوه واهلنه منفتحين مومن النوع
النحسين وهسوالف
تبدي قصتي من تقدملي اقاربنه
من بعيد يعني جان ابوهم معروف وحالته كلش زينه
اسمه(بندر) يصيحوله ابو وسام
متزوج نسوان 2
فضه الي هيه جبيره عدها 7اولاد و4بنات
ومرته الثانيه اسمها خديجه
من تزوجت اني جان معدها اي طفل وجانت حلوه كلش وصغيره عكس فضه الي الكبر مبين عليها
عمتي فضه تشبه الي بالصوره مال غلاف شبه موطبيعي ورجلها الي هوه عمي بندر جان كلش مهتم بنفسه وممبين علي الكبر
طبعا هوه تقدملي بسنه (1990)
تقدملي ابنهم الكبير اسمه وسام مواليد (1967)
هو ضابط ملازم اول بهذاك الوقت الضابط هيبه
وماكو مثله
ابنهم الكبير وسام الي تقدملي
بعدين ورا زياد
وخليل وبهاء ومهيب ومصعب وردام
والبنات الكبار الثنين مزوجات وعدهن اطفال
وثنين بالبيت موجودات
الكبيره سلسبيل متزوجه وعدها اطفال
وراها جلنار هم متزوجه وعدها بنيه
ومهاد وزهراء بنات شابات ممزوجات
طبعا همه ساكنين ابغداد عدهم بيت كلش جبير
جنه قصر البيت كلش جبير وحلو وبي حديقه جبيره
بس اكو شي ستغربت منه الي هوه نكره كلش جبيره
بالحديقه وغميجه
ماجرئت وسالت
طبعا وسام قبلي جان متزوج وحده
وطلعت مو بنيه وابو كله لازم تستر عليها بقت يمهم
سنه وطلكها
طبعا بوكتي اني جنت ايه من الجمال البياض والخشم الصغير والحلك
كلها جانت متعجبه بيه
ونطوني اهلي لوسام لان قبل ينطون اذا جان الشخص هيبه وضابط واحنه عائله بسيطه وهمه كلش زناكيل
وعدهم كومه املاك بذاكه وقت الفقر
وهم لان اقاربنا وناس زينين
بذاك الوقت الاب يقرر يزوج بنته للشخص اليعجب الاب
حت اذا كانت البنيه مموافقه
ماكول انو اني مموافقه بالعكس جان شاب حلو وضابط مكو شي يخليني ماقتنع بي
صارو البنات يحسدوني علي وهو وسام طار عقله بيه
صحيح مرته الاوله هم كانت حلوه مناقصها شي
بس بفتره الخطوبه وسام كلش تعلق بيه وحبني
وجان مكو تلفونات نتواصل
ف هو جان يداوم عسكريه تعرفون ضابط وهلامور
صار اول مينزل اجازته يجي ليمنه لديالى بعدين
يلا يرجع الاهله
طبعا خواته ميحبوني مبين من ضراتهم وحته امه
الي هيه عمتي فضه كلش مطايقتني واني اصلا
ممسويتلهم شي همه الي خطبوني مواني خطبتهم 😂
الي حابني بس وسام
وهذا اهم شي اني شرايده غير رجال يحبني ويحترمني
فتره خطوبتنا طولت بسبب دوام وسام
وسام من النوع الفرفوش ويضحك ويقلد جان من يجي حت خواتي يكعدن ويانه عله سوالفه وضحكه
مره عزمونه اهل وسام
للبيت ورحنه بسيارتنه اني و والدي او والدتي
واختي
جانت عزيمه يعني بسيطه حسيتهم يعني مثل
المتخلفين
بناتهم الي ممزوجات مخلوهن يكعدن ويانه
ومرة عمي بندر خديجه هم
ماعرفت لسبب وسالت وسام
زهى : ليش ميكعدون ويانه
وسام : عيب
زهى عيب من شنو اولا احنه اقارب ونته فاهم هلشي مبي حرام
وسام : حبيبتي اني لو عليه اقبل ادري لاعيب ولاحرام بس هاي اوامر ابويه شسويله يعني
زهى : مصار شي عادي اروح يمهم بالمطبخ
وسام : ميحتاج تسالين كلبي روحي وين متردين
زهى : كمت من يم وسام رحت للمطبخ
الي جانو بالمطبخ هو عمتي فضه الي اول مشافتني طلعت وراحت كعدت بالاستقبال وضرتها خديجه
ومهاد وزهراء
مهاد بس تبتسم وزهراء تنكط سم
حت لا تسولف لاتحجي بس تتحرك بالمطبخ
بس خديجه ضلت تسولف وياي وترحب بيه  وتسالني
وزهراء تباوع عليه وعليها صفح
المهم اني هم محجيت وياهم
سولفت ويه خديجه شويه ورجعت كعدت بصف وسام
من كعدت بصف وسام عمتي فضه ضلت تخزر بيه
اني مفهمت شنو الموضوع بس الضاهر متقبل اكعد يم ابنها
الي هوه خطيبي ورجلي
_________

بعد معاناة ومشاكل تصير بين الاهل
تم العرس
والعرس جان كلش حلو بوكتها جانو يجيبون (كاوليات)يركصن
وحوبي وطبل
يعني بوكتنا العرس جان يخبل
زفوني للغرفه وبقت خالتي واختي يمي شويه وراحن
قبل ميزفون وسام فوك
ومن زفو اخوانه الشباب او ولد عمهم
وهواي ناس من اقاربهم بعيدين مااعرفهم
زفو الوسام
صعد فوك تعشينه مر الوقت صار نص الليل
اني نصدمت وسام مدري شبي كل ميحاول يتقرب من عندي يتردد ويرجع
زهى : شبيك عيوني
وسام : مادري شبيه راسي كلش يوجعني
زهى : ليش خاف من هوسه العرس
وسام : مادري
زهى : شبيك اباوعله وجهه صار اصفر كلش مدري شبي
شويه نوب كام (يتقيئ)وجهه حيل بين علي التعب
من راح ليم جربايه داخ
ومدد ع جربايه اني رحت بدلت نزعت البدله وفليت التسريحه ونزلت وكفت ع الدرج جانت سلسبيل اخته
واكفه بالصاله صحتها
زهى : بلازحمه عليج ممكن تجين شويه
سلسبيل : خير شبيج شو نازله هسه
زهى : وسام مدري شبي تخربط
سلسبيل : شبي اكو واحد يتخربط هسه بيوم عرسه
خاف مكدر يدبرها
زهى : 😳😳😳سكتت من شفتها هيج تحجي
نوب راحت صاحت الامها اجتي عمتي فضه صعدت
شافته مدري شضلت تحجي ويا بعدين كالت .....
فضه : يلا نامو مابي شي بس شويه تعبان من الهوسه
نشالله باجر كلشي يتم
زهى : نشالله عمه
نزلت عمتي هوه راسن نام بالقاط مالته
اني مصدومه هذا شبي معقوله
صدك اني هم نمت كعدت الصبح ع لمسات وسام ع وجهي
زهى : صباح الخير
وسام : صباح النور حبيبتي يلا كومي نتريك
زهى : صار  حبيبي بس خل اغسل  وجهي واجي
نزلت غسلت وصعدت مشفت احد بعد خليت مكياج وبدلت او وسام راح يسبح جوه لان ماكو حمام فوك
سبح وصعد لبس كلابيه ونزلنه طبعا بس عمتي فضه هلهلت شويه وبعدها كعدنه اجتي خديجه باوستني وباركتلي وراها مهاد وجلنار زهراء من بعيد كلتلي مبروك وهاهيه ساعه ومحد سوالنه ريوك عاد وسام كام راح للمطبخ
شويه واجا مكو ربع ساعه وخديجه جابت صنيه مال ريوك
وكعدت صبتلنه جاي وراحت محجت شي
خلصنه وكمت اني مشلت الصنيه
ف وسام صاح الزهراء
وسام : زهراء تعاي شيلي الصنيه
زهراء : (بدردمه) اي مو خدم عد جناب خاتونه زهى

........

ڪما يڪون قلبُك، تڪُون الدُّنيا فِي عينيك .

يتبع........

#ضلم_فضه🔞

بقلمي #الكاتب_ابراهيم الجميلي