கூட்டிப் பெருக்கிச் சுத்தம் செய்த வீட்டில் குழந்தைகள் சாக்லேட் பேப்பர்களால் நிறைப்பது போல அந்தக் கல்லூரி வளாகத்தின் துப்புரவாளர்களால் சுத்தம் செய்த பிறகும் மரங்கள் தன் சருகுகளை உதிர்த்துக்கொண்டிருந்த காலை நேரம் , ஜீவிகா அந்த மரத்தடியின் ஸ்டோன் பெஞ்சில் தன் நட்புகளின் வருகைக்காக காத்திருந்தாள் .

அவளின் மனதில் சனி ஞாயிறு என்ற இரண்டே நாட்களின் இடைவெளியில் இனம்புரியாத ஏதோ இனிய உலகத்துக்குச் சென்று திரும்பியது போலிருந்தது , ஏன் இப்படித் தோன்றுகிறது என்றே யோசிக்கையில் எல்லாம் அவன் ( நம்ம ஹீரோ ) செயல் என்பதாகவும், நட்புகளுடன் பகிர்ந்து கொள்ள ஏதோ மகிழ்ச்சியான நிகழ்ச்சி இருப்பதாவும் தோன்றியது , ஆனால் எப்படிச்சொல்வது ?

இவர்களின்
நட்பு எல்லையில்
காதல் என்பது
தடைசெய்யப்பட்ட பகுதி ,

தன் தோழிகள் கூட காதலால்
காயம்படக்கூடாதென்று , முதலில் ஸ்டடீஸ் , கரியர், அப்புறமே காதல் என்று காதல் கட்டுப்பாட்டு அதிகாரியாய் செயல்படுவள் ஆயிற்றே இவள், மீறினால் இவர்களின் கூட்டத்தின் தலைமை இர்ஃபானிடம் சொல்லி ஆவன செய்து ஆப்பு வைத்துவிடுவாள் , இர்ஃபான் வீட்டில் காதல் புயலால் ஏற்பட்ட இழப்பு அவனை , தன் நட்புக்களையும் காதலில் இருந்து காப்பாற்றவே நினைத்தது , இந்தநிலையில்

எப்படிச் சொல்வது ,
யாரிடம் சொல்வது ,
அவனைக் கண்டதையும்
காதல் கொண்டதையும் ,
பகிர்ந்திடாத துன்பம்
மட்டும் பாரம் இல்லை ,
பகிர்ந்திடாத இன்பம்
கூட பாரம் தான் .

அதுவும் ஊர் பேர் தெரியாத ஒருவனைப் பார்த்ததிலிருந்து பைத்தியமாய் இருக்கின்றேன் என்றா? படும் அபத்தமாக அல்லவா இருக்கிறதது ,இப்படி அவள் மனம் நொடியில் நூறு நினைவுகளில் தவித்ததுக்கொண்டிருக்கும் பொழுது தான் ,

" ஜீவீ.... "
தோழியின் அழைப்பில் திரும்பினாள் ,

"ஏய் மானுக்குட்டி (மான்ஷா) ஏன்டி அங்க இருந்து வரும் போதே கத்தீட்டு வர்ற , இர்ஃபா எங்கடி ? "

ம்..பின்னாடி வர்றான் ,

இர்ஃபான் , நித்தின் , ஸ்வேதா , என்று அவர்களின் ஆஸ்தான மரத்தடியில் காலைக் கூட்டம் ஆரம்பித்தது , நித்தின் தன் கையிலிருந்த பேக்கை ஸ்வேதாவின் மடியில் போட்டுவிட்டு , நகர முற்படும் போது ,

"டேய் நித்தி என்னோட பென்ட்ரைவ கொடு " − மானு (யுத்தம் .... ஆரம்பம் )

சாரி மானு அத.....அத....

" சொல்லித் தொலடா எங்க என்னோட பென்ரைவ் மறந்திட்டு வந்திட்டியா ?

"இல்ல மானு என்னோட பேன்ட் பாக்கெட்டில் போட்டிருத்தனா மறந்திட்டு பேன்ட பென்ட்ரைவோட வாஷிங்மெஷினில் போட்டுட்டேன் "

" என்ன வாஷிங் மிஷின்ல போட்டடுட்டியா ?
அடப்பாவி உன்ன ஏன்டா கொரெனோ கொண்டு போல ? " எனக்குத் தெரியாது என்னோட பென்ட்ரைவ் எனக்கு வேணும் , அதுல ஃப்ரொசென் 2 ம், டாய் ஸ்டோரி 4 மூவியும் இருந்தது நான் இன்னும் பார்க்கக் கூட இல்ல ,

"அப்போ உனக்கு அந்த பொம்ம படம்தான் வேணும் , பென்ட்ரைவ் வேண்டாம் அப்படித்தான ? சரி விடு , ஜீவியோட லேப்டாப்ல நீ சொன்ன இரண்டு படமும் வச்சிருக்கா , நீ அதுல பார்த்துக்க ஓகேயா ? என்ற நித்தின் அவளின் பதிலுக்காக காக காத்திராமல் சற்றுத் தள்ளி நின்ற ஜூனியர் மாணவனின் தோளில் கை போட்டவாறு "ஆமா வர்ஷா பொண்ணு (அஸிஸ்டன்ட் ப்ரொபஸர் ) காலேஜ்கு வருதா இல்லையா ? ஆளே பார்க்க முடியல " என்று கேடடுக்கொண்டே இரண்டடி எடுத்து வைத்தான் ,

இங்கே முழுவதும் ஆங்ரிபேடாய் மாறிய மானுகுட்டி " இங்க பாரு இர்ஃபா அவனை " என்று நித்தினை முறைத்தாள் , சற்று தூரம் சென்ற நித்தின் அவனின் பேன்ட் பாக்கெட்டில் கைவிட்டு மானுவுடைய பென்ட்ரைவை எடுத்து கேட்ச் என்று சொல்லி இர்பாவிடம் வீசினான், அவனும் மிஸ் பண்ணாமல் கேட்ச் செய்து மானுவிடம் கொடுத்துவிட்டு ,

"ஏன்டா இப்படிப் பன்ற ? என்பது போல் நித்தினுக்கு சைகை செய்தான் " ,

திரும்பி அங்கே வந்த நித்தின்,

" நான் வாஷிங் மிஷினில் போட்டேன்னுதான் சொன்னேன் ஆனா மிஷின ஆன் பண்ணினேன்னு சொன்னேனா ?

ஆமா நீ என்ன சொன்ன மானு ? டாய்ஸ்டோரி.... 4.. ஹம்..... அந்தப் பென்ட்ரைவ்ல ப்ராஜக்ட் நோட்ஸ் இருந்துச்சு , அது மிஸ் ஆகிடுச்சுன்னு கவலை இல்ல , எலக்டீவ் 3 நோடஸ் அதில இருந்துச்சே அதப்பத்தியும் கவலை இல்ல , அது என்ன படம் ஃப்ரொசென் 2 , டாய் ஸ்டோரி 4 ம். அந்த பொம்மப் படம் மிஸ் ஆகிடுச்சுன்னு உனக்கு அவ்ளவு கோபம் வருது .... திருத்தமுடியாது டீ திருத்தவே முடியது... என்று மானுக்குட்டியிடம் சொல்லிவிட்டு , தன் விட்ட கடமையைத் தொடரப் போய்விட்டான் ( வர்ஷாவைப் பற்றி விசாரிப்பது ) .

ஏய் மலமாடு நில்லுடா , உன்னோட பேக்க யாரு உங்க பாட்டியா எடுத்துட்டு வருவா ? - இது ஸ்வேதா

ஆமா கரெக்டா சொன்ன நீதான பாட்டி அப்ப நீதான் எடுத்துட்டு வரனும் − நித்தின்

காலை குட்மானிங்கில் ஆரம்பிக்குமோ இல்லையோ ஆனால் இவர்களின் சண்டை இல்லாமல் ஒரு நாளும் ஆரம்பிக்காது ,

நின்றால் , உட்காரந்தால் என அனைத்திலும் சண்டை போடும் வல்லமை நித்தின் ஸ்வேதா மானுக்குட்டி மூவருக்கும் உண்டு இதில் அவ்வப்போது இர்ஃபான் ஜீவி யும் கூட விதிவிலக்கல்ல ,

நட்பின் சண்டைகள் எப்பொழுதுமே விசித்திரமானது , சமாதானத்திற்கும்
சாத்தியமில்லை , ஆனால் பிரிவுக்கும் வாய்பில்லை .

ஏய் ஜீவி என்னப்பா சைலன்டா இருக்க ? ஆமா நான் உனக்கு சாட்டர்டே மார்னிங் கால் பண்ணினேன் நீ அட்டன் பண்ணல , - இர்ஃபா

அப்டியா எப்போ ?

ம்.... 10. 45 இருக்கும்

'ம்கூம்.... பத்தேமுக்காலுக்கா அப்பத்தான் அவனப் பார்த்து எனக்கு பைத்தியம் புடிக்க ஆரம்பிச்சது ' மனதுக்குள் புலம்பினாள் ,
" ஓ 10. 45 ஆ அப்போ தீப்திக்கு இன்டர்வியூன்னு அவங்ககூட வெளில போயிருந்தேன் சாரி இர்ஃபா பார்க்கல..

நாட்கள் வாரங்களாக ...வாரங்கள் மாதமாக என்று ஒரு மாதம் முடிந்திருந்தது , ஜீவிகா அன்று பார்த்தவனை இன்றுவரை மீன்டும் பார்க்கவில்லை , அவள் மனதில் அவனின் நினைவுகள் நீங்கியபாடில்லை , அவளுக்குள் அவனை மீண்டும் பார்ப்போமா என்ற பயம் வர ஆரம்பித்தது , எங்கே கடைசிவரை அவனைப் பார்க்க முடியாமல் போய்விடுமோ என்ற கவலையும் வந்து அலைக்கழித்தது , நாம் ஒரு முட்டாள் தனமான ஆசையில் விழுந்திருக்கிறோம் என்பது அவளுக்கு அப்பட்டமாக உரைத்தது .
ஆனாலும் ஏனோ புத்தியும் காதலும் போட்டிபோட்டுக் கொண்டிருந்தது .

நட்புகளிடமும் அவளறியாமலே அமைதி காத்தாள் , வீட்டிலும் சில நேரம் தனிமை விரும்பினாள் , படிப்பில் கூட கவனம் சிதற ஆரம்பித்தது , செமினாரில் கூட சொதப்பினாள் அது இர்ஃபானின் கூர் பார்வையில் தவறவில்லை , சில நாளகவே இர்ஃபானுக்கும் ஜீவியிடம் ஏதோ மாறுதல் தெரிந்தது .

இர்ஃபான் செமினார் முடிந்ததும் நித்தின் , மான்ஷா , ஸ்வேதா மூவரையும் அனுப்பி விட்டு ஜீவிகாவிடம் தனிமையில் பேசினான் ,

" சொல்லு ஜீவி உனக்கு என்ன பிரட்சன ? "

" ஒன்னும் இல்லையே எனக்கு என்ன பிரட்சன ? "

" நானும் , கொஞ்ச நாளாக பார்த்துட்டுத்தான் இருக்கேன் நீ சரி இல்ல ஜீவி , உனக்குத் தெரியுமா ? அங்கிள் கூட என்கிட்ட கேட்டாங்க ஜீவிக்கு காலேஜ்ல எதுவும் ப்ராப்ளமான்னு "

துணுக்குற்ற ஜீவி "என்ன அப்பா உன்கிட்ட கேட்டாங்களா ? " என்றாள் ,

" ஆமா என்கிட்ட கேட்டாங்க நான் அப்டில்லாம் ஒன்னுமில்ல அங்கிள் நான் பார்த்துக்கிறேனு சொல்லி சமாளிச்சுட்டேன் , உனக்குத் தெரியுமா என் கிட்ட கேட்டுட்டு மறுபடியும் ஒரு மூனு நாள் அங்கிள் உன்னை அவேரே காலேஜ்ல ட்ராப் பண்ணினார் , நீ வீட்லயும் ஏதோ டிஸ்டப்டா இருந்துருக்க , ஏன் இன்னைக்கு கூட பாரு செமினார்ல சொதப்புற .. என்னாச்சு ஜீவி என்னிடம் கூட சொல்லக்கூடாதா ? யாரவது உனக்கு தொல்ல கொடுக்குறாங்களா?

" அப்டில்லாம் ஒன்னும் இல்ல
இர்ஃபா "

" நீ யாரையாவது லவ் பண்றியா ? "

அவள் இந்தக் கேள்வியை எதிர் பார்க்கவில்லை அவன் கண்களை நேராக சந்திக்க முடியாமல் சமாளித்தவாறு " நீயா ஏதாவது கற்பணை பண்ணிக்காத இர்ஃபா என்றாள் " .

அவனுக்கு தெளிவாக தெரிந்தது அவள் மறைக்கிறாள் என்று ஆனால் அவன் அதற்கு மேல் அவளிடம் கேட்டு அவளை சங்கடத்திற்கு ஆளாக்க விரும்பவில்லை ,
சரி ஜீவி வா கிளம்பலாம் என்று பேச்சை முடித்தான் .

அப்பா , இர்ஃபான் , எல்லாம் கேட்குற அளவுக்கு நடந்துகிட்டியே ஜீவி என்று
அவள் மனதுக்குள் தன்னைத்தானே நொந்து கொண்டிருந்தாள் .

பாலா அலுவலகத்தில் புது ஹெர்பல் ப்ராஜக்ட் விஷயமாக ஃபார்மா கம்பனிகளுடனான மீட்டிங்கில் இருந்தான் , மீட்டிங் முடிவதற்காகவே காத்திருந்தது போல பாலாவின் P A " சார் செந்தூரன்னு ஒருத்தர் உங்கள மீட் பண்ணனுமாம் சார் , நான் , உங்களுக்கு அப்பாயின்மென்ட் இல்லையேன்னு சொன்னேன் , செந்தூரன்னு சொல்லுங்கன்னு சொன்னார் சார் " என்றார்.....

பாசத்தை இதயத்தில்
பதுக்கி வைத்தான்
பதுக்கிய இதயத்தைப்
பூட்டிவிட்டான் இவன் ,