This is an OS on the Arjun- Shefali track. The police have brought Arjun Shefali to the Aggarwal house and all the family members are busy cursing them. Rakesh threatens to kill himself if the affair between Arjun and Shefali is true. Entirely frustrated and agitated, Arjun bursts out at all the family members.
I did not like it one bit how Arjun is shown as such a coward, who couldn't even defend his love and niether his sister whenever she was taunted and humiliated. So in this OS, it will be different.

Arjun is now frustrated by all that is happening. He is now fed up being used like some object, for fulfilling all his father's dreams and wishes. He has had no say in any decisions pertaining to his life. He has now had enough of his cowardice. Engulfed by emotions of anger and aggression, he bursts out.
A:
Bas kijiye sab!! Kabse jo jee mein aaye bole jaa rahe hain! Ab koi kuch nahi bolega !

All are shocked by this. Arjun had never raised his voice ever before. Seeing him this way, all of them were silenced.

A:
Jabse maine hosh sambhala hain tabse meri zindagi ke saare faisle sirf aap karte aa rahe hain papa. Par ab main bada ho chuka hoon. Ab main apne khud ke faisle le sakta hoon. Phir bhi aapne mujhe woh hak hi nahi diya.Thak gaya hoon main ab, aapki expectations se aur aapke sapne poore karte karte! Kya aapne ek baar bhi poocha ki main kya karna chahta hoon life mein, ki mere sapne kya hain? Kya aapne yeh jaanne ki koshish ki ki mujhse cricket aur padhai saath mein sambhle jaa rahe hain ke nahi? Nahi! Aapne aisa nahi kiya! Aapne bas apne sapne mujhpe thop diye aur mujhe apni izzat kamane ki aur sapne poore karne ki machine samajh liya. Har din sirf aur sirf mujhpar pressure dala. Aur aapko pata bhi hain ki aapki vajah se, aapka yeh beta chor bhi ban gaya!

Rakesh is shocked hearing this
R: Chor? Kya matlab hain tumhara?

A:
Haan papa! Chor! Headboy ke elections ke exam ke papers maine churaye the, Sameer ne nahi!

R: Kya?? Par kyun?

A:
Sirf aapki vajah se! Kyunki aapne mujhpar itna dabaav dala ki main dar gaya. Dar gaya ki agar galti se bhi main election nahi jeeta toh aapko bahut bada jhatka lagega. Main bhi ek insaan hoon papa. Main koi bhagwan nahi ki sab kuch perfectly karunga!

T: O Bai! Ab yeh sab chodo aur pehle batao, iss ladki ke saath tera kya chal raha hain? Yeh besharam ladki, na sanskaar na auraton waali izzat, aur ab toh ladkon ko phaasne bhi lag gayi!

A:
Taiji bas! Agar meri Shefali ke baare mein kuch bhi kahan toh accha nahi hoga! Sanskaaron ki baat na aap naa hi karein toh accha hain. Kya doosron ke baare mein anab- shanab bakna sanskaar hain? Kya apne ghar ki betiyon ke character par, har choti si baat ke liye, keechad uchalna sanskaar hain? Kya kisi doosre mazhab ki maanyata ko paap kehkar,uss mazhab ke logon ko besharam bulana sanskaar hain?

Taiji is left dumfounded for the first time.

Tauji: Yeh kya badtameezi kar rahe ho Arjun? Apne badon se aise baat kiya jaata hain? Koi izzat nahi humari?

A:
Izzat? Izzat na tauji kamaya jaata hain, zabardasti maanga nahi jaata! Aapne aisa kaunsa karya kiya hain jo aapko izzat de hum? Ek vakeel hote hue bhi aapki soch pichle sadi ki hain. Zamana badal raha hain aur logon ki maansikta aur vyaktitva bhi! Apni orthodox soch ko hum par, sanskaaron ka naam dekar thopna, izzat nahi kamati! Aap toh iss ghar ke bade hain na, toh jab bhi taiji ya papa, Naina ko bina vajah nakarte rehte hain, taane maarte rehte hain, tab kyun tala laga rehta hain aapke muh par? Naina kitni kaabil hain and she is a true achiever par uski har kaamyabi par sirf Chachaji, Chachiji, main aur Preeti khush hote hain!
Aap toh ghar ke bade ho, toh kya yeh aapka farz nahi ki jab ghar ka koi sadasya tarakki haasil kare, toh unke khushiyon mein shaamil hokar unhe badhava dena chahiye?

Now Tauji is left astound.

Chachaji and Chachiji keep mum, knowing that this was very much needed. If the calm and quiet Arjun is bursting out this way, then this is necessary as this is what will remove all that he has bottled up till now.

A:
Aur haan, abhi abhi jo Shefali ne kaha woh bilkul sach hain! Hum ek doosre se pyaar karte hain. Par mera yakeen kijiye, hum bhaagkar shaadi nahi kar rahe the. Main toh bas Shefali ko church tak drop karne gaya tha!
Mujhe pata tha ki jab main aapko yeh baat bataunga toh aap sab log yehi karenge! Par aapko pata hain, ki aapki soch kitni seemit hain? Sanskaaron aur samaaj mein izzat ke naam par aap sirf apni izzat ka khayal kar rahe hain! Iss haalat mein bhi aap Shefali ko blame kar rahe hain aur kos rahe hain, kyunki Shefali ek ladki hain. Kyun, sahi kaha na maine?
Taiji, jab Pralay ko padhane ke liye Shefali ki zaroorat thi toh voh acchi ban gayi aur ab voh besharam aur asanskari!

R: Theek hain! Maanta hoon maine tumpar apne sapne thope. Main sab maanta hoon par agar tune iss ladki se shaadi ki, toh tu mera mara hua muh dekhega!! Apni izzat toh nahi rahi, ab ghar ki izzat mitti mein milne nahi doonga!

A:
Ab yahi baaki reh gaya tha papa! Aapne voh bhi poori kardi! Jab tak main aapke saare sapne poore kar raha tha ya kahun ki poore karne ke liye raazi tha, tab main aapka accha beta jiski aapki zindagi mein bahut value hain. Tab toh aap mujhe sabke taanon se bachate the aur aaj jab main mana kar raha hoon, tab samaaj mein izzat bete ki khushi se zyaada ho gayi? Sach toh yeh hain papa ki aapne aapke bacchon se pyaar kiya hi nahi! Aapko main sirf aapki izzat kamane ka zariya lagta hoon aur kyunki Naina ladki hain aur aapke liye kuch nahi kar sakti, toh aapne usse pyaar jataya bhi nahi. Par aapko ek baat bataun, asal mein voh hi hain jo aapka naam roshan kar rahi hain. Uski aankhon mein dekha hain aapne kabhi? Kya aapko dikhta nahi ki voh kis tarah aapke pyaar ke liye tarasti hain? Jab bhi use koi puraskaar milta hain, toh uski aankhein aapko dhoondti hain. Jab ghar mein sab log uski tarakki celebrate karte hain aur sab uski taareef karte hain, toh uski aankhein bas aapko dhoondti hain aur aap jab aate hain, tab uski aankhon mein umeed ki ek chamak aati hain ki aap bhi uske achievements par garv karoge aur uski taareef karoge par har baar aap use niraash kar dete ho. Phir bhi har baar uski umeed bani rehti hain.
Aur pyaar karna kya galat hain? Pyaar bhagwan ka roop hota hain. Kya Bhagwan Shri Krishn ne Radha se anmol prem nahi kiya tha? Unke prem ko toh aap sarhate hain aur unhe poojte bhi hain. Toh jab baat hunare prem ki aayi toh aap izzat, dharm, sanskaaron ki baat kar rahe hain? Saccha dharm toh yeh kehta hain ki Bhagwan ek hi hote hain. Bas alag alag dharm unhe alag alag roop se dekhte hain. Toh sirf isliye ki Shefali ek Christian hain, aap humare pyaar ko galat keh rahe hain?
Aur ek baat bataiye Tauji, kya yeh kanoon mein kahi bhi likha hain ki divorce is wrong and sinful? Doesn't it support divorce? Agar kisika pati use theek se treat nahi karta, unhe maarta rahta hain, unpe zulm karta hain toh yeh auraton ka hak hota hain ki voh uss shaadi se aazaad ho jaye. Isme kaisa paap hain? Agar Shefali ki mummy divorcee hain toh usme galat kya hain? Maine sahi kaha na Tauji?

Tauji just nods his head

A:
Hum sab ab beesvi sadi mein jaa rahe hain toh solvi sadi ki soch chod dijiye
Yeh andhvishwaas chod dijiye. In sabse koi khush nahi rahega. Inn sab baaton ko maankar aap hum sab ke beech dooriyan badha rahe hain. Inn sabke upar uthkar dekhiye, zindagi khoobsurat, khushiyon se bhari, pyaar aur apnepan se bhari hogi. Hum ek jut hokar rahenge aur zindagi ki choti choti khushiyon ko mehsoos kar payenge.
Taiji, ek baar doosron ki burai karna chodkar kisi ki dil se tareef kijiye. Unke chehre par khili muskaan aapke hriday ko bahut shanti aur trupti dega.
Tauji, aap bhi apni orthodox soch ka tyaag karke modern soch apnaiye. Dikha dijiye ki aap ek sacche lawyer ho jo apni vakalat mein jo karta hain ya kehta hain ya jaanta hain, usko voh maanta bhi hain!
Aur papa, ek baar izzat etc ko side mein chodiye. Aap ek shikshak ho aur aapki hi soch itni seemit? Gusse ko side mein rakhiye aur hasna sikhiye. Apni family ke saath time spend kijiye. Kisi pe bewajah mat chillaiye aur haan jin books ki aap dekhbaal karte hain, unhe ek dafa padha bhi kijiye. Sach kehta hoon, aapki soch khul jayegi. Ek aur baat, Sameer bilkul bhi bigda hua nahi hain. Main aur aap kal usse maafi mangenge aur principal ko sab sach bata denge. Ek Baar, bas ek baar apni ego ko side pe rakhke dekhiye. Tab maafi maangna itna mushkil nahi lagega. Ise aap apni insult nahi balki yeh samaj lijiye ki aapka dil bada hain kyunki maafi maangne se koi chota nahi hota kyunki jo maafi maangta hain, uska dil bada hota hain. Bas ek baar Naina ke achievements aur uski talent ko recognise kijiye aur use gale se laga lijiye. Woh bahut khush ho jayegi!
Chachaji Chachiji, aap logon se main kya bolun. Bas itna kahunga thank you. Thank you for being there for me and mainly Naina. Aur Chachaji, I salute your thinking and your upbringing.

All the members of the family ponder over what Arjun has said, while Arjun walks with Shefali. Shefali and her mother have a proud look on their faces.

So hey!
How was it? *Was more of my outburst than Arjun's*
I wanted Arjun to give up his cowardice and face his family. Also I wanted him to make his family realise the importance and value of Naina.

Well, long one right?
Some 1730 words....