Recap:
Om: (Shocked) Tum?! Phir se?!

Myra: Hain?! Aap?!

----
Anika: Tum dono ek dusre ko jaante ho?

Om: Haan bhabhi yehi---

Myra: (excitedly)Arre, Didi! Gupshup toh baad mein maarenge, pooja ka kaam karna Hai na?Aap mujhe pooja ka kamra dikhayie

Anika:( confused) accha, chalo

*Myra and Anika leave*

Om: Yeh ladki yahaan kyun aayi hai?

Dadi: Arre, yahi to mandir waali ladki, jisne mujhe ghar tak pahunchaya tha

Om: (To himself) iss ghar mein ho kya raha Hai? Iss ladki ko mein akele nipta doonga

*At the pooja room*

Anika: Yeh lo pooja ki list. Decorations tum apne hisaab se karna, theek hai?

Myra: Ji didi. Waise, kitne log aayenge? Sau zyaada toh nahi na?

Anika: (Smiling) 300-400 log aayenge

Myra: Pooja Hai ya shaadi?

Anika: (Laughing) Yahaan Oberoi khandaan ki pooja bade dhoom-daam se hoti Hain

Myra: Accha didi, shukriya. Aap tension mat lijiye. Myra ki pooja aur prashaad, dono superhit hoti Hai!

Anika: (laughing) Accha theek hai. Main chalti hoon, tum sambhaal lena

*Anika leaves*

Myra: (To herself) Hey Shankarji, kahaan fasadiya hume? Ussi khadoos ke ghar? Kyun?!

Chotu: Didi! Yeh toh wahi gaadiwaale ka ghar Hai! Usne gharwaalon ko sach bata diya toh?

Myra: wahi toh! Pehli baar ek accha kaam haath aaya hai, aur woh khadoos Sab barbaad kar dega. Abhi tak toh usne gharwaalon ko Sab bataaya hoga

Chotu: Ab Kya karein, didi?

Myra: Yahaan se chale jaate Hain, aur Kya?

*Myra and Chotu take their things and are about to leave when Dadi comes*

Myra: (To herself) Shankarji, sambhaal Lena

Dadi: (Smiling) Arre beta, kahi jaa rahi ho? Kuch chahiye?

Myra: (Surprised) J-ji? Nahi-Nahi Maaji, woh main puchna chah rahi thi ki kyun na pooja baahar lawn mein karein? Agar aitraz na ho?

Didi: Jo tum theek samjho beta. Accha ek aur baat, mujhe maaji nahi, Dadi bulaana. Theek hai?

Myra: Ji maaji, mera matlab hai Dadi

*Dadi leaves*

Chotu: Didi, mujhe nahi lagta hai ki uss gaadiwaale ne kuch bola hai. Yeh toh acchi baat hai na?

Myra: (Confused) Haan Chotu, par usne gharwaalon ko bataaya kyun nahi?

[The rest of the day goes in Myra creating a plan for the pooja, calling caterers, arranging for flowers, furniture and all the necessary items]

*Myra goes to meet Dadi*

Myra: Dadi, Maine caterers aur phoolwaalon ko bula diya Hai. Kal se hall banaane ka kaam shuru hoga

Dadi: Theek Hai beta. Aur prashaad ka intzaam ho gaya?

Myra: Arre Dadi, Prashaad toh Myra ka department hai. Hum prashaad apne haathon se banayenge

Dadi: Poore 400 log ke liye? Beta, bahut mushkil hoga

Myra: Nahi Dadi, hum sambhal lenge! Aap befikre rahiye. Yeh pooja EkDum superhit rahegi

Dadi: (Laughing) Thank you beta. Accha, khaana kha kar toh jao!

Myra: Nahi dadi, hume ghar jaana chahiye. Aapse kal milenge

Dadi: Accha ruko, main driver ko bulaati hoon---(Dadi sees Om walking)
Arre Om! Jao, Myra ko ghar drop karke aao

Myra: (To herself) Ek musibat se nikal jaati hoon toh doosre mein fas jaati hoon. Ab kya karoon shankarji?!

Om: Chalo

*Om, Myra (Gauri) and Chotu walk towards the car*

Myra: (To herself) Aage baithoon ya peeche? Uff, Kya musibat hai

Om: Tum peeche baithon, mujhe ghar ka raasta maaloom hai

[The car ride was unusually quiet, and Myra was confused and anxious. Did he tell everyone? What was his plan?]

Myra: (To herself) kahi Yeh mujhe kidnap karke maar toh nahi dega? Hey shankarji, humari raksha karo!

[A few minutes later the car enters the chawl and stops]

Myra: (To herself) Thank oo, shankarji

[Myra and Chotu exit the car and just then, Myra turns and walks back towards the car]

Myra: Dekhiye, hume pata hai ki aapka plan ka hai

Om: (To himself) plan? Iss ladki ko ho gaya hai?

Myra: Aise ghur ke ka dekh rahe ho?

Om: Tumhare bakwaas ke liye waqt nahi hai

Myra: aap hume kidnap karne waale the na?

[Om's face scrunches up, and he is confused]

Myra: Sahi the na?! Aapko ka Laga? Bareilly ki chori ke aankhon par patti daloge?

Om: Tum actually pagal ho gayi ho. Please apna ilaaj karwa do kisi aspataal main!

Myra: Haww, aap ko toh tameez hi nahi hai! Chee chee chee

Om: Shut up! Bahut sunn liya tumhara bakwaas. Ab tum meri suno! Kal se kaam par aane ki zaroorat nahi hai

Myra: Kyun?!

Om: Kyun ki main nahi chahta ki tum mere ghar aur gharwaalon ke aas paas aao

Myra: Main Kya koi bimaari hoon? Dekhiye, hume pata hai ki hum dono ki mulaqaat acchi nahi thi, lekin usme aapka qasoor Hai! main Kya karoon?

Om: Mera qasoor?! Tum mere gaadi ke saamne aayi thi!

Myra: Oh hello ji! Aapki gaadi mere saamne aayi. Aapka Problem nijee hai, usse kaam mein mat laiye

Om: Excuse me?

Myra: Haan Haan excused! Dadi ji ne kaam diya hai toh woh poora karke hi chale jayenge. Aapko koi samasya hai toh khud suljha dijiye ga

Om: (To himself) yeh kaisi ladki hai yaar? Itni ziddi?!

Myra: Aur Haan, hume kidnap-vidnap ka iraada aap chod hi do, humaare padosi policewaale hai!

Om: Kidnap?! Tumhe kidnap karne waala duniya ka sabse badkismat insaan hoga. Tumhe jhelne se behtar Hai ki woh Kidnapper zeher pee jaye!

Myra: Haww! Aapka Kya kehna Kya chahte ho? Main tang logon ko tang karti hoon Kya?

Om: Haan!

Myra: (Panicking) Uff, accha sorry baba! Heropanti karna hamara ishtyle hai.

Dekhiye, kyun gareeb ke pet par laat maar rahe ho? Hume toh pata hi nahi tha ki Dadi aapki Dadi Hai. Kal hamne unki madad zaroor ki, lekin badle mein kuch paane ke liye nahi. Dadi ki jagah koi aur hota toh hum wahi Karte

Om: Ab aa gayi na line pe?

Myra: Matlab, aapne maaf kar liya na? Chalo thank oo!

Om: Arre---

Myra: Aur Haan, aap plij yeh mat sochiye ki hum aapse darrte hain. Bareilly ki chiraiya Hai hum! Chalte hain.

*Myra goes home *

[Om starts the car and begins driving. Immediately, his mind begins playing his recent encounter with Myra (Gauri). There was something about her that he couldn't forget. He had never met someone as loud, talkative and obnoxious yet pure as her. Nothing about her seemed artificial. At all. Om found himself doing something he hadn't done in almost a year.

He was smiling!]

-------

Aww, hamara omkie muskura raha hai, itne mahine baad!!

What do you think guys!! Do you like how the story is going? Please let me know, I'd love to talk to you guys!!

Thank you so much for reading my loves!

Next update will probably be tonight or tomorrow morning. Stay tuned :)